أكو وحده تزوجت وزوجها كلش يحبها بس عمتها ( أم زوجها ) كلش تكرهه ومسودة حياتها يومية تتعارك وياها وتضوجها
هاي البنية عدها صديقة كالت ألها ليش ما تخلين سم ألها وترتاحين منها وسوس الشيطان ألها وأقتنعت بالفكرة
راحت للعطار كالت اله أريد خلطة أسمم بيها عمتي خبلتني وهيج وهيج قصتي وجان هذا العطار كلش مشهور بخلطاته القوية والمجربة بهواي شغلات
كال الها طلبج موجود عندي وراح أنطيج الخلطة بس يطول شهر يلة يبين مفعوله وتموت كل يوم خاشوكة وية الاكل وانتي هم أحسن الج حتى لحد يشك بيج وهذا من جانبج
بس عندي شرط
كالت اله شنو الشرط
كال ( أريد منج حتى لو هي مو زينة وياج وتعاملج بطريقة قاسية أنتي صيري زينة وشتكول الج كولي حاضر وعامليها كلش زين وداريها وأبد لا تقصرين وياها بأي شغلة وباي شي تطلبه منج ) كالت اله حاضر راح أنفذ بس حتى ارتاح وأخلص منها ...
مرت الايام وصدك نفذت كل اللي كال عليه العطار وكامت تعتني بيها وتنفذ اللي تطلبه منها وبلمقابل العمه ( ام زوجها) كلش زينة صارت وياها وتحبها ودافع عنها وتشتري رضاها
مرت الأيام وراح يصير شهر أجتي للعطار تبجي ومنهارة وتتوسل بلعطار فدوة ألحك ألي ما أريد عمتي تموت أريد يبطل مفعول هذا السم أريد عمتي فدوة تبقى عايشة 🙁
ضحك العطار كال الها شو بدلتي رئيج مو قبل شهر ترديها تموت شنو غير رئيج
كالت اله غلطت وتندمت والتوبة بعد ماأعيدها أريد عمتي فدوة ما تموت
ضحك العطار وطمنها كال الها لا تخافين عمتج مراح تموت وهاي الخلطة مو سم
أني ما انطيتج سم أنطيتج درس حتى يصير عبرة ألج ولغيرج تتعلمين من عنده أنه بأسلوبج الحلو والزين تكدرين
تجبرين حتى اللي يكرهج تخليه يحبج ويحترمج
العبرة .....
يعني حتى وأن كنتِ مضلومة وضاقت بيج كل سبل الحياة سلمي أمرج لله وأي شي تسووه يكون خالص لله وأنتظروا العوض منه هو بس اللي يكدر ياخذ حقك المهم أنت سلم أمرك لله
يعني...
أحترامك للناس لا يعني أنك بحاجة ألهم
فهذه أخلاقك وأن كانوا لا يستحقون 😊
