الفصليه تربي اطفالي

البارت 1

فجأة صوت صغير وطفلة صغيرة في عمر الاشهر لم تبلغ السنه  تدخل الغرفة وتقطع نومه وهي تسحب الغطاء بين يديها
ببا ببا ببا ببا ....
كرار: هلا ولج شجابج تعاي تعاي جوعانه ...باسها من كصتها وشالها ونيمها على السرير ...عيون ابوج يروحي نامي نامي ..تبكي الطفلة وتجعله يستيقظ ليهدئها ...شبيج بابا شبيج ...اخ هاي شنو مسويتها بالحفاظه..ججج اوووف ...اخذ جهاز من على الميز مال الجرباية ...تعاي هنا بيبي وسخ تعاي ...
تأتي الخدامه تأخذها والطفلة مستمرة بالبكاء ....اني اسمي كرار عمري 36سنه وسيم بمعنى الكلمة عندي 4اطفال ... مصطفى عمره 9سنين وحور 7سنين وعلي 4سنين  وسرى 8اشهر....احب الاطفال هوايه والاكثر جنت احب امهم بس للاسف كلشي حلو ينتهي بسرعة ......اني محامي معروف بالدوله واكبر قضية افرها فر واجيب حق الناس من حلك السبع عندي اخوان اثنين اني الكبير وعندي اصغر مني سالم ضابط وهو متزوج وعمر مدرس وهم متزوج ومحمد الاصغر منا لساه ممتزوج  وعمار  الاصغر هم بعده بلا زواج ... ماعندي خوات وامي وابوي لساهم يشمون الهواء حمد لله ابوي ضابط بالدوله امي ربت بيت بس تسوه كادره تمشينا وتمشي ابويه .... غسلت وبدلت ونزلت جوه بيتنا كبير كل شخص اله جناح ابويه ميقبل نطلع بيت وحد يريدنا سويا هذا طبعا امر من الوالده ......  اجوي ولدي عليه يتراكضون ونزلتهم وياي واني ابوس بيهم شلت حور ومصطفى يمشي بصفي دايرحون للمدرسه ...
كرار:هاي شنو هاي شنو حور  اليوم النشاط شاب بيج
حور:بابا ماعدنا اليوم املاء
كرار:دااكول مو من عوايدج
مصطفى:بابا ثكيله بالفهم دماغها محشش
كرار:مصطفى اختك لاتحجي عليها هيج
مصطفى:بابا البارحه عفت القراءة واقري بيها قدوري متفهم
كرار:عفيه عفيه بابا ميخالف طول وياها
حور:بابا جذاب اصلا بسرعه قرينا بس هو ضل يلعب
مصطفى:اني جذاب ...كام يكمز علمود يضربها وحور ترجعله الضربة وتعيب عليه  ....نزلوا جوه كرار باس راس امه وابوه الي كانوا جالسين على طاولة من خشب طويله تسع عده نفرات ...يأشر براسه لمصطفى علمود يبوس بيبيته وجده بس مصطفى غلس على الوضع وكعد
الحجيه:اي ضل دللهم وماكو احترام النا ابد ولدك دمرونا دزوج دزوج
الحجي:خزر بمصطفى
كرار:يوم الله يخليج جهال حاليا
الحجي:الجاهل يتعلم من هسه  قبل مايكبر
كرار:اي صحيح
الحجيه:مو بس تسمع وتغلس جيب الهم مره تضبطهم وتربيهم وكاحتهم متنجرع وحتى ابوك ماكاعد يكدرللهم
مصطفى:مااريد ام فهمتوا مايتزوج بابا ...عاف الاكل وطلع ركع الباب
حور:بعيناها الصفراء وتنظر الى ابيها  وتخاف من غضبه
الحجيه:هو هذا اسلوب طفل دشوفه شلونه دشوفه ..خو محمد مينجرع لو هاي وتشير بيدها الى حور مثل الزماله كلشي متفهم ...والصغيره بيد الخدم تتربى ...بس اتخلف متفكر شراح يصير بيهم
كرار:يوم مااتزوج اني هسه مااتزوج لساها تراب المرحومه مناشف
الحجيه:المرحومه هو منو يبقى ينتظر السنويه مال مرته اشو كلهم وره الاربعين يتزوجون ولك جماله عندك كومه جهال ..
الحجي:عوفي ام كرار عوفي علمن يدمرون جهاله ويخربون ذاك الوكت يتندم
كرار:اني شبعت الحمد لله يالله حور بابا امشي خل نروح تأخرنا ...راح كرار صعد سيارته الفخمه مصطفى كاعد بالصدر وضامم ايديه لصدره حور ركبت ليوره ....
كرار:هابابا مصطفى ميصير هيج تحاجي بيبي
مصطفى:بابا كله تصيح وتعيط علينا وجماله تريد تجيب مرة اب النا علمود تموتنا
كرار:اسم الله بابا اوعدك مراح تجي ممرة اب تموتك من الكتل يالله بابا حور سمعينا نشيد خل نطلع .....حور اي اي خل اغنيلكم انا البندوره ..
كرار:يالله غني ابتسم وانطلق بسيارته الفخمه وذهب ليوصل اطفاله للمدارس الاهليه التي يعيش فيها الغني .......
اما في مكان اخر في العراق وايظا في بغداد ... تجلس هناك فتاة بعمر العشرينات وبجوارها طفلان ولدان .... يالله جهالي مرة في حينا زارنا فيل ضريف برفق قال لنا ليس هنالك مايخيف ... هناك طفلان بصفها كاعدين على الارض ويغنون وياها ....نحن الخير بطبعنا لانرضى ظلم الضعيف لايحيا بيننا الا الانسان الشريف ...بابار فيل ذكي نبيل وعالم الاطفال عالم جميل ....اخذت الفتاة الخاشوكه وكامت تغني وعالم الاطفال عالم جميل ...
يأتي رجل بعمر الثلاثين:اي اي ام داج بعدج زعطوط الي يشوفج ميكول هاي مدرسه بكبر بعرض
شيماء:حبيبي فخامة الاسم تكفي بعدين لو مااني ولدك عرفوا سبيستون عرفوا ضروك بعينهم
جمال:يالله لج يالله لاتغلطين عليهم شمحلاتهم
نرجس:شبيكم شبيكم من صباحيات المناكره
شيماء:شوفي رجلج بس يغلط عليه
نرجس:دعوفها ياعيني شعندك وي الزعاطيط
شيماء:مو صوجكم صوجي اني الي ربيتلكم ولد وانشأتلكم اجيال مستقبل
جمال:ديالا لاتكلبيها سبيستون عليه كملي دانروح
نرجس:والله  على هذا عقلج محد راح ياخذج
جمال:جماله كاعده ترفض الي يجوها تكول ملكة جمال ..
شيماء:عشتو ليش الملكة جمال احسن مني شحلاتني اخبل
عباس الابن الصغير لجمال  عمره9 سنين: اي عمه اصلا كلش حلوه تشبه سالي
جمال:هههه دستلمي شكد زعطوطه
شيماء:برطمت على انه زعلت ....اني شيماء عمري 24سنه مدرسة انكليزي بأحدى متوسطات بغداد
... لاتحطونن عينكم تره ممتعينه هيج محاظرات يوميه اخذ اجورها لان المتوسطه الي يمنا ماعدهم مدرسه انكليزي واني الي لازم احاظر بلكي يعينونني ...اخويه الكبير جمال كان ابويه مو اخويه ابويه توفه من جنت بالخامس اعدادي جمولي هو الي تكفل بيه هو سايق تكسي وعنده ثلاث جهال اموت عليهم وحتى لعب العب وياهم امي عايشه وبكامل صحتها حمد لله  ...صدك نسيت اكلكم مواصفاتي اني حنطيه مائله للبياض عيوني عسليه كبار شعري مو اسود لا لونه كستنائي وطوله لخصري يوصل  وشفايفي مليانه لاطويله ولاكصيره جسمي حلو مو سمين ولاضعيف اني انثى بمعنى الكلمه  ....تباهيت هواي وتأخرت على الدوام ...يالله جمال كوم كوم وصلني راح اتأخر كاموا ولد جمال ويايه عباس بالثالث واحمد بالرابع  احبهم اموت عليهم وهمه هم يسمعون كلامي ويحبوني طلعنا للدوام وجمولي راح بتكسي مالته يشتغل على باب الله ......
#حوريه