شرقيه الهوى

الاول والثاني

#شرقية_الهوى
#طيبة الربيعي
~البارت الأول~ 1
حبايبي النشر حسب الفراغ... قرائة ممتعة... 10

~~~~~~

بعد تلث سنين من سهر ليالي وذرف دموع وقهر وقلق وتهشم ...
فتت للهول شفتة كاعد.. نفس الكعدة والثقة والشخصية.. بس باينة عليه الراحة..
سلمت عالجميع بكلمتين فقط.. منهم منافق ومنهم رد السلام بصدق.. بيت خالتي ..

بعد سنين من عناء وفراق التقينة.. يمكن القدر؟ او يمكن حظ؟ او مثل ميكولون احياناً قسمة ونصيب؟ دنحجي عن حب ضاع بسبب تدخل الآخرين.. او يمكن بسببنة.. معرفنة نحافظ عليه.. او يمكن بسببة هو؟ مو يمكن.. اكيد.. كلامي موثوق عندي دلائل مو دليل..'طيبة_الربيعي' 3

"وشهد شاهد من اهلها".. الشهود من بيتة ومن لحمة ودمة.. كعدت يم ماما وابد ملتفتت عليه.. تحطمت مرة ثانية.. انفتك جرح خيطتة بوجع كلبي وكمت احس بقطرات الدم تنزل وحدة ورة اللخ.. الصوت يرن بأذني.. 1

'عودة الى الماضي'
جنت فرحانة بيومهة.. حامل.. جنت احسب الثواني والدقائق علمود اخلص اخر محاضرة واروح للبيت اخبرة راح تجي نسخة منة.. متاخذ مكانتة بس حتشغل حيز جبير بكلبي.. توجعت كلش من وصلني اخوية لبيتي.. بيتنة اني وزوجي و"حبيبي"..
راح اخوية بعد ما اطمن علية ماكو الم ابطني.. لان بهل فترة اتوجع مو شلون ما جان.. رغم الطفل بعدة ممتكامل.. يمكن حس راح يصير شي؟ او مراح اتهنة بي؟'طيبة_الربيعي'

فتت للبيت حبيت اسويهة مفاجئة بما انو حيجي من السفر اليوم.. كلت ابدال ميجي هو ياخذني اني اروح للبيت ارتب كلشي يخطر ابالي علمود من يجي اخذة بأحضاني اهمسلة الجملة الي جان يحلم يسمعهة "مني".. مني اني مو من غير وحدة.. او يمكن جان هذا تخميني اني فقط؟ يمكن مجان ينتظر هل خبر مني؟ او مجان يتمنا اصلاً؟

بعدني موصلت للغرفة سمعت اصوات.. مقززة.. خليت ايدي عل كلبي احاول اخفف نبضاتة السريعة.. ماعرف شلون بس جانت ردة فعلي الوحيدة بهل يوم.. لزمت الحديدة مال درج خاف اوكع.. حسيت بدوار.. الدنيا ادور بية مدري اني دخت.. 4

انفتحت الباب واجت عينة بعيني.. ركض نظري على صدرة العاري.. ملابس شي بس شورت.. صدرة كلة احمر وركبتة مرسومة عليها خارطة.. خارطة كلبي شلون تحطم بيومهة

'عودة الى الحاضر'
رجع المنظر الشفتة.. مر مثل الخيال واختفة من اجاني صوت ندى.. اختة 2
ندى: شلونج جوري'طيبة_الربيعي'

باوعتلهة بس عيوني متشوفهة.. متشوف اي احد حالياً
جوري: الحمدلله

اكتفيت بهل كلمة.. كلمة لكن قيمتهة لا تُحصى.. كلمة متخبر احد بشنو اشعر.. ان كنت بخير او لا.. بكل الحالات الحمدلله.. كاعدة بس مو يمهم سارحة بخيالي.. انتبهت على نفسي من ماما كالت

ام جوري: يالله بنات كومو صبو الغدة

اول وحدة كامت هية اني.. تصنعت القوة والثقة كدامهم لكن من فتت لغرفتي حسيت ظهري انحنى من جديد والجرح فيضني بدمة.. كعدت عالسرير بلا ردة فعل بالمظهر لكن اشياء تتحطم وتتشهم بداخلي.. مو تتحطم.. اصح من اكول رجعت تتحطم.. 3