سافر محمد الامارات ولما وصل السكن اللى ساكن فيه (هو و ياسر وحامد صاحبهم)
محمد.سلام عليكم😖
حامد.محمد...ازيك يا ابو حميد..ليك وحشة والله😄الشنط والروايح الحلوة دى مصر وروايح مصر واكل مصر
ياسر.وعليكم السلام😑
محمد.ازيك يا ياسر..اخبارك ايه
ياسر.😑
حامد.جرى ايه يا عم ياسر ماترد ع الراجل😁
محمد.ياسر😓
ياسر.بص يا محمد..اخر علاقتي بيك دلوقتى انى مضطر اشوفك ف وشي هنا ف السكن ده..وربنا يسهل واشوف سكن تانى عشان مايبقاش ليا علاقة بيك خالص
محمد.افهمني انت يا ياسر😢اديني فرصة اشرح لك
ياسر.فرصك خلصت...ضربتها وطعنت ف شرفها وشككت ف حملها وعايز فرصة تشرح 😒
حامد.افهم بس ياعم ياسر..شوف وجهة نظره
ياسر.مفيش مبرر لاى حاجة اتعملت
محمد.💔😢
ياسر.ياريت لا اشوفك ولا تشوفني
قام ياسر دخل اوضته وقفل الباب...محمد ف الصالة قعد اتهبد ع الكنبة
حامد.معلش يا محمد...طبيعي يبقى واخد على خاطره دى برضه اخته
محمد.ماحدش هيحبها زيي..ولا حد هيخاف عليها زيي..ولا حتى اهلها
حامد.ماتزعلش منى يا محمد...دى مش خناقة عادية..انت طعنت ف شرفها واتهمتها باطل
محمد.امي عمتني يا حامد...فضلت تزن ف ودانى لحد مابقتش شايف قدامى ..فضلت تزن وتقولى انها خايفة على مصلحتى..وانا مش مدرك انها عشان بتكره سارة ممكن تعمل اي حاجة عشان تنتصر عليها
حامد.تنتصر على ايه ياعم..هى حرب
محمد.اه حرب..اتجوزتها رغم رفض امي ..شافتها حرب لحد م هديتها فوق دماغي
حامد.ماتزعلش منى ...بس ماتحملش غيرك مسؤولية افعالك انت...الشيطان بيوسوس للإنسان وبيرجع يقول له انى بريئ منك...امك هى كمان بريئة منك..حتى لو غلطت..فين عقلك انت
محمد.💔
قام محمد هو كمان ودخل اوضته وقفل الباب
حامد. طاب كل واحد دخل أوضة ...مش هنتعشى والا ايه ..شكلى هتعشى لوحدى...ريحة فطير ..تسلم ايدك يا سارة😄
__
سارة.والله كويسة يا ياسر😖ماتقلقش عليا..ماما وبابا مش ساكتين
_
ياسر.نفقتك بتوصلك؟
_
سارة.عمو حسين بيجيبها لبابا كل شهر...وبيسال عنى هو و جميلة ده حتى بتفكر تيجى تعيش معانا😂
_
ياسر.ايوه كده اضحكى
محمد طالع م المطبخ وياسر بيتكلم ف الصالة
ياسر.ولا تنزلى دمعة من عينك عشان كلب مايستاهلش ضافرك..خدى بالك من نفسك ومن اللى ف بطنك..اما تعملى السونار ابعتيلي صورته..مع السلامة يا سارة
قفل ياسر وجه يقوم لقى محمد باصص له وعايز يتكلم معاه بس متردد
ياسر.😒(قام دخل المطبخ)
حامد.حرام يا ياسر...الواد استوى خالص
ياسر.عايز ايه يعنى انت كمان😒😡
حامد.مش عايز حاجة😓..سارة عاملة ايه
ياسر.تعبانة اوى..ماما قالت لى أن الدكتور قال لها الحمل مش مستقر وأنها المفروض ماتتحركش م السرير
محمد.😨
.......
حسين.يا حج احمد دول لسه عيال و ف اول حياتهم وطبيعي تقابلهم مشاكل
احمد.مشاكل...بس مش بنتى تترمى عندى مطلقة بعد شهر ونص جواز
حسين.محمد طيب والله...كله من أمه ومشاكلها
احمد.بنتي مش رمية يا حج حسين عشان يتقال عليها الكلام ده
مصطفى.والله يا عمي ..ده حالته تصعب ع الكافر..حتى اسال ياسر عليه
احمد.طاب حتى انا لو رضيت...البت مش هترضى ولو هى رضيت اخواتها مستحيل يرضوا...ده يامن حالف لو شافه هيقتله
مصطفى.طاب ياعم احمد دلوقتى بنتك حامل من ابننا..يرضيك تولد كده وابنهم يبقى متشحطط بينهم
حسين.يا حج احمد...احنا برضه كنا شباب وكنا بنتخانق ف بيوتنا ونتعصب
احمد.عمرك اتهمت الحجة ف شرفها...كل حاجة تعدى الا الشك ...الشك لو دخل البيت بيهده ولو رجعوا هيفضل يشك فيها حتى لو هى طاهرة
مصطفى.طاب انت شايف ايه يا عمي
احمد.انا بقول نسيبها لله...لو كاتب لهم لقمة عيش مع بعض ماحدش هيقدر يقف قدام ربنا...ولو ماكنش ماحدش يقدر يعمل حاجة غصب عن ربنا
حسين .ونعم بالله
احمد.ماتاخدنيش ف توكر..مراتك وابنك عامل ايه يا مصطفى
مصطفى.كويسين الحمد لله
احمد.والله الحجة كانت هتجيب سارة وتيجي تبارك لكوا...بس الدكتور محرج عليها تقوم م السرير
مصطفى.ده احنا نيجي لحد عندكوا يا عمي..سارة دى اخت
احمد.فيك الخير يابني
مصطفى.بعد اذنكوا انا بقى ...هروح انا
حسين.اوعى امك تعرف انى هنا
مصطفى.حاضر
حسين.والله مدوخانى...بتدور ع المشاكل بايديها ورجليها
احمد.ربنا يهدي الحال
حسين. بقولك يا حج احمد...عايز اجى ابص على سارة
احمد.تنور يا حج ...تنور
__
زين.بابا جه يا ماما...هو وعمو حسين
نهال.اهلا وسهلا..اهلا وسهلا ياحج اتفضل
حسين.يزيد فضلك يا حجة
نهال.تشرب ايه ياحج...ساقع والا سخن
حسين.ماتتعبيش نفسك...عايز بس ابص على مرات ابني
يامن.طليقة ابنك😒🙅
حسين.ربنا يصلح الحال يا يامن
زين.انا صحيتها...تعالى اتفضل يا عمو
دخل حسين أوضة سارة وهى بتتعدل ف السرير بتاعها وبطنها منفوخ شوية صغيرة
سارة.تعالى يا عمي اتفضل
حسين.ازيك دلوقتى يا بنتي
سارة.الحمد لله على كل شيئ
حسين.زين ممكن تجيب لى ميا
زين.حاضر
خرج زين وفضل حسين و سارة لوحدهم
حسين.سارة انا مش عاجبني وضعك ده دلوقتى..عايزين يا بنتي نلم شملكوا تاني
سارة.تاني..انا وهو تانى ...المرة اللى فاتت طعن ف شرفى وهو عارف أنه ظالمنى..المرة دى هيعمل ايه يفضحني بالباطل 😭لا يا عمى...ده انا قلبي وجعنى منه اوى
حسين.حقك عليا يابنتي
سارة.لا حق ولا باطل..خلاص كل واحد راح لحاله
حسين.واللى ف بطنك ده
سارة.اللى ف بطني ده ليه رب..واللى فيها ربنا مابتغرقش
__
ياسر.مش عايز اعرفه😒
محمد.💔
........
ياسر.ازاى يعني يا ماما متبهدلة كده
_
نهال.مقطعة قلبي والله...الجنين نايم بالعرض والدكتور هيولدها قيصري..حسبي الله ونعم الوكيل فيه هو وأمه...كل اللى فيه ده الدكتور قال من نفسيتها الوحشة
_
ياسر.ربنا ينتقم منهم يا ماما...هتصل بيها بالليل تكون صحيت..بقولك يا ماما صحيح ماتنسيش تطلعى الموسم باقى..دى الاصول برضه...مع السلامة
قاعد ياسر ع الكرسي و حاطط راسه بين ايديه وباصص ف الارض
حامد.مالك يابني ..عامل زى المطلقة كده ليه.....ياسر
ياسر.بتقول حاجة يا حامد😓
حامد.اه بقول..مالك ،ايه اللى عامل فيك كده
ياسر.يعني مش عارف فيه ايه😖
حامد.سارة تاني
ياسر.البت كل يوم حالتها ف النازل والدكتور بيقول أن التعب الجسماني بسبب التعب النفسي..طبعا لازم تتعب هو سهل عليها أما تترمي مطلقة بعد شهر جواز وحامل ومن يومها ف مشاكل ربنا وحده اللى عالم قلبها عامل ازاى دلوقتى..خصوصا انها للاسف بتحبه..انت عارف لو جواز عادى كانت الصدمة هتبقى اسهل شوية
حامد.والله م عارف ازاى محمد يبقى بالغباء ده
وهما بيتكلموا اتفتح باب الشقة ودخل محمد وهو عنده دقن تقيلة وعينه مدمعه...قام ياسر وقف ومحمد وحامد باصين له وكان داخل اوضته لما فجأة هجم على محمد وزقه ف الحيط وساند ايده على رقبته(خنقه)
ياسر.هقتلك😠لو سارة حصل لها حاجة هخليك تتمنى الموت😠
_
هارى.يابني م تقلقش...خير ان شاء الله
زين.يارب..بس الوضع غير مطمئن ..يعني ف السابع وتعبانة تعب الولادة والجنين وضعه غلط..ابويا وامى دعوتهم الوحيدة دلوقتى انها تفضل عايشة
هارى.يابني ماتبقوش متشائمين بقى
زين.😒😒😒😒
_
حامد.اعذره يا محمد..اخته حالتها صعبة بسببك انت وامك
محمد.يا عم حامد والله انا مقدر ...عشان كده مابرضش عليه..والله انا بحبها..انتوا مش عارفين انا حاسس بايه..انا تعبان اكتر من تعبها بمراحل..انتوا ليه شايفين انى وحش...يا جماعة انا بني ادم انا كمان والله 😢اه غلطت..انا غلطان..عارف وعارف أن مش من حقي انطق بحرف ولا اشتكى..بس تعبت هو انا يعني سهل عليا اخرب حياتي مع اللى اختارها قلبي...وما اتهناش باني اعرف حتى حامل ف ولد والا بنت..سهل عليا افضل ٧ شهور م اسمعش صوتها وانا فضلت اربع سنين مابسمعش غير صوتها..انا بني ادم ضعيف..صدقت كدبة وخربت الدنيا بس مش شايفين أن كفاية عقاب لحد كده بقى💔😭
_
سارة نايمة ف سريرها وحاطة ايدها على بطنها وهى بتعيط وبتفتكر..بس كل ذكرياتها وهو بيتهمها بشرفها
سارة.شفتى ابوكى😭قال انك مش بنته..قال انى حامل من راجل تانى وربنا وحده العالم انى م اتكشفتش على راجل غيره😭
_
يامن.سارة جبت لك العشا😨سارة بتعيطى ليه
سارة.يامن انا هولد😭
