الطريق كلة دمعتي بعيني شريط حياتنا كلة مر من بين
عيوني ماكعد اصدك زينب ماتت الصبح جانت يمي
اووف ماتت وزعلانة علية بسبب ميار
وصلنة نزلنة للمغيسل دخلن وياهة غسلوها كملو زورناها
وصلينة عليها
رحنا لكينا القبر جاهز دخلناها وردينا عليها التراب
أمهة فطرت كلبي تنعي وتبجي 😭 حقهة بتهة
الأم /ولج يمة نار بكلبي عليج شفتي من حياتج
عبالي انتي تبجين وتلطمين علية مو اني ولج نار بكلبي
ليش ربي ماخذتني اني من عمري على عمرج يمة
بنيتي شابة ورحتي عفت جهالج المن شكوللهم
لو رجعت عفت أمكم جوة التراب ولج يمة زنوبة
أم طول الحلو هيج تنامين هنا ولج تخافين من المقبرة
اجيتي بيهة قبلي ليش ربي ليش امتحانك صعب علية
يمة دفنوني هنا وياهة مآ ارجع واعوفهة بنتي قطعة
من كلبي صارت جوة التراب ربي رحمتك ربي أخذ
روحي وخل اجي يمهة يمة ريتني متت ولا شفتج هيج جوة
التراب ولك يوسف مرتك ماتت ترد وحدك ولك شلون نعوفهة
تدري شكد تحبك شلون تنام بدونك ولكم خلوني يمهة
يوسف / شيلو عمتي
كلكم روحو أني شوية واجي
زينب سامحيني على كل غلط ارتكبتة بحقج
أو زعلتج انتي زوجتي وأم جهالي واحب واحترمج
وآلله موتج كسر ظهري 😰 أحاول أبين قوي بس
الله يدري شنووو أحس بنت عمي وروحي ومرتي
جنتي نعم الزوجة وماقصرتي أبد محاللة وماهوبة
واطفالنة اوعدج احطهم بعيوني بس والله موتج
وانتي زعلانة مني أبد مآ سامح نفسي عليه 😰
آلي يرحمج ويجعل مثواج الجنة عفت القبر وإني مكسور
شي بداخلي مات شلون اعوفهة واروح وحدهة يعز علية
فراكهة بس هذا حكم الله انا الله وانا اليه راجعون
ركبت السيارة ساق عباس فاتح قرآن وإني راسي يريد
ينفجر ساعة صارت 12 نزلنة الناس بالمطعم
نزلت غسلت دك موبايل أسعد جاوبتة جاي للعمارة
كملو طلعنة وصلنة البيت هوسة نسوان وزلم قسم باتو
صعدت سبحت وبدلت رحت للغرفة قصور ورقية
نايمين كسر كلبي منظرهم شلون راح يتحملون فراق الأم
صعب حطيت راسي على المخدة مكانهة فارغ دمعت
عيني وحدي بجيت وطلعت البداخلي الموت صعب
يفرق الناس عن احبابهة استغفرت كمت صليت وحشة
القبر وقريتلهة قرآن ماكدرت انام للصبح
ميار / راحو للنجف بابا راح ويآهم ظلينة بالبيت
عزلت ويآهم سووو عشة غسلنة المواعين
أخت زينب جانت كلش حاقدة علية مااعرف ليش
رغم أني مااعرفهة ولا بينة صلة ظلو يعنون ويبجون
رحت للبيت لبست كلبية سودة ورجعنة اتاخرو بالنجف
كالو اجوي دخلو تعبانين يوسف جام كلش متأثر
الله يساعدج صعبة عليه أخذنا بابا ورحنا للبيت
تعبنا نمنة حسيت الساعة 9 ماما كعدتنة تريكنا
ورحنا للفاتحة دخلنة للبيت صار يوسف كبالي
كتلة البقاء لله ...............
🌹 🌹 🌹 🌹لا تذب #روحك ع #الرايد يروح😒
#ابنادم يحبك اذا #تتجاهله😏
#حّـﮩﮧﮧـمـؤٰ୭ديٌ
