ايلول

3

سمعت صوت وراي
احمد:احنة
ايلول كبل طفرت ورة فريال وفريال تضحك
فريال: كمزتو البنية بلله صاير بيهة شي
احمد:چا شدخلهة غرفتي بلله
محمد:من يمتة الخدم ينامون فوك
فريال:عزة العزاك ولك ياخدم هاي بت عمكم صاحبة البيت
احمد:هااااااا حزيران الي حجالنة عنهة الحجي
فريال:ولك ايلول يا حزيران
احمد:نفس شي كلها أشهر السنة بس اوكفي خل اصفن بهلعيون الفلك مو عيون😍😍
فريال: انجب
محمد:هسة وين انام حجية نعسانين جايين من سفر
احمد:ولك يا حجية الي يشوفك يكول انت جدهة
محمد:وانت امها مو ه ه ه تافه
فريال:لا تتناكرون جنكم العمة وجنة صعدة بطابق الثالث غرفكم
احمد: ايي  يما اجت شعبان وخذت مكانة بكلبج شمرتينة فوك حالنة حال بوري النانو(الراوتر)
فريال:ولكم غرفكم جاهزة فوك فكوني
احمد:اي صرنة نملل بعد شتردين بينة ذبينة بلشارع خلي صفر يمج
ايلول:هسة شوي ويكلبني محرم ماما راح اصعد لغرفتي
محمد:ما سلمنة عليج
ايلول: سلمت عليهم وتعرفت ولله لو ما الضربة براس محمد ما افرق انوب نفس اللبس طبعا احمد الجبير فكاهي بشكل مو طبيعي محمد نفس شي بس تجيلة حالات عصبية حبيت احمد اكثر لان بسرعة ياخذ ويعطي بلكلام ويضحك مرة اليام وتعرفت علة اولاد عمي واكثر من اخواني وقوة علاقتي بيهم وعمو يحبهم ماجنة زوج امهم وفريال متونسة بينة وبعركاتنة انا ويياهم وبيوم النتائج محمد فاتح اللابتوب ويدور
احمد:هسة تطلع راسبة واضحك عليها
ايلول:عابتلك لو تسد فتحت حلكك نعيش بسلام
فريال:اصلا ليلو(اسم دلع) شطورة وتعبت بدراسة
محمد:لكيتهة
ايلول:اي شكد شنو وين
محمد:شنطيني واكلج
ايلول:انطيك وجع كلي شنو
محمد:ما اكول
ايلول:لا حباب انطيك الي تريدة
محمد:ولله شكلج يلة تعوضيهة بلمرة الجاية اكو دور ثاني وثالث
ايلول:نزلت دموعهة ليش دور ثاني؟؟
محمد:معدلج ٩٩.٤ مبروووك
ايلول:جذذذذذذذب كمت ابجي عمو باركلي وفريال واحمد ومحمد حضنوني ويتشاقون وياي فرحت من كل گلبي وحسيت رفعت راس اهلي
محمد: لو جايبة ٩٩.٧ جا طلعتي الولى بس انتي الثالثة
احمد:لو جايبة ٩٩.٩ چا صرتي ديتول واضحك عليج
محمد:اي حتة تقضي عليك
احمد:انجب
عمو:اوووووو راح يتعاركون اروح اصعد انااام احسن يلة فوفو
صعدو وكعدت انا واخواني اي اسميهم اخواني سهرنة واحتفلنة بطريقتة الي هي نهبنة الثلاجة كلهة وسهرنة ونمنة بلهول من نعس كعدت صبح لكيت احمد رجلة علة بطني ورجلة الثانة بلكاع وشعري علة محمد وايدي وجهة ورجل محمد وابطن احمد صرنة نضحك وبس اختنكت رجلة ثكيلة
ايلول:لك ثووول كوم حموت
احمد:همممم شنو
ايلول:لك اختنكت كوووم
احمد كام ومحمد هم فز
ايلول: حشة صخلة شكد ترفس
احمد:محد كلش انطمري يم خشمي
محمد:وانا حسبالي اميرة ادغدغ وجهي بشعرهة ولحضة رومانسية طلع شعر بس لا طفرن كملات طفرو علي
ايلول:عابتلك تلحك شعري وين ماما و عمو
احمد:تلاكيهم يلعبون هيلا هوبا بلغرفة
محمد:سرسري عيب
ايلول:اصعد انام فوك احسن من وجوهكم التعيسة
محمد:انا هم اصعد احسنلي
احمد:ولكم منو ينضف زبالتكم حيوانات
استغفر الله جوري جوري خايب رازقي وينج
جوري:نعم بابا
احمد:ماما نضفي مكان زين واخفي الادلة مال جريمةوعطري حتة تبين زين ماشي ياسمين ويهز راسة مثل الهنود👳 وصعد نام
علة سفرة العشاء
عموو:ايلول روحي انتي وفريال لسوك واشتري الي تردي باجر نحتفل برة بمناسبة نجاحج
ايلول:مالة داعي تكلف علة نفسك كافي انك تتكفل بمصاريفي
عمو:ماريد اعتراض صرتي دكتورة ومانحتفل وبعدي مادافع من جيبي هلي فلوسج الج
فريال:ومحضرتلج مفاجئة باجر
ايلول:صدك شنوووو؟؟
فريال:اكلها مفاجئة تكلي شنوو
ايلول:عموو اريد ازور قبر اهلي
عموو:اي ليش لا اخذج سبوع جاي
ايلول :تمام
باليوام الثاني
ايلول:من الصبح كعدتني فريال حتة نروح نسوي شوبنك كعدت بدلت لبست جنز ابيض و قميت سمائي وشعري ضفرتة فرنسي مع شوي خصل واكعة ونضارة شمسية بيضة وشوز ابيض وطلعت من الغرفة
احمد وهو يصفر: يكمر ممكن رقمك
ايلول:رقم حذايئ يصير الك
احمد:امداج جنج خروف مزينين صوف مالة بعد فوكهة نركع بيج
ايلول:اوووي تغار من جمالي حاصلك اخت مثلي
احمد:راح لغرفتة وهو يدردي
رحنة تسوكنة اخذت ملابس واشياء محتاجتهة رحنة للصالون هدية فريال مال نجاح مساج وحمام مغربي وساونة وتقشير للجسم كلة ومنكير وبدي كير وتنضيف بشرة وسحب شعر واكستيشن ومكياج ورسمت حاحبي وهو اصلا ثخين وحلو ولله طلعت اجننن بدون مبالغة رحنة تغدينة بمطعم وطلعنة اكلنة موطة وافترينة بلمول وهم أخذنة كم شغلة يعني هلكت طلعنة ساعة 10 صبح وهسة ساعة 5 ونص العصر رجعنة للبيت محد موجود كبل صعدت كلتلي بدلي حتة هم نروح مكان ثاني
ايلول:يبوي ماما حموت جسمي متخدر من المساج والمشي
فريال: بلة كلام روحي بدلي بسرعة يلة يلة ودربالج عشعرج والمكياج والاضافر
ايلول:هئ هئ حموت
دخلت  للغرفة لكيت كراتين 3 علسرير فتحتهم لكيت فستان و حذاء وطقم من محمد واحمد  هدية فستان وردي فاتح كلش يصير قصير فوق ركبة وفوگة طبقة تور طويلة والردانات تور  ومخصر تخصير  والحذاء ابيض كعب عالي وطقم سوار وگلادة وتراجي فضة يجنن ونازك لبستهن طلعت اجنن امشي شوي شوي لا انچبح عوجهي واتفشل ويخرب البرستيج طلعت من الغرفة نزلت لكيت فريال جوة
فريال:هلة هلة هاي شنو شطالعة كسرتي علة كيم كردشيان لايكلج طالعة تخبلين
**طبعا فريال مثل العادة متئنقة علة اتم وجه  الفستان البيجي والطويل الضيك  بدون ردانات وشعر مفتوح ومكياج سموكي يجنن طلعنة وركبنة سيارة فريال ووصلنة مطعم حلو وراقي دخلت ولكيت عمو واخواني كاعدين الكل يباوعلي استحيت كلش كعدنة
محمد:هاي شنووو منيلج الفستان والخذاء
احمد:والطقم شلون حلو هااا عيني منو منطي الج😉😉 كولي كولي لا تستحين
ايلول:ههه عابتلكم شكرا علهدية مكلفين نفسكم
احمد:اي ولله كلفت نفسي طاح حضي يلة اختاريت الطقم
محمد:چا شكول كعدت ادور بكنتورها علا قياس ملابسهة واكلب  بلاحذية علقياس رجلها وطلعت روحي وانا افتر بلسوك وادور بلقياسات بمحلات نسوان اكلهم اريد هلكد قياس عبالهم اريد اشتري لعصة مال مكنسة
ايلول:عابتلكم اصلا رشيقة ألبس 35
وشوي وسمعت موسيقى والعاب نارية واجة اثنين شايلين كيكة عليهة رقم ٩٩.٤ ويمة سماعة طبيب واجة واحد انطاني علبة صغيرة مااهتميت للعلبة بكد ما اباوع اباوع علكيكة والفرحة ما توصف جد فرحت وعيوني دمعت بوسوني وباركولي وكصيت الكيكة والناس تباوع وتعشينة وطلعنة رجعنة للبيت كعدت بلهول اربد ارتاح اليوم تعبت كلش تذكرت العلبة فتحتهة
ايلول: لا لا ما اصدك والفرحة ما واسعتني ركضت لعمو حضنتة حييل وكتلة شكرا ولله ما تتصور شكد فرحانة
عمو: ياحبيبتي ما يغلة عليج شي بلعافية عليج
جان جايبلي سيارة طلعت شفتهة لكيت احمد ومحمد يعدلون بلزينة حانت بلضبط تشبه سيارة احمد و محمد نفس نوع ونفس اللون ونفس الموديل بلضبط حتة اجازة سوق بلواسطات مطلعلي علمود المفاجئة
محمد:يلة امشي طلعينة شوي
ايلول:اي حتة تطلع صوري بكل القنوات مطلوبة عشائريا وللدولة واربعة ارهاب بتهمة قتل الاوادم كلهة و ضرب العواميد الكهربائية والحاويات والحياطين موو
احمد:علة كيفج هي سيارة قابل تريلة ركبي الدنية ليل محد بلشارع انا اعلمج
ركبت وعلمني واسوق علكيف كلللش ومتونسة وميتة ضحك رجعنة للبيت عمو وماما نايمين صعدت بدلت وسبحت ونمت وحلمت
*****************************************
توقعاتكم؟؟؟؟
شنو حلمت ايلول يا ترى انتو شتكولون؟؟؟؟

بكيبوردي:3rooba
احبكم☺

ملاحظة//راح تشوفون هواي تسريع بالاحداث لان اريد اوصل للاهم ماريد تتطول حتة لا تصير مملة بس طبعي اكتب ادق تفاصيل علعموم لافيو