انا انتقم

→♥Part3♥←

نزلت الفتاتان..فلاحظت جودي الأشخاص الوالجون الى منزل هدى..وباديًا على وجوههم الاسى والحزن..

جودي باستغراب:هو في حد مات ولا ايه؟!

توترت هدى قليلا لتقول:اي..ايوة..

جودي باستغراب:مين؟!

زاد توتر هدى:دي..دي..

ليأتي صوت من خلفها:دي بنت عمتي..

التفتت جودي اثر سماعها لصوتها وذهبت واحتضنتها..

جودي بحزن:البقاء لله يا خالتي البقاء لله..

بادلتها ام سليم العناق ثم ابعدتها..و مسحت على وجهها ونظرت في عينيها..

ام سليم بصوت مختنق من كثرة البكاء:خلي بالك من نفسك تمام..و ركزي في امتحانك ده آخر يوم..

جودي بابتسامة هادئة:حاضر..متقلقيش عليا كله هيبقى تمام..ومش هأخر..

ام سليم:ماشي يا حبيبتي براحتك..اخلي حسن يوصلك..

جودي بلطف:لا لا نور هتيجي تاخدني بالعربية..

ام سليم:ماشي يا بنتي..

قبلت جودي يدها..فهي كأمها..فهذه هي المرأة التي ارضعتها..وايضا تكون ابنه خال امها..وصلت رسالة الى هاتف جودي..تعلن عن وصول نور امام شارعها...توجهت جودي الى السيارة وركبت..

نور:وحشاني يا جودي..

جودي:وانت اكتر يا قلبي..

وفجأة وجدت من يكمم فمها..ويغلق عينيها في آن واحد..ففزعت وانتفضت بمكانها..فضحكت نور بخبث..

نور:وقعتي يا بطة فكرة انك ممكن تدخلي عربيتي بسلام...تؤ تؤ..

استطاعت جودي الافلات من ايديهم وقالت بغيظ:ايه جو الافلام الاكشن القديمة دي..

ثم التفتت للخلف..لتنظر الى صديقتيها سما و ميس..

جودي بغل واضح:حد يعمل كده!..

ميس بضحك:لازم نحط التاتش بتاعنا طبعا..

سما بفخر:وطبعا انا صحبة الفكرة..

جودي باستهزاء:غبية زيك..هههه..

ميس و سما في نفس النفس:مستفزة...

انطلقت نور نحو الجامعة وهم يتبادلون أطراف..الحديث بينهم حتى وصلوا إلى الجامعة..وما ان تخطوا بوابة الجامعة حتى لمحوا رائد و فراس أصدقاء الطفولة في انتظارهم..

رائد:اخرتوا..

نور وهي تنظر لسما:أصل الست سما..حالفة انها مش طلعة من البيت غير لما تطلع كل اللي في الدولاب..

نظرت لها سما نظرة بريئة فضحك الجميع..

فراس:يلا هتتأخرو على امتحانكوا..احنا مستنينكو لغاية ما تخلصوا عشان نخرج..