#حب جنوني
الجزءالثالث عشر
ل وردالعامري
انطويت ع نفسي اكثر اتاكدت اني عار ع كل واحد قريب مني اتصالاتنه بخالي فاروق الي يحاول يوصل ال امير عمامي متعاركين وياه وهوه هزمنه حته ميكدرون ايسولي شي من شايفيه مصر عله رئيه وماسلمني الهم مسوين ورقه تبري من عندي متبرين من بنيه بعمر ١٤سنه خالي فؤاد متعارك ويه خالي فاروق لان جان ويه فكره تسلميلي لعمامي الي جانو مقررين ذبحي ومشترطين عله خالي فاروق يعوفوني بشرط ممنوع ترفع دعوه حته لااسمائهم تتأثر همه ناس معروفين ميريدون شي ايأثر عليهم موافق خالي ورغم هذا مسوين تبري واي دعوه تكون ركبتي هيه ثمنهه
الي عرفته ان خالي سائل بالمقر الي يمنه عن امير ومحد ناطيه خبر عنه لكن محصل عنوان اهله ورايح عله ابوه الي تهجم عله خالي وتهمه ان احنه كاتلين ابنه وطلعنه هيج سمعه عليه الي بالمقر كلهم مااكدين بليله الحادث امير مكان موجود وهوه مختفي فجاءه واهل امير همه كاتبين تهديد عله بيتنه خالي اجانه عاف كلشي واجه كال انسو شي اسمه العراق انسو اهل انسو عمام ماعدنه احد بعد عائلتنه احنه الاربعه فقط
غاده :ولبنيه شلون فاروق هذا عار طول العمر
فاروق: شنو الي بيدي اسويه صار٢٥يوم ابغداد مخليت احد والولد محد يعرف عنه شي
هدى: عيني اهله هزموه واحد مجرم هوه
غاده: صخام الصخمني اني جنت حاطه امل يعقد عليهه لو يوم واحد هسه شلون
فاروق: هذا اللون الهه رب الي يرعاها مابيدي شي اني
غاده: فاروق سلمهه لعمامهه
هدى: تخبلني انتي
غاده: اي خلص نخلص من هل عار واكتل روحي اني هم ولاهل فضيحه
فاروق: مخبله انتي يعني تتوقعين سهل عليه لموضوع بس مالهه ذنب اكثر انسان مظلوم ومتأذي هيه طفله بعدهه اشافت من حياتهه اروح اساهم بذبحهه عله شي موذنبهم شكول ل الله
غاده: والحل شلون فاروق
فاروق: ربج يحلهه سدو لموضوع لااحد يعرفنه هنا ولانرجع لااهل خلص نقطه ع السطر انتهه
رغد: شنو القرف الي ماليني وخله امي تريد ذبحي حقهه اني هسه مثل وباء محديعرف شلون يتخلص منه بعد هذي الاخبار امي تمرضت جانت عدهه امل اميريستر عله بتهه ومن نفقد هل امل نفقدت صحتهه هم ١٨يوم احنه بين يوم ويوم بالمستشفى كرهت نفسي وقررت اكتل روحي بيدي وباخر لحضه وكفتني امي هدى لحد هسه اذكر شلون ربطت شال امي ع ركبتي وخنكت نفسي بيه كل قوتي اجره بس مسيطرت طلعت اصوات شهكات لنفس الي خلت امي هدى تدخل للغرفه اذكر ضربهه الي وهيه تكولي اصحي هذا حرام شتكولين ل الله
وربي معقوله يحاسبني بعد كل هذا معقوله ميعذرني عله هذا العمل
هدى: لا لان ربج وصه بالصبر واذا حب عبد ابتلاه
رغد: ماما صعب كلش هل بلاء
هدى: حمدي ربج كلنه وياج غيرج هسه كلهه ضدهه اني وامج وخالج كلنه وياج هاي امج ده تموت تردين تخلصين عليهه انتي
رغد: من يوم الي اجه خالي احسه ميريد ايشوفني مبتعد حته كلامه قليل اذا شافني بمكان يطلع منه مررعله الحادث 52يوم اليوم امي هدى وكعو جهال ثنين وركضو بيهه للمستشفى بقه واحد بس بخطر مو ثابت رجعناهه والتهينه بيهه ممنوع تكوم وامي صحتهه نص ونص نسيت نفسي صرت بين امي وامي هدى الي بعدشهر وديناهه للسونار وطلع الجنين ميت ولازم تسوي عمليه كورتاج حته تنزله رجعناهه للبيت وهيه مقوره هاي ٥ مره تسوي اطفال انابيب ويوكعون احتاجت اطب للحمام وحضرتلهه الي لازم تستعملهن شافتني امي بيدي اشياءنسائيه
غاده: ها رغد موعدهه اليوم
رغد: لاماما هاي ل امي هدى
غاده: هااا
رغد:راحت امي وامي هدى صاحتني طبيت وياهه للحمام وسمعنه دك باب الحمام قوي
منو
اني ولج رغد فتحي
امي هدى لبست عبالنه محتاجه حمام فتحت لباب ال امي
غاده: لج رغيده شوكت موعدها
رغد: شنيه ماما
غاده: ال…….. ه شوكت اخر مره
رغد: من جنه ابغداد من كملت كلامي لطمت امي عله خدهه انصدمت شكوليش يعني
هدى: اشششش ولج غاده طلعي بالغرفه نحجي اخوج يسمعج يمعزايه هبطتني لبنيه صبري
