#حب جنوني
الجزءالسابع عشر
ل وردالعامري
فاروق: ممنوع توصل لباب الشقه وعساها لاكامت لاهيه ولا الي ابطنهه تودنهه لدكتوره حته تفضحنه ليش اطلعن خبالاتي وتخلني اكوم اشمرهه من لبلكون
رغد: اسمعهن ايهدن بي وهوه يصيح واخر شي سمعت صوت باب الشقه اركع طبت امي هدى وامي عليه للغرفه
غاده: شجاني وحاجيته
هدى: يمعوده فاروق ايصيح ويعيط بس كلب خالي فارغ عوفيه وهيه ماشاءالله صحتهه زينه وصحت لطفل هم زينه
غاده: وشمدريج
هدى: يانسيتي اني معهد تمريض وبعتبار قابله لوما اخوج بطلني
سبحان الله لمهنه الي درست وتعبت وبجيت ليالي لان فاروق مخلاني اشتغلهه ربي حرمني ان احس حساس اي مره هههه شكد حلو اكدر اولد اي مره بس اني محرومه من الحمل ولولاده
غاده :ايي ياهدى بجيتيني والله ولج هاي رغد موبنتج شو بهاي المصيبه انتي وكفتي وياهه واني امنع نفسي عنهه
هدى: والله بنتي وحبيبت كلبي هم كافي ياامي بس بجي لااكل ولاشرب ولج رغد اشتاقيت لضحكج وحجيج وسوالفج لمتخلص جنه نكول شكد تحجين هسه اريد نسمع صوت الج كافي ياامي تنحل ربج ميترك حمل مطروح
غاده: ونعم بالله مالنه غيره
رغد: عدت ايام ويوم عن يوم احس بحركه الطفل اكثر واكو الام تصير بضهري واسفل بطني عدن كم شهر وصار عندي الم كلش قوي كمت الوب يومين اريد اموت من الالم امي هدى كالت ممعقوله ولاده بعدج بثامن ها تشاليع اتفقن هيه وامي العصر امي هدى تقنع خالي ويطلعون بحجه ضايجه امي هدى وتريد تطلع وامي تاخذني للدكتوره ثالث يوم يله اقتنع خالي وطلع هوه وامي هدى اخذتني امي للدكتوره حساب امي هدى اني طابه بثامن صارلي 9ايام صحه الجنين زينه ماكو شعور عندي اتجاهه مرات احبه وافرح بحركته بداخلي ومرات اكوله انت سبب دماري وابوك سبب موتي وماعرف شنو مصيره رجعنه للبيت اني وامي ومن جتي امي هدى كنالهه
هدى: غاده هذا لطفل اذا اجه شلون حته قطعه قماش ماكو يلف بيهه
غاده: هوه اذا مصيره ممعروف والله كل مايقرب موعده كلبي يوجعني وين اودي لهل طفل وشسوي
هدى: روحي باجر بيعي هذا سواري لان مريد نكول لفاروق هسه يكلبهه عزه علينه جيبي كم قطعه لطفل ولباقيات جوه ايدج حطيهن منعرف شنحتاج
رغد: راحت امي ثاني يوم. وجابت 4قطع بس كماط ودشداشه وفانيله ومربط راس
هدى: ليش بس ذني غاده
غاده: دعيت الله يجي ميت حته لاتكبر هل فضيحه
رغد:امي مضهرهه وهيه جايبه لهدوم عيونهه مغطيهه دمع كانو امي تغيرت بهل فتره الي هيه كم شهر كانو كبرت سنين حته وجهه ضهرت بي تجاعيد مجنت اشوفهه قبل عده كم اسبوع كالت امي هدى اي الم ايصير عندج تكوليلي هيه وامي كامن اينامن ويشغلني 24ساعه حته يصعدوني لدرج لحد سطح. لعماره
#حب جنوني
الجزءالثامن عشر
ل وردالعامري
رغد: كل يوم الصبح يصعدني وينزلني اليوم بنزلتي خالي فاروق صار بوجهي
فاروق: شعندج فوك
رغد: بابا اصعد وانزل امي كالتلي
طب وطبيت وراه
فاروق: هدى غاده
ها ها عيني
فاروق: شمطلعهه هاي
هدى: وين طالعه ياعيني احنه كنالهه صعدي ونزلي ولادتهه قربت
فاروق: حجي زايد ماريد ممنوع تطلع
هدى: فاروق لبنيه تحتاج دكتوره مبقه شي وتجيب
فاروق: شنو دكتوره اي واجيب ذبيحه ع سلامتهه لو نسوي حفله ع ولادتهه لااكو طلعه ولااكو دكتوره انسو هل سالفه
هدى: شنو القصه فاروق غير دكتوره اتابع حالتهه اجيبهه
فاروق: مومشكلتي موانتن ردتن الطفل ومثلتن عليه دور الي متدرن ومامنتبهات حيرن انتن جيبنهه تابعنهه موشغلتي هاي
غاده: خويه هذا بجر وهيه صغيره ومانعرف اصلا شبيهه مابيهه لايوم وديناها دكتوره ولاشفنه شبيهه شتحتاج ولاده طبيعيه عمليه
فاروق: غاده موضوع منتهي حطي راسج براس هدى والكن حل اريد اطب اسمع جابت وحته لطفل مااريده ولااريد اعرف شسويتن لو وين حتودوه والافضل ان شاءالله يموت هوه وامه واخلص من هل سالفه كلهه
رغد: واكفه بمكاني واسمع اندار شافني بعدني يم باب الشقه دفعني وطلع ياربي خلصني من هل حاله يارب كون صدك اموت واخلص
غاده: تعالي ماما طبي الله لايوفقك الي جان السبب بكل شي لحل شنو هدى
رغد: امي هدى جانت كاعد صافنه مجاوبت امي كامت من يمنه طبت للغرفه طلعت لابسه جبتهه
غاده: هدى وين يمعوده وين يااا
رغد: طلعت امي هدى من غير متحجي شي جانت ساعه 10ص
غاده: شبيهه هاي انوب تعاي ماما بالمطبخ كعدي يمي بين ميجون ده اسوي لغده
رغد: كعدنه اني وامي وهيه تركب وتسولف وياي صارت ساعه 1واجه خالي وامي هدى ماكو سئل عليهه امي كالتله طلعت مصارهواي هسه تجي
وين راحت
هنا اجيب كم حاجه للبيت
رغد: امي كلتله مصارلهه هواي وهيه من ال10ولهسه ظلينه الوب اني وامي وين راحت ب2فتحت باب الشقه وطببت علاليك
فاروق: وين صرتي صارساعه من جيت وانتي ماكو شنو كل هل علاليك
هدى: رحت جبت الي احتاجه لولاده رغد
غاده ;شجبتي
هدى: جبت المواد الي احتاجهن من اولدها
غاده: ليش انتي تولديهه
هدى: ليش هبطتي اي اني اولدهه خاله موميريد دكتوره تولدهه خلص اني اولدهه وهذا اختصاصي واقتنعت باان الله كان اله حكمه من خلاني ادرس التوليد لان يعرف هل يتيمه راح توكع بيد جلادين
فاروق: هدى تره طوختوها هواي
هدى: نعتذر منك وراح نسوي الي يرضيك فرجاء منا لوقتهه ارحمنه شويه من تعليقاتك
رغد: طببت العلاليك للغرفه الي انام بيهه طلعت منهه بطل مغذي ومثل النفاخه وبيهه حلك طويل وابر وكانونه وقطن وديتول وجفوف واكو شغلات طلعتهن ملفوفات بجيس مخلتني اشوفهن بسرعه ضمتهن بحضنهه وجايبه هدوم كومه للطفل دشاديش وردي وسمائي وكماطات وبطانيه وحفاضات وممه
غاده: شلج بيهن ذني كلهن يمعود كون ايم..
هدى: غاده كافي متملون انتو رحمه لاامج ولاابوج طلعي كعدي كبال اخوج وعوفونه اني ولبنيه لان مليت من هل حجي كل يوم اني مليت وتعبت وكلبي وجعني وانتو مستمرين
رغد: كالتلي نامي هسه اجيج راحت جابت نجانه صغيره ولبست جفوف غسلت ايدهه بالديتول وكالت ن...... ي
ماما لا عفيه شنوو ليش
هدى: لج فضيهه ده افحصج لعد شلون اجيبج اذا من هسه وكفتي ولا
رغد: اي ليش منا موكالت امي من صرتي يطلع
غاده: ههههههه خرب حضي مدري ابجي مدري اضحك نامي يمه خل تفحصج امج نامي
رغد: كعدت تشرحلي امي هدى واني متت خوف كمت ابجي وبعدني لاعندي الم ولاعندي شي فحصتني وكالت بعد وقتج
صغطنه لغراض وعدت كم يوم وهيه بين فتره وفتره تفحصني وتسويلي بطنج تشربني وتوكلني تمر وكل مره طالعتلي بشي انوب تخليني اطب اسبح واذب مي حار ع ضهري وبطني ماعدهه الدرج لو الشقه الي تخليني امسحهه واني مكنبصه ينكطع نفسي ومتعوفني هيه بليل اتخليني امشي بشقه افتر ادوخ افوت للمطبخ وارجع لصاله وانوب للغرفه حته بالحمام تخليني اطب امشي واطلع وتجيب وتشرب بيه اعشاب تلعب النفس واموت من التمر وهيه تركض ورايه بتمر
بتاريخ 2008-9-4
كمت اصلي لفجر بس اني بليل كوه نمت خصوصا وره مفحصتني امي هدى الم قوي عندي صار وهيه حطت ايدهه ع بطني من فوك كالت نازل مو صاحبه طويله انتي وكل شويه تجي تشوفني كمت اتوضيت ورحت اصلي اكوالم عندي يضربني حيل كمت ابجي بالكوه كدرت اسجد وبالركعه الثانيه كعدت مكدرت اكوم صليت اني وكاعده بس الايه تتكطع عندي من البجي والالم سمعت صوت امي هدى تكولي طلبي من الله يسهل عليج السهله السهله ربي لخاطر يتمهه السهله السهله سلمت وبعد مااتحمل كومتني طببتني للغرفه امي كعدتت ع صوت الون مالي اكتم صوتي اخاف يسمعه خالي وبس الدموع وياي
