#حب جنوني
البارت الثاني والعشرون
ل وردالعامري
رغد: طببتني امي هدى للغرفه وامي كعدت راحت امي هدى سوتلي بطنج (يستعملوه فوق الباقلاء) اني ميته الم وهيه اله تشربيه شربت شويه ولعبت نفسي طلعت شيشه صبت بملعقه كوب منه واطتني
اوف ياامي اني وجع حيموتني وانتي ماعرف شجيبيلي ماريد وخري
غاده: ولج هدى فضيهه متشوفيهه منتهيه شنوهاي النوب راح تطيهه
هدى: رغد هاي امج متفتهم لج هذا زيت خروع هسه يروح كل الالم
رغد: اطتني منه وكلتلهه لاامي حضري الغراض بين مااصلي
الوجع اقوه صار كمت اعيط سمعت صوت بابا يكول لاامي ها اليوم الله يخفف عنهه ويعينهه
امي دخلت حوض مثل لبانيو صغير جابته امي هدى ونجانه ثانيه بيهه مي وطاسه صغيره بنصهه اطتني خاولي كالت عضي عليه عيب لجيران دنيه فجر اخذته اعض بيه كل قوتي وامي هدى كملت صلاه وكعدت تقره قران لج ماما حموت
غاده: ولج هدى كومي
هدى: خل اخلص سوره مريم جيبيلهه تخته الحمام كعديهه عليهه
رغد: كملت وندارت تكمل قرأه قران وامي جابت تخته وكدتني عليهه انوب كالتلهه حطي صوبه وره ضهرهه اسمعه تقره بهدوءكلمه كلمه تقره حته ممستعجله اصلا
لج ماما كومي عاد اه بطني
هدى: كملت شبيج بس ورقتين بقن غاده كومي سويلنه ريوك وجاي
غاده: ياااولج هدى شهل دم البارد كومي فضيهه
هدى: غير تروح واكفه ع راسي روحي بابا بعد وراها حصبه وجدري خل تستوي زين
رغد: اه ادري حمص واستوي اكولهم حموت من لوجع ايييي لج ماما حموت والله حموت
اعيط وابجي وهيه ولايمهه حته الخاولي اتشكك من سنوني وهيه صدقت وكامت طلعت وامي ضلت يمي وره شويه جتي امي هدى بيدهه صينيه الفرن الكهربائي لازمتهه بوصله وسطله صغيره بيهه يده دارت بطل ديتول بيهه وفرغت الي بصينيه جان مكص وخيط لونه عبالك زنجاري ومثل القراصه وردي ومدري شنو بعد وياه حدايد عزه ماما ذني شنو واكو جيس ورقي صغير حطته يمهن مو بالسطله
هدى: ذني اكص بيهن الجياس مال هدوم الطفل اصبلج جاي تشربين ويايه
رغد: عااااااااا لج ماما امي هدى حتموتني لحكيلي الوجع قوي ضهري مااحس بيه بعد
هدى: جابت نايلون حطته ع جربايه وفرشت بطانيه فوكاه ولاكانما ده اصيح ولااعبالك عايشه بغير عالم هيه لبست جفوف ببطئ وغسلت بديتول بسطله
هدى: غاده كومي حضري هدوم الطفل حيخلص الجاي
غاده: هدى شلعتهه كلبهه ولج فضيهه مواني حموت
رغد: جابو هدوم الطفل وكوموني نيموني ع جربايه والوب من الالم احس حته دموعي خلصن
هدى: رغد ماما حبيبتي جري نفس وشكو ايه حافضتهه اقريهه كومي شربي شويه من هذا لمي قريت عليه سوره مريم يله ماما غاده طلعي بره
غاده: ولج شطلع خليني يمهه شبيج اليوم
هدى: لاعيني لا كومي لاتعسريلي ولادتهه بوكفتج
غاده: شبيج مخبله واني واصلتلج حته اعسر ولادتهه اني لازمهه ايدهه بس
هدى: لاحبيبه ماريد طلعي امهه انتي توكفين عله راسهه تعسريلهه ولادتهه
غاده: ولج شهل عقل صدك كذب
هدى: غاده ماامد ايدي اذا مطلعين يله هاي عقيده وصحيحه هم اذا وكفت الام تتعسر لولاده فضينه طلعي
رغد: ولكم خلصوني حموت وانتو تتعاركون
هدى: اشش حموت وحموت شبيج يله ساعديني وسم بااسم الله
رغد: شفت لموت بعيني صدك كل كل مااعيط تصيح اذكري الله لاتصرخين ادعي ايعينج وصلت لمرحله نعست بعد مااكدر وكامت تصيح عليه لج اختنك لا اصحي دفعي واني مااكدر جكتني بزري باابره وصاحت دفعي وصيحي علي ولج صيحي علي
صحت يااعلي دخيلك والله حسيت بشي نسحب مني وارتاحيت احس نعسانه اريد انام بس عيوني متقبل تغمض اريد اشوف كلشي شفتهه ضربتهه وهوه ايعيط بصوت ناصي لفته بخاولي ابيض وتضرب بيه دخلت امي حطت ايدهه عله حلكه وتباوع ودموعهه تنزل
ماما لاضربيه خطيه
هدى: ولج مااضربه حته اذيه مخنوك اريده يعيط
رغد: حطت بحلكه مثل النفاخه وبيهه راس رفيع وادرس بالنفاخه مالتهه لحد مامثل الي تخوع غاده حضلين صافنه تعالي عينيني يله دارتلهه امي مي ع خاولي ومسحت راسه وكل شويه اضربه ولبسوه وامي اخذته كمطته وتبجي كامت امي هدى ماعرف شسوت بس سمعت صوت مثل بخاخ العطر جسمي نحلان احس باالم بس مالي حيل كل شي الطفل بيد امي عيني عليه وعله امي الي تمسح بدموعهه امي هدى شكلت كانونه بيدي وجابت تعلاكه مال هدوم حطت عليهه لمغذي بس مشكلته كومتني ع كيف جرت البطانيه الي عله السرير والنايلون وغيرت ملابس كلهه اكو دموع محبوسه بعيونه احسهه ضاغطه عله سنونه حته متبجي نيمتني وشكلت لمغذي ورجعت ع طفل اخذته مسحت فتحت كماطه وتحرك بيه تلزم اصابعه واحد واحد سمعت خالي يصيح شصار ختلتن كلجن فهمني
هدى: كومي غاده كوليله جابت ولد
غاده: والله خجلانه حته احجي بيه
هدى: غاده كومي مو وكتج
رغد: طلعت امي وامي هدى بوست الطفل تكوله نورت فدوه لهل وجهه كمطتهه وجابته يمي باست راسي وكالتلي حمدلله ع سلامه حطته عله ايدي
هدى: هذا من اليوم خلاج تصيرين ام بصح بغلط صرتي ام والام تتحمل وتصبر
رغد: ماما شحيصير بينه هسه عفيه ماريد اعوفه انتو ردتوه ايموت ومامات عفيه شحتسون
هدى: اشششش اسم الله عليه وعليج لاتبجين وروح امي وابويه مااخليه يبعد عنج ويكبر كدامج بس كون تصبرين ع الي حسويه اني
رغد: شحسوين ماما
هدى: نامي ارتاحي ومعليج هذا من هسه فاتح عيونه الافندي يكول جنت بضلمه منين هل ضوه ولج رغيده شنسميه
رغد: مادري خايفه من امي وبابا
هدى: الي كدر يخلق هل طفل ابطنج قادر يهديهم ويوفقني واكدر اقنعهم
رغد: طبت امي كالت شحنسوي هسه
هدى: يعني شنسوي متشوفين لغرفه هوسه يله عاونيني انطلع ذني ساعه 8سويلنه ريوك اني اجازه اليوم تره تعبت من الفجر مكعدينه كومي سويلنه لكمه ناكلهه بس تبجين كومي
رغد: طلعو كل الغراض الي بالغرفه اني حاسه ابتعب والطفل هادئ حته مبجه نمت حسيت ع صوت عياط
#حب جنوني
البارت الثالث والعشرون
ل وردالعامري
فاروق: اتخبلتي انتي
هدى: احسن حل هذا ويفد الكل
فاروق: اي كل اي دنيه عقلج شبي فهميني ولج ابن حرام
هدى: لا موابن حرام ابن بتنه الي ربيناها اني وانت فاروق نسيت جنت اول مطب اتصيح وين رغد صارلك شكد حته حجايه محاجي وياهه كلبك شوكت اسود هيج اتعاقبهه ع شنو ع ذنب موذنبهه
فاروق: هدى سدي لموضوع هسه
هدى: مااسده فاروق الطفل يتسجل وقبل متحجي الطفل ابن بتنه الي نضلمت وحملت ذنب موذنبهه
فاروق: يعني انتن جنتن متفقات وعبالجن تحطني امام الامرالواقع واسكت وارضه
غاده: لاياخويه وروح امي حالي حالك اول مره اسمع هل حجي
هدى: فاروق مره كتلك اني ماامني امل بخلفه شنسوي يفشل روح ازوج خلي طفل ايشيل اسمك شريد انت كلت اني مازوج غيرج لواخر يوم بعمري لواعرف اروح اتبنه طفل يشيل اسمي واسمج وهسه اني اريد اتنفذ الي كلتله
فاروق: واني مستعد من باجر روحي لدار يتامه جيبي طفل وتعاي بس هذا الطفل لا
هدى: ليش لا فرقه شنو حسبه يتيم ولكيناه بشارع اباب جامع مشمور كدام بيتك وشلته واتبنيته فاروق لترفض ابوس ايدك ولك تعبت جبت عمري كله مخليت دكتور اعبر حدود واسوي عمليات واضرب ابر حته ابطني ضربت ويصير هل حمل بعد ماانذب فلوس واني اشبع اجكجك وفجاءه بح يرحون شبقه من عمري اني عشت عمري وياك انت تطلب ومايوم كلت لا طلعلي هل حسره من. كلبي وسجل الولد بااسمي دخيلك
فاروق: هدى ماكدر والله ماكدر يتربه كدام امه وهوه بااسمنه
هدى: امه موافقه
فاروق: خوش خطه مخططين والله
هدى: فاروق وروح ابويه والقران والفرقان محد يعرف بهل كلام ولااحد يعلم ابن بنتي واريده يصير ابني نفذلي هل طلب وكلشي ماريد منك فاروق لتباوعلي هيج وكلام الله اذا مسجلت هل طفل بااسمي واسمك وكلام الله اطلع ومااخليك تعرف بيه وين وانت تدري لاعم. ولاخال طالعه من هل دنيه بطرق عباتي تيتمت واني طفله وفتحت عيني عليك موتكولي انتي بنتي ربيتي كدامي اكو اب يقبل بنته تموت بنارهه كدامهه يابشر حسبوني مخبله مختله اريد طفل بااسمي ولكم الرحمه يعباد الله
رغد: الفاصل بيني وبينهم باب الغرفه سمعت حجيهم وسمعت صوت ضرب وصوت امي تكولهه ولج تخبلتي اتملخن خدودج عرفت معنه كلامهه هسه من كالت ماعوفكم ماعرف افرح لواحزن ان ابني ماكدر اكول عليه ابني لوافرح لان ع قليل كدام عيني يكبر
