#حب جنوني
البارت السادس والعشرون
ل وردالعامري
صار عمر.. عمر ست سنوات مدلل عند الكل والكل ايحبه ابو لسان ايسلم مثل الزلم وتصرفاته اكبر من عمره بس جان اي احد ايشوفه يكول عليمن هيج اسمراني
جان خالي فاروق ابيض ع حمار بشتره وامي هدى بيضه اني وامي كذلك هوه سماره فاتح حنطاوي عيونه كبار سود مجروره حاجبه ثخين بالفعل ملامحه مالهه شبه النه
طلبات عمر مجابه ممنوع احد يكوله لا اليوم تخرج الروضه مالته وطلب من كل واحد منه طلب وصل السره الي
ها عموري البطل شتريد
امممم ديده (طبعا اسم ديده اتعلم عليه من طفولته امي تصيحلي رغيده هوه ميعرف يلفضه فيصيح ديده ومشه هل اسم عليه) اريد اتودين للمكان الي رحتيله انتي وصديقاتج
رغد: يامكان
عمر: شبيج هذا الي بصوره بتلفون شوفاينياه
رغد: هاااا للقلعه موتدلل واحله طلعه للسلطان عمر من تطيني الشهريه روناك ههههه
عمر: اهووو وشوكت تطيج
رغد: اليوم ثلاثاءالخميس تطيني والجمعه اخذ اجازه وكلنه نطلع ها بابا موتكول ماكدر عازمتكم ع غده واروح للقلعه
اتفقنه ومن سمعت روناك الجمعه اجازه انجلطت
روناك: والي ايريدنج عيني شلون
رغد: رورو حب الخميس عندي 3عرايس ودك تاتو ماعده شوف الي تجي منا ومنا يعني استحق الجمعه اجازه وانتي ولبنات تكفون وتوفون اتفقت وياها
وكل ماارجع للبيت يتلكاني عمر يله شوكت اتوديني
ولك بعد غير تجي الجمعه
هيه اصلا جتي وراحت
هههه لك حيال البارحه اتفقنه اليوم اربعاء وباجر خميس وبعده جمعه سكت وثاني يوم نفس السؤال يكولي اصلا متعرفين انتي اليوم جمعه الخميس بليل رجعت تلكاني
عمر: تره باجر جمعه عود كولي هل مره احد
رغد: هههه لامااكول الاحد باجر جمعه يله خل انام حته اروح
انام يمج
ياريت تعال نام يمي وكالعاده سمع القصه الي كل يوم نحجي وحده جديده ومن تخلص يكولي اروح انام يم امي جنت اجر حسره بس مابيدي شي الحمدلله من ده اشوفه كدامي
كعدت الصبح عله تكمزه هي هي هي هي
شكو ولك من الصبح
اليوم جمعه يله كومي
خرب ولك ساعه 8الصبح شعدنه
معليه كومي كلهم كعدتهم
طلعت جانو كاعدين الكل يحضرون ريوك صباح الخير
الجميع صباح النور
شمكعدكم شعدكم من الصبح
فاروق/:ليش عمر خلانه انام كعد ب6ورجعته نيمته هدى انوب ب7:30كام يصيح حنتاخر كومو
رغد: ههههه حيال تريكنه وهوه عينه ع ساعه صارت ب10هوه لابس القاط والببيونه ويصيح اخرتوني يله شاله ع جتفه بابا وطلعنه رحنه للقلعه وهوه مكيف يفتر ويركض رحنه للمطعم اتغدينه وطلعنه هوه اشتره شاميه وحلويات وميقبل نرجع للبيت يصيح كلشي مشغت اصلا اني
هههه وهوه مخله شي كعدو امي وخالي تعبو كعدو ع مسطبه وامي هدى يمهم واني يمهه تكولي لكصين شعرج بعد لان
كل مايطول اكصه وهوه يفتر داير مدايرنه
عمر: ديده هاي موطلعه تره انتو كاعدين كومي صعديني فوك
رغد: موقبل منتغده جنه فوك
عمر: اي قبل متنغده هسه تغدينه وشبعنه نسيت اشفت فوك كومي حته تاخذيلي صور يله كومي
رغد: صعدته واخذتله كم صوره اكو عائله كدامنه جهال ونسوان ثنين ورجال ضهره صاير عليه وبصفه مره لابسه عبايه راس وكدامي بنيه شابه شايله طغل هستوه يزحف كتل نفسه عليه عمر اله اروح اشوفه واني اجربيه واقشمره ساعه اشوفه صور ساعه اكوله باوع لمحلات من فوك وهوه يلتهي ويرجع اريد الطفل المره ام العباه والرجال كامو ضلت كاعده لبنيه الشابه وبحضنهه الطفل تجره ويرجع ينزل يريد يزحف يم الاطفال الي يلعبون يمهم
عمر: ديده حبابه اروح ابوسه شوفيه سمين عنده خدود منفوخه حبابه ديده
رغد: هههه كومي شيخلصنه اخذته وتقدمت عليه مبينين عرب لان سمعتهه تكوله لك اكعد
السلام عليك
عليكم السلام
اعتذر ازعجتج بس ابنه تخبل ع ابنكم الله يحفضه اله ايبوسه تقبلون ههههه
ههه يااا صدك كذب اخذه وروح موبس بوسه
تسلمين حياتي
ضليت واكفه وعمر راح للطغل ايبوس بيه ولطفل ايجر بالببيونه مالته ويكركر سمعت صوت ورايه السلام عليكم تفضلي اختي محتاجه شي
انداريت لاشكرا بسس
الكلام وكف بحلكي احس كلبي يرجف خوف كره ارتباك معقوله لاهذا عنده شيب موهوه لاهوه
انتبهت هوه شايل كلاصين ازبري وكعن من ايده جفلني صاح رغد
سحبت ايد عمر بسرعه احس رجلي بيهه خدر اركض واسحب بعمر الي ايصيح شبيج العب وياه اريد ابلع ريكي احس ريكي نشف شفتي يبست وصوت ورايه يصيح رغد رغد
