دنيتي ❤

*دنيتي* 1

                                   بسم الله نبدو روايتنا
تعريف ع بطله طبعها نحكي بلسانها
اسمي دنيا م 91متخرجه من طب بشري وحاليا نشتغل ف مستشفى خاص نحب نضحك ومش حشوميه بكل لكن حساسيه ف نفس وقت بابا متوفي وعندي 3 خوات ندي أختي كبيره متزوجه وعندها توأم لما وليلي وأختي نور فرحها ماليشي سنه وأختي مقربه مني معي ف حوش م 99 ساره ف أولى جامعه هندسه وأخ واحد متزوج يسكن فوقنا عنده 2 اولاد وبنت وهو اللي متحمل مسؤوليتنا زوجته اسمها وفاء (الباقي توا تعرفو عليهم مع سرد احداث )
انا: ماما را طلعت
ماما : افطري يا بنتي عليش مستعجله
انا : توا نفطر ف مستشفى مع سلامه
ماما : استودعتك الله وربي يفتحها ف وجك
طبعا نمشي ف حافله وأوقات يوصل في ميدا خوي خشيت مستشفى
انا : صباح الخبير
كلهم:صباح نور
علي: دنيا د. أشرف يبيك
انا : صباح ي فتاح توا نمشي نشوفا
مشيت حجره متاعي
انا : صباحو
ايه: صباح الفل ( طبعا هدي انتيمتي متحملش في شيء ونا كذلك مع بعضنا من الاعدادي)
انا وملبس ف بللطوي : شخبارك ي حنه أمس اتصلت بيك مرديتيش
ايه : متخطريهاش على متعاركه مع قرد فرند بتاعي
انا: ههههههه عطك الخير لكن من ناحيه قرد قرد
ايه : تي متحكيش عليه هكي وحق ربي نحبه
انا : انتي قلتي عليه قرد راه متخلفا نمشي مشوق دكتور يبيني خير من وجههك
طلعت اتجهت شور مكتب رئيس الأطباء طقيت باب
د.أشرف : تفضل
انا : نعم دكتور تفضل طلبتني
د.أشرف : بصراحه ي دكتوره نا مريض قلبي يوجع في ترا تعالي شوفيه
انا : ههههههههه أشرف بلا برادتك
هو: تي كنك نحكي جدبات
انا : باهي نحكو بعدين عندي مرضي
هو: خلينا نفطرو قبل
انا : البي واللهي م نقدر بكرا عندي دوام كامل فطرني وغديني
أشرف : يناعلي وين يمشي هضا كله بس
قعد يبحت من فوق للوطه مع نعست لعيووون ( طبعا مذهوب الشيره هضا ختيبي نبو بعض من ايام جامعه خطبني ف آخر سنه وعرس قلنا مازال فش نرجو اش عارف)
انا: ههههه باه خلاص خطانني نبي نمشي واخر مره ديرها لي النظره هذي
أشرف وهو يقرب : عليش ؟
نا طلعت بسرعه : عارفتها كان يقرب مني اللي يقولي عليها نقولا باهي تقول سكرانه طلعت ونا نضحك  (خلني نعرفكم ع اشرف طويل واسمرني عمره 32 طبعا هو اكبر مني نا كنت اولي جامعه هو ف سنه 5 يتيم عايش ف حوش بوه وأمه بروحه فوقي خوتا الاثنين وخوتها 3 متزوجات مرح وصايع كان معروف ف كليه أنه صايع لكن ممتاز عشان هك قعد رئيس ) نرجعو لروايتنا
طلعت شفت مرضى متاعيني بعدها نزلت نا و ايه نفطروا ماقلتش لا اشرف قلت توا نلهيه ع شغله
انا : وباه شنبديري ف قرد بتاعك
ايه: مش عارفا لكن نا مليت كل مره نا اللي نراضي  خليه يتعب شوي
انا : هضا صاح نا م نقابلا بكل كم مره نقولك فوتيه
ايه : اووف خلاص تلخبطليش افكاري
مع جيت علي قمعز
علي:موضوع خاص ولا نقعد عادي
ايه؛ اها خاص طير هي
علي : واللهي ما ماشي قاعد ع كبدك نوضي ونتي غر ترصي
نا نضحك لانه ايوتا دبدوبه تحبش حد يحكي عليها وع طعامها رفعت رأسي شفت أشرف
جاء شورنا
أشرف : كيف معندكمش مرضي قاعدين كلكم هنا
علي : كح كح اهحم لا ي دكتور توا ماسكين سمر وعادل
أشرف قمعز وبحت ف زين
علي تستأذن نا هي ي ايه عنا شغل ومع غمزه
انا : مكنتش نبي نلهيك
أشرف : باه كويس عارفا روحك غالطه
انا : لا ب..
أشرف : اسمعي هذي آخر مره نلقاك تحكي وتضحكي مع علي اه آخر مره ولا تفطري معاه
انا : كنك معقد انتا شن فيها بعدها هو قمعز بروحا وعارفك خطيبي را ميدحنسش
أشرف : نا اللي عندي قلتا وكان عش عندك شغل روحي الحوش
صبا وطلع لمكتبه
انا : اهفففف ي ربي عد هو زعلته بزعلات كيف بيرضى توا
_______________________________________________________________  هدي اول حلقه رأيكم وادعموني بليز والحلقات جايات احلا طبعا كأول حلقه قصيره لكن لاخرات  هيكون أطول بإذن الله ونستقبل اي نقد لاني مبتدئة طولت عليكم فرولاتي بوون وي
^ رورو لدرسي^