#تراتيل صامته
#بقلمي شمعة امل
#الجزء الأول
ونرجع بقصه جديده 💖💖💖
نور ......صباح الخير 💖
ام نور ....ابو نور ......صباح الخير
ام نور .....يله تعالي اتريكي اليوم اتاخرتي يله كعدتي
نور .....اي مو البارحه سهرت شويه كان طالع فلم يخبل على mbc4
ليث ....خلي يفيدج الفلم راح اتاخرينه ولج
نور .....يووووووووووه هسه انت شعليك بيه ....غير اني عاجبني انت شفهمك بالافلام الحلوه
ليث .....عفت المفهوميه الج يا جهبذ القرن
ابو نور .....ولكم ......ادري شنو ماكو احترام الي ....نسيتوا اني موجود
نور ... ليث ....العفو موقصدنه
ابو نور ...ديله راح تتاخرون على الدوام
وتريكنه وطلعنه
نسيت اعرفكم ......
اني نور .....طالبة مرحله ثانيه ...كلية .....
مواصفاتي ...بيضه ....شعري على شقار شويه وطويل .....عيوني عسلي .....رشيقه
واحب احافظ على رشاقتي ....
لا طويله ولا قصيره
عندي اخويه ليث هم طالب كليه بس بغير جامعه ...
..كل يوم نطلع يوصلني هو للدوام واني ارجع بعدين لو ويه صديقتي ندى..
لو وحدي
طبعا ليوثي اني وياه النهار كله بس نتناكر ....هههههه ..
بس احنه هم اصدقاء .....يعني ادري بيه يحب وحده ويانه بالجامعه
بس لحد الآن مكايلي باسمهه
يكلي عنادا بيج لان انتي متظمين سر
واكيد راح اتخبرين حتى العميد مالتكم باسمهه
سخيف يسميني وكالة رويتر 😖😖😖
هو هاي السنه راح يتخرج وناوي يتزوج
بس اني راح اضل وراه إلى أن أعرف منو البنيه
عندي بعد اخ أكبر من عدنه اسمه عماد
هذا متزوج وطالع بيت وحد وعنده طفل واحد ..... اسمه يزن
فوووديته حبيت عمته اموووت عليه
عماد عمله بوزارة الداخلية
حالتنه جدا ميسوره والحمد لله
المهم دنطلع من البيت
ام نور .....ولج نوره وين رايحه البسي شي فوك ملابسج فد ستره ...... اليوم الجو بيه بروده
نور .....لا ماما بروده شنو .....هسه اشويه ويحتر الجو .. واني مااحب اشيل ستره بيدي
ليث ....ولج امشي راح نتاخر
نور .....بهمس .... شبيك خايف تتاخر على الدوام لو على الحب مالتك
ليث ....ولج اسكتي ...راح تفضحيني
نور ...اريد اعرف منو ... .
ليث ...وانتي شعليج ....شكد حشريه
....يله امشي عاد
نور ....اي .. اي ..جايه ...
وصعدنه بالسياره. وصلنه للجامعه ..
دخلت الجامعه وكان عندي امتحان المحاظره الأولى
......ليث أفندي إلا يشوف الحب يله يروح لجامعته
مالي خلكهم هسه
وهيه مدري وين تتختل حتى اتشوفه
...خلي اخلص من الامتحانات......
وابدي اشتغل مثل شارلوك هولمز 😂😂😂
نور .... صباح الخير
ندى ....صباح النور ....ولج ليش هيج اتاخرتي هسه بده الاستاذ يوزع الاسئله
