شريك حياتي.....@8
بقلمي....سندس...
......
-الو...
-الو ميار يا بتي تعالي بسرعه البيت
-في شنو مالكم...جميله في شنو... وقعتي قلبي وصوتك مالو؟
-لا ما في شي بس تعالي هسه
-بتي حصل ليها شي؟
-بتك كويسه بس تعالي سريع
ميار قفلت التلفون وبقت ترجف ياربي تكون جوري حصل ليها شي واي انا بموت استر يارب...شالت شنطته ومفتاح العربيه مشت لي ايهم مالقته في مكتبه نزلت طوالي ودورت عربيتها وجري عالبيت والطريق كلو تفكر شنو يكون حصل وتشيل وتضرب لي ايهم ما برد...
وصلت باب الفيلا وكويس انه الباب بيفتح اوتوماتيك لانه عبدو البواب مافي وقفت العربيه في اقرب مكان وجري دخلت البيت....كان البيت هادئ بطريقه مرعبة ومظلم بقت ماشه بخطوات هادئه وهي حلقها نشف من الخوف اكيد بتها مرضت ونقلوها المستشفي ده كان تفكيرها بس تفتح النور ووو
-مفاااااااااااجأه
صرخت ميار من الخلعه نا اتوقعت ان يكون في زول ما بالك بي كمية من البشر لابسين برانيط ملونه وبضحكوا علي المنظر....وقفت ميار مسافه ولسه ما فاهمه شي فجأه يتقدم أيهم من بين الناس وفي يده وردة
-كل سنه وانتي طيبه يا احلي ميرو في الدنيا...
وبس تشوف جميله وام الحسن ما شين وراهو وشايلين قالب التورتة...
-وانت طيب يا ايهم بس شنو كل ده ....وقعت قلبي
اخيرا بدأت ملامح ميار تسترخي وتتلاشي نظرة الخلعه لحدي ما اتحولت لي ابتسامه عريضه بعد شافت جوري وشايله كيس هدية في يدها قربت منها ميار رفعتها لي حضنها
- كل سنه وانتي طيبه يا ماما
-وانتي احلي واطيب يارب يخليكي ليا يا روح ماما
بعدين بدو القرايب والاصحاب يهنوها ويقدموا هداياهم وميار عاشت في الجو وونسات وضحك لحدي العصر قام أيهم طلب من ميار إنه تطلع غرفتها تستريح شويه لأنه بالليل عامل ليها حفله لي البيت هنا وعازم ناس الشركه كلهم...
-يعني هم عارفين...وما قالولي
-امال حتكون مفاجأه كيف؟...انا نبهت عليهم كلهم انه مافي حد يجيل ليك سيرة
-اممممم...انت عملت كل ده عشاني
-انا وجوري....هو احنا عندنا غيرك؟
-الله يحفظكم يارب...جد شكرا أيهم باين خسرت كتير
-تستاهلي اكتر من كده وبعدين انا ادفع نص عمري عشان اشوف ميار الزمان....ميار الطفله السعيدة
اتذكرت ميار انه ليها زمان ما فرحت من قلبها كده فرحه زي دي ودمعتها جرت لما حست صدق كلماتو
-تؤ تؤ تؤ....وبي طرف اصبعه مسح دمعتها....
-انا عايزك تستمتعي وبس....من غير دموع...
........
