بقلم الكاتبه @miss_marioma
رواية ( قلبٌ مُهمش )
الوجع جوّف داخلي
اصبح هناك ثقبٌ في صدري
جعلني انثى بلا قلب
- دانا
استيقظت من نومي في غرفة لا اعلم كيف وصلت اليها وكيف اتيت الى هنا وحتى متى غفوت بدأت بالصراخ طالبةً النجده أظن أنني في غرفه في بيت قصر كبير ف جميع الاثاث وحتى طلاء الحائط يوحي بأنني في مكان شخص غني ثم فُتح باب الغرفه وإذ بشخصٍ قادماً نحوي
دانا : منو انتَ ؟ اني وين ! شسوي هنا !!!
الرجل : السيد يونس ينتظرج جوه
دانا : انتَ منووو يونس منوو ماعرف احد بهالاسم عوفوني اروح
الرجل : لسوين مشاكل ونزلي ويايه
ذهبت مع الرجل لأرى من هو يونس لأنني حقاً لا اعرفه
دانا : منو انتَ ؟
يونس : اني يونس صديق والدج الله يرحمه ، ومدّ لي يده لأصافحه ولم أعره أيّ اهتمام
دانا : ماعرفك عوفني اريد اروح
يونس : وين تروحين ؟ منو بقالج اصلاً !!
دانا : شوف عمو انتَ رجال جبير وماريد اقلل احترام وياک اريد اروح عوفني
يونس : اي كولي وين تريدين تروحين واعوفج
دانا : اروح على بيبي وجدو
يونس : لگبرهم !!
دانا : شنوو شدتحجي انتَ شبيك شنو لگبرهم
يونس : قتلوا سلالتج كلها
*عودة الى الأسبوع الماضي ،
دانا : ماما بابا اني حروح على هاجر فد ساعه واجي ( هاجر صديقة دانا وهم جوارين )
ابو دانا ( شوكت ) : لتتأخرين اكثر من ساعه
دانا : ماشي بابا
ذهبت الى هاجر كانت تقص عليّ مشاكلها مع خطيبها يوسف وطبعاً اني من يجب ان اعطيها النصائح
*بعد مرور ساعة و 10 دقائق
دانا : باعي هاجر سوي مثل مكتلج ولسوين سوالف اطفال كبرتي ترا يلا حروح هسه
هاجر : اي ماشي ماشي سلميلي ع خاله فاطمة ( ام دانا )
دانا : يوصل يلا بايييي
هاجر : بيباي
كانت الساعه الثامنه و 10 دقائق مساءاً
اثناء عودتي الى البيت رأيت سيارتان امام باب منزلنا وجميع من في السياره كانوا رجال مسلحين جميعهم دخلوا الى منزلنا
ذهبت راكضه وبقيت في الحديقه مختبأة لكي أحاول أن ارى امي وابي وإخوتي الصغار
وفعلاً رأيتهم كانوا جميعهم خائفين وإخوتي يبكون والرجال المسلحين موجهّين اسلحتهم على رأس امي وأبي وإخوتي وفي لحظة تم إطلاق الرصاص على اهلي وامام ناظري لم أستطع الصراخ ولا حتى ان احرك جفن عيني جميعهم قُتلوا امامي حتى اخوتي الصغار الذين ليس لهم أي ذنب
بقيت مختبأة في مكاني لكي لا يروني
وبعد ان ذهبوا وابتعدوا عن منزلنا
ركضت الى ابي وامي كانوا مغطّين بالدماء تماماً وإخوتي غرقوا بالدم جميعهم ميتون
ف أبي في صدره اربع رصاصات واثنان في رأسه وأمي ثلاث رصاصات موزعة على جسدها وواحد برأسها وإخوتي الاثنان كل واحد رصاصه في رأسه
وبعدها صرخت وبكيت حتى خرج قلبي من أحشائي حتى خرجت روحي ونمت على صدر ابي حتى ظننت أنني مُت
*عودة الى الحاضر ،
يونس : جنت اعرف انو حيقتلون اهلج واتصلت على والدج هوايه بس ماردلي وجنت بطريقي لبيتكم ، وبعدها فتت لبيتكم ولكيت مجزره والحمدلله انتِ جنتِ عايشه واكيد همَ هسه ديدورلج
دانا : عوفني خليهم يموتوني اهلي وماتوا وانتَ دتكول بيبي وجدو هم ماتوا منو بقالي
يونس : اني بقيتلج
دانا : اني حتى ماعرفك منو
يونس : حتعرفيني بس مو هسه روحي للغرفه الجنتي بيها هاي صارت غرفتج بعد و ب٩ آليوم بالليل نزلي روحي ارتاحي هسه ومن تصير ب٩ وتنزلين كلشي راح افهمج
دانا : تمام عمو
شيء ما بداخلي قد سُلب
سلبوا قلبي
إنهم قتلوني دون أن اموت
* الساعه ال9 مساءاً
أتى الي رجل وقال لي بأن السيد يونس ينتظرني على العشاء ومعه ضيوف
ذهبت الى المكان الذي يوجد فيه العم يونس
يونس : تعالي بنيتي ، ( ثم استدار على ضيوفه ) وقال : اعرفكم على العميلة سوزان
دانا : عميلة ؟ سوزان !! شديصير فهمني
يونس : اهدأي كعدي هنا وهسه افهمج
كان هناك ستة اشخاص 5 ذكور وأنثى واحده وانا والعم يونس جميعنا كنّا جالسين على الطاوله لتناول العشاء
دانا : اي عمو فهمني
يونس : بنتي اول شي بأعتبار ابوج خلالج مدرسين وصرتي تتقنين اللغه الروسية والفرنسية وهسه انتِ بعمر ال19 غيرت اسمج من دانا الى سوزان وجنسيتج وحتى جوازج روسي هسه بأعتبار انتِ عميلة من روسيا تعرفين والدج جان رائد وجان ياخذ أوامر من شخص اعلى منه حتى يحاول يلزم تجار الاسلحه والمخدرات اني الجنت هذا الشخص وواحد من التجار السيد شوكت قتله فصارت القضيه قضية دم ولذلك اخو هذا التجار قتل اهلج وسلالتج كلها
دانا : زين شي اكيد حيدورلي حتى يقتلني اني هم وشي اكيد يعرفني شلون بهالحاله
يونس : هم يعرفون عنده بنيه واسمها دانا بس ميعرفون شكلج
دانا : شلون يعني ميعرفون شكلي ؟
يونس : لان ابوج قبل لا، اسلمه هاي المهمه بعدج عن الأنظار وخلاج تدرسين بعمان ف صاروا يعرفون اسمج فقط اما شكلج لونج عمرج كلشي ميعرفون
دانا : زين انتَ كلت عميلة يعني شـنـِْۈ واني اصلا هذا مو تخصصي اني ادرس صيدله عمو
يونس : اعرف تدرسين صيدله ف على هذا الاساس الكاعدين هنا حيساعدوج
