النهاية

السلام  عليكم غوالي
وكل عام وانتم بخير
اجيتكم وجبتلكم قصتي  الجديدة #نهاية الي راح انزلها  ورة العيد
القصة مو طويلة كولش بس ممتعه
راح انزل الكم مقطع منها...
اما قصة كحل اسود بس اكملها  هاي القصة ابدي بكتابتها لان قصتها طويله وتحتاج مدة وان شاء الله تكمل عن قريب

#النهايه
هناك شخص غريب...
معالم اعرفهة من قبل....
عيون شايفه صدتهة
شكل غريب....بس مالوف
ضليت ساكتة وواكفه بمكاني بدون مااتحرك واني اعيوني ماتتحرك من علية وهو نفس الشي
اعيونة مركزة بوجي
بس اعتلت على وجهة ابتسامة خفيفة

...بهل لحظة كلبي يدك بسرعه وبقوة ويكول اي هو 
وعقلي يرفض يصدك الي شافه
رغم التغير الجبير الي صار بي والسنين المرت بس حافظة عينة الكوية

...حسيت على ايد هدى وهي تبتسم الية وكالت لتصفنين روحي قدمي
اتقدمت واني فكري راح لهذيج الايام القديمة
الايام الي جنت اتعارك وياه واتضارب
واخيرا وصلت الة واني اركز بي وااسولف وي نفسي احاول اجذب روحي بان مو هو

بس لا.....
اي هو....بدت اعيوني تتغير واحاول ابعد انظاري منه وكلبي الي انقبض

كانما عيونة رجعتني بنت عمرة تسع سنوات وبعدهة تكرة الي يضربهة بهذاك اليوم

_اشلونج عبير

....حجاهة بكل هدوء وبكل ثقة
ضليت ساكتة بدون ماارد علية
عجز لساني عن الرد......

ابتعدت بدون ما اسلم واصلت تقديم الجاي والكعك
ورجعت للمطبخ واني اتنفس بقوة
ايدي ترجف وصدري يرتفع وينخفض
وافتر بالمطبخ مااعرف شتصرف
اروح واجي.....

برغم احنى جنة اصغار وهاي السوالف عادية بالطفولة
بس بعدة كرهه بكلبي ماصغر ولا اضمحل