#أحببتك_حتى1و2
خلوني في حالي قولته ليكم م عايزة اتكلم مع زول م عايزهه اتكلم مع زول الله يخليكم اطلعو خلوني في حااااالي انتو ليه م بتفهمو 😭😭😭بابا قول ليهم يطلعو من هنا انا م عايزهه زول يكون معي هنا في الغرفه دي ،م نفسي اتكلم مع زول ،الله يخليك ي بابا طلعهم من هناااا،
بتي خلاص اهدي رووقي اعصاابك
اطلعو من هنا قولته ليكم اطلعووو يااااااااااخ😭😭😭😭😭😭
"خلاااااص اطلعو من هنا م شايفين حالتها اتدهورت من اول وجديد؟ممرضه تعالي اديها حقنه ولا اااي حاجه،،
انا م عايزه حقن م عايزه ادويه م عايزه اااااي حاجه خلاص تعبتهه انا عايزة افضل كدة م عايزه اتعالج وربي م عايزه اتعالج 😭💔
بتي حبيبتي كدة ارتاحي انا هنا معاك ان شاءالله م حتحصل ليك حاجه وانا معاك طولي بالك اهدي اتفقنا؟حاضر حبيبتي؟
بابا انا م عايزه اعمل فحوصات ولا عايزة اتكلم مع زول ممكن تخليهم يبعدو مني وم يضايقوني😭
حاضر حبيبتي اوعدك ماف زول يضايقك ويجبرك تعملي حاجه م عايزاها،يلا انتي بس اخدي راحتك وم تتعصبي اتفقنا؟
لحظه صمت...
هاااااا اتفقنا؟؟
حاضر 😖
ممرضهه اديها الحقنهه
جات الممرضهه ادتني حقنهه وقالت لي شويه كدة وحتروقي!!!
بابا قال ليااا:
طيب انا طالع خمسه دقايق وراجع ليك تمام؟"ممرضه خليك معاها"
بابا انت ماشي وين ومخليني😭
جاااي اسي تمام؟
انا:طيب م تتأخر😭
بعد م طلع بابا قعد يتكلم مع الدكتور "اها ي دكتور الحاصل شنوو فهمني؟الدكتور قال ليهو والله ي عبدالله زي م شااايف بتك بتعاني من حاله اكتئاب م عايزة تساعدنا عشان العمليه تنجح ،وضعها الصحي متدهووور شديد وقلبها كل شويه ببقى اضعف ،جسمها م بستجيب للعلاج ولا بأي صوره من الصور اخدت وقت بما فيه الكفايه يعني بعد كدة المفروض صحتها ابدا م تتراجع،
بابا : اها والحل شنوو يعني؟ا
الدكتور:ماف حل غير انو نديها فترهه ونحاول نعمل العمليه مرهه تانيهه وربنا يسهل بس
بابا:والله احترنا غايتو ربنا يسهل بس
اثناء م انا قاعدة في الغرفه الباب دق،سكتته سااي م رديت،فجأة اسمع ليك صوت بابا بقول لي بتي العصبيه اها رايقهه؟قولته ليهو من قبيل منتظراك مشيت وين انت؟قال لي قاااعد بس مشيت اخدتهه لي دش خفيف كدة وجيت اتغدا معاااك اها حتاكلي ولا حتخليني جيعان بسببك؟
قولته ليهو بس انا م جعانه وربي😿قال لي اهاااا قومنا تاني للحركات؟ي بتي انا والله البعملو دة كلوو عشانك انتي،وعشان صحتك عايزك تتعافي وتشوفي الحياة دي فيها شنو،انتي م عايزة تبقي كويسه وتعملي اي شي بتتمنيهو برااك؟بيدك انتي الحل م تيأسي ابدا اتفائلي وخلي ايمانك بربنا كبييير،قولته ليهو بابا فكرك بعد كل السنين دي انا حأبقى كويسه؟فكرك بعد 20سنه ممكن افتح واشووف عااادي زي زي الناس😭فكرك بعد تلاته عمليتين فاااشلات ممكن العمليه الجايه دي تنجح؟لأني يئسته يئسته بجد من نفس الأسطوانه دي كل مره اقول خلاص العمليه دي حتنجح بلقى نفسي رجعته لنقطهه الصفر، انا بقيت اشوف كلام الدكاترهه دة كلو كذب ساااي وماف منو فايدهه،انا عمري م حأرجع افتح وامشي ابدا علشان كدة م تتعبو روحكم معااااي لغاااايه هنا وخلاص Stop انا م عايزة شي من الحياة دي اقفلوني بين اربع حيطان وخلوني مع نفسي وبس م عايزة شي ابدا😭
بابا:بالنسبه لطفله عمرها كان م بتجاوز ال 7سنوات ،اتعملت ليها عمليتين قلب مفتوح،ودخلت في حاله غيبوبه لمدة 10شهوور لدرجه انو نحن وطاااقم المستشفى كلو فقدنا الأمل فيها وبعدها قااااومت ورجعت عاااشت العمر دة كلو حيغلبها تتجاوز عمليات صغيره زي دي؟عارفه العمليات دي فشلت لييييه؟عشان انتي الماعايزاها تنجح،انتي المحبطه نفسك بنفسك ،لاحظي انا وامك وأخوانك كلنا منتظرنك ترجعي لينا ،قولته ليهو طيب ومدثر اخووي؟كمان معاكم؟ اول م افتح حألقاهو منتظرني زيكم؟اول خطوة لي بعد السنين دي كلها حتكون بإتجاهو ؟المشاكل الحاصله في قلبي دي حتطيب ودقات قلبي حترجع تنتظم وحالتي م حتدهور لما نهظر مع بعض وهو يجري وراي او انا اجري وراهو؟بابا سكت مساااافه وقاال لي بصوووت مبحوح "بتي بتي متين حتتقبلي فكرة انو اخوك بقى في رحمهه الله من 13سنه سنه فاكره الموضوع دة م صعب علينا نحن كمان؟قولته ليهو دي المشكله هنا انو هو م موجود ،حتى اثرو مافي في الواقع بس انا لحدي الأن بسمع صدى صوتو وهو بلعبني، انا لغايه اليوم م قادره اتقبل فكره انو هو م موجود بيناتكم ابدا😭قال لي بس دي سنه الحياة كدة ومجبورين نتعايش معاها،عشان كدة م عايزين نخسرك انتي كمان فاهمهه؟ ربنا لما يحب عبدو ببتليهو زي م عمل مع الرسل وكل مره كان بنزل لواحد معجزة براهو ودة كلوو لحكمهه،ربنا قال "لقد خلقنا الانسان في كبد"يعني الانسان دة بتولد في اسوأ ظرووف ممكنه بس بقاااام عشان يكمل ،عايزنك تتجاوزي المرحله دي وتكملي حياتك عاادي،وبعدين الدنيا م معروفهه والظروف م مضمونه حتفضلي معتمدة علي انا وامك واخوانك في كل حاجه كدة لمتين؟يمكن انا او امك كمان يجي دورنا وربنا ياخد امانتو صح ولا لأ؟قولته ليهو لا م تقول كدة ي بابا😭قال لي الموت علينا حق ي بتي ونحن خلاص كبرنا وبقينا ناس اخرهه كفايه جدا انو انا عرسته لي اختك الكبيره وشوفته حفسدي واخوانك ديل م عليهم خوفه هم رجال وبتحملو مسؤليه نفسهم بس والله انا في الدنيا دي م عندي هم غيرك انتي اكتر مخاوفي عليك انتي فهمتي ي بتي عشان كدة ساعديني وحاولي قوي نفسك عشان تتعافي وتتحملي مسؤليه نفسك بنفسك!!!قولته ليهو حاااضر ي بابا بس اوعدني انو انت حتبقى جنبي دايما؟قال لي ان شاءالله انا معاك خطوة بخطوة لغااايه م ترجعي عافيتك بالكامل وتعرسي واشوف اولادك واولاد اولادك كمان ي السجمانه لكن اكبر مخاوفي يجيبوك لي راجعه حللك بيضاء وبي جردل خبيزك ي بتي انتي شيبس م بتعرفي تسويهو😂😂👊💔قولته ليهو باباااا😭😭😭قال لي خلاص خلاص بطلته بس دي الحقيقه المرهه🙊😂قولته ليهو وانت منو القال ليك انو انا عايزة اعرس اساسا☹قال لي اها حتفضلي كدة يعني😂قولته ليهو مش انت معااي اي حفضل كدة ☹قال لي طيب لو لقيتي واحد زي ابوك كدة بتوافقي؟قولته ليهو يعني لو لقيت واحد بعاملني زيك كدة وبنفس مواصفاتك دي بوافق🙈قعدنا نضحك قال لي مستهبلهه😂👊💔
