Press release
Hunyo 17, 2018
Koordinadong Aksyon Militar Ginlunsar sang NPA
Sgd: Ka JB Regalado
Spokesperson
Leonardo Panaligan Command
New People’s Army
Central Negros Guerrilla Front
Ang 94th IBPA sa Central Negros ginsugata sang 6 ka madinalag-on nga koordinadong aksyon militar nga ginlunsar sang Leonardo Panaligan Command New People’s Army sa Central Negros sadtong Hunyo 12, 2018.
Hunyo 12 alas 4:30 sang kaagahon, madinalag-on nga ginreyd ang balay ni Mike “Dongkoy” Jakosalem sa Brgy Humay-humay, Guihulngan. Isa ka bantog nga druglord kag sindikato sa Guihulngan kag Cebu. May kaso sa hublag sang 3 ka bes nga pagpamatay, cattle rustling, paghimulos sa kababaihan, hold-up, pagbaligya kag paggamit sang ilegal nga druga, paghupot sang goons, kriminal kag ilegal nga mga armas. Masupog man nga ahente sang militar kag CIDG. Nakumpiska ang 5 ka mga armas-luthang, 8 ka handheld radio, mga magasin, bala kag 3 ka Cellphones. Patay si Lenmar Cabasag nga isa sa mga masupog nga tinawo ni Dongkoy, samtang pilason naman si Mike Jakosalem kag sang Hunyo 13, 2018 patay man ini sa Riverside Medical Center sa Bacolod City, Negros Oriental.
Ini man nga adlaw, alas 7:00 sang gab-i dululungan nga ginharas sang mga yunit sang NPA ang 2 ka CAFGU detachment sang Brgy. Imelda, Guihulngan kag Brgy. Guba, Vallermoso tanan sang Negros Oriental. Kadungan man sini ang 3 pa ka separado nga Police Actions sang NPA sa Guihulngan, Magallon kag La Castellana, Negros Occidental.
Sa pihak sang 5 ka serye sang Battalion operations nga ginlunsar sang AFP sa Central Negros halin sadtong Marso 24-Hunyo 12, 2018 pabilin nga bulag kag bungol ang militar sa mga hulag sang NPA kag bug-os nga rebolusyonaryong hublag. Bangud sang hugot nga suporta sang masa sa LPC-NPA, sa sulod sang 5 ka bulan (Pebrero-Hunyo 2018); nakalunsar ang NPA sang 28 ka aksyon militar kag nakakumpiska sang 34 ka mga armas (5 HPR kag 29 short armas), 9 handheld radios, 6 ka cellphones, mga magasin kag bala sang nagkalain-lain nga mga armas.
