النت ضعيف والكهرباء توها اجت 🙄
#أهدتني_عاراً
بارت5
نورا ناصر
جنه *
رحت لغرفتي واني امشي وادردم على محمد ضوجني من كال سامر بعد ميرجع يعني ميعرف يحجي ويايه بأسلوب بدون ميجرحني.
حبست على نفسي كم ساعه بالغرفه.
ملل وضوجه وخنگه وماكو شي يسلي
جانت مها ويايه ونكعد نسولف ونتعارك هسه كله وحيده.
بس من يكعد يوسف العب ويا.
ومرات علا تحن علينه وتطلعنه وياهه كل كم شهر مره.
المغرب طلعت من الغرفه محمد ماكو وامي جانت يم علا بس اني وعذراء بالبيت.
رحت يمها جانت دتغسل الممه مالته كتلها
ها وين يوسف ؟
نايم يوسف تعاي خلنحجي شويه.
شنو عندج ؟
ليش ماتقبلين تزوجين ؟
اهووو نفس السيره انت ورجلج.
بهالاثناء طب محمد شفته اريد اطلع من المطبخ لزمني من معصمي تعاي احجي وياج.
واخذني للصاله وكعد ع القنفه وكعدت بصفه.
محمد :شوفي جنه الولد خوش زلمه ملازم اول واهله شبعانين وخوش ناس من رحت البغداد كبل سنه رحت لبيتهم واعرفه كلش زين وخابرني يريد يجي يشوفج ورفضج مو مبرر انت شوفي وبعدين حكمي تره والله يخبل يشبه عمار كوسوفي.
جنه ..: يعني شنو محمد تجبرني ؟
محمد :مااجبرج بس اريد مصلحتج وانت زغيره وطالعه من ازمه انه اشوف هالشي اصلح الج والفرصه تجي مره وحده بالعمر وهي فرصتج
جنه :صفنت بس ممقتنعه
محمد : هاشگلتي ؟؟
جنه :بعدين اريد اروح للغرفه اريد اصلي المغرب.
محمد :روحي وفكري زين.
جنه :مااقتنعت بكلام محمد خايفه اظلم الولد وياي لان احس سامر لهسه بقلبي حتى لو ميت ومااريد احد ياخذ مكانه.
لليل اجت امي وهم نفس السؤال ليش ماتزوجين وهذا جم واحد رفضتي مايصير يابنتي انت تعرفين مجتمعنا وهسه الناس شيكولون ليش ماتزوج بينها وبين المرحوم شي.
جنه :يمه شسالفه سامر ايدي مالزمها بس من لبسني الحلقه بعد يصير بينه شي. ؟؟
الام :اخوج يكول هذا خوش ولد وهو رايح لبيتهم ابغداد وشايف اهله خوش ناس.
جنه :يعني تنطيني لبغداد يمه تردين ابتعد عنج ينطيج قلبج
الام :يايمه انت وصله من قلبي وهي مصلحتج خوش ولد وو
جنه :لا هذا مو حجيج محمد كلج تقنعيني مو هيج اني ثگيله عليكم ومتعاجزين من لگمتي.
الام :صدك جذب يمه هي السنين كلها ربيناج وتعبنه هسنه نتعاجز من لكمتج بس انت فكري انه كايمه انام تعبت كلش اليوم ويا علا عند الدكتوره.
جنه :طلعت امي واني قافله مااقتنعت بحجيها
رحت اريد اشرب مي
البراد مال ماي بالهول مخلينه كاعدين عذراء ومحمد واحمد جاي يشوفون تلفزيون.
احمد :ها جنون يكولون جايييلج خطابه اي علواه تعرسين اريد غرفتج استقر بيها ظال مهجر بالهول لو بالديوانيه تره مايصير اريد ازوج وين ازوج.
جنه :ايبااه هيج انه صايره ثكيله عليكم يابه اخذ الغرفه وانه انام بالهول بس مااريد اتزوج.
درت اريد ارجع لغرفتي صاح عليه احمد
ولج جنه العريس من بغداد انت مو تردين تزورين بغداد ومخبلتنه ودوني ازورها ومشايفتها بعد شتردين الله استجاب دعائج.
محمد :حضري روحج الاسبوع الجاي يجي يشوفج ولاصيرين عنيده.
عذراء : هييييه راح يصير عدنه عرس هيييه
جنه :رحت للغرفه ومامهتمه
بالليل نمت وظليت اتقلب بالفراش كلش تحسست من كلام اهلي كلت معقوله يردون يخلصون مني معقوله اني عاله عليهم او اني فكر وخايفين مني.
اخر شي بجيت حد ما نمت.
كعدت الصبح على صوت الجهال علا اطفالهه ثلاثه واحد ولد وبنات اثنين ومها ابنها ويوسف هم يدبج وياهم كلهم مسوين حفله يم راسي واني بالليل صار عندي ارق وماكدرت انام ومنا بجي عيوني حمر ومورمات.
تسحبت من الفراش كوه وهم اللتموا عليه بوستهم ورحت للحمام غسلت وطلعت شفت مها وعلا سلمت عليهم
هاا اشو مكلتوا راح تجون ؟
مها :شنو نرجع
علا :اشو تطرد هي ؟
جنه : لا ولجن بس جاي اسال
علا :اكو غيرج جايين على مودج
جنه :اوووو هم وصللكم
عفتهم ورحت للغرفه الجهال ممخلين شي ممنزلين بالكاع وموكعين الفون وهو جاي يشحن.
اجو وراي مها وعلا
علا : اششش هي شمسوين يلا طلعوا روحوا يم بيبي
طلعت الجهال واجت كعدت يمي على السرير.
مها واكفه بصف الدولاب ومنتجيه عليه واثنينهم عيونهم عليه.
هاا خير شبيكم لو انتوا هم متضايقين مني وتردوني اتزوج حتى تخلصون مني
علا : ولج محمد يكول خوش ولد
جنه :الله يخلي لامه خوش ولد شسويله خاف افگره وهم يروح مثل سامر
مها :ولج هذا كفر ميصير تكولين هيج سامر وفاته جانت قضاء وقدر لازم تؤمنين بهالشي.
جنه :امنت بالله بس مااريد اتزوج انخطبت واكتفيت وخلص
علا :تره حرام تسوين هيج سامر مات هذا حد يومه والموت حق وكلنه نموت
جنه :مو علمود شي بس حظي واعرفه ماراح يكعد.
مها :مو يمكن هذا قسمتج وسعادتج ويا ارضي بقسمتج ياعيني.
جنه : اي هذا هو خلص خلي يجي والله كريم.
علا :هذا هو يعني نكول لمحمد انت موافقه
جنه :اذا محمد كلكم هادكم عليه اي كلوله والله كريم.
وتحدد موعد الخميس يجي يشوفني.
_____________
*جهاد
جنت نايم بغرفتي ومطفي لضوء وحاط المخده فوك راسي واني متضايق واعاصير تجتاح روحي اضطرابات قويه وعدم استقرار بداخلي افكر بكلامي ويه محمد وقبولي بااخته بس حتئ ماالاقي مضايقات من اهلي تحدد اشوفها الخميس والله يستر
وانا على هالحال حسيت الضوء اشتغل صرخت بعصبيه منووو شغل الضوه اطلعوا بره مالي خلك احد.
سمعت صوتها الغثيث وعرفته بدون ماارفع راسي كالت اني جهاد اني عمتك كواكب
غطيت وجهي بالمخده وجاوبتها اطلعي بره
حسيت نبرتها بيها عصبيه وهي تجاوبني... ولك جهاد احترم نفسك
كعدت علئ حيلي واني اتنهد واني اخلي ايدي على راسي ..
...خير رايده شي
كالت اي اريد اعرف صدووك راح تخطب
وانت شعليج شنو هذا الفضوول
جاوبت بعصبيه
... انت واحد الله مطيح حضك ولك ليش تكرهني هسه اني حاجيه كايله
...والله لو انطيج مجال تنشريهه بالجرايد
.....ولك والله ماحاجيه
... ولج ياماحاجيه شوو انتي ماخليتي واحد ماكلتيله مرت جهاد انهزمت لا جيران لا خالات ولج بابا لمره الهه 3كلمات شلونك شلون صحه وكافي
مو انتي لوك لوك لوك.. لو انطيج مجال جان سويتي فلك
بس اني وياج وياج وين مجان اكدرلج وهسه يالله اطلعي باجر وراي دوام
... بس،صدوك جهاد راح تخطب؟؟
... مو كتلج فضوليه وتحبين تنقلين كلام...اي راح اخطب ارتاحيتي اطلعي وسدي الباب
شفتها تعصبت وركعت لباب بكل قوتها.
ومرض هاي عمه لو غضب
ورجعت اريد انام مااكدر صرت احسد الي ينام بدون هم بدون ماكو شي يضوجه ويفكر بي.
سحبت باكيت الجكاير وتسحبت من السرير بيأس كعدت على كرسي مقابيل السرير وبصف الشباك باوعت للجربايه وتذكرت فد مره جيت من البصره بغير موعدي المحدد. ومجنت مبلغ لرؤى بجيتي
فتحت الباب دخلت للغرفه شفتها على السرير وبيدها الموبايل موجهته لوجهه مثل الي فاتح كام
شافتني توترت وانصدمت غلقت التليفون بسرعه وكامت تمشي باتجاهي
جان عطرها يفح ولابسه كيمونه سوده وبيها نقشه فضيه على الصدر بنت لابسه قبعه.
وشورت كاوبوي.
...هااا حبيبي اجيت عبالي تتاخر ؟
تفحصتها ابتسمت واني اسرح بملامحها الجميله
...لا حبيتي مااكدر أتأخر عليج مشتاقلج أصلا متضايق من شغلي لان 15يوم بـ15 احس مقصر بحقج.
جاوبت بسرعه
..... لا بالعكس كوولش حلووو
استغربت من رده فعله رفعت حاجبي بااستنكار
...عاجبج؟؟
حسيتها ارتبكت..
..اءء لا حبيبي مو قصدي بس متعرف شكد اشتاق الك بهاي الايام واحس بقيمتك
تركتها واني اجلس على السرير ا اجتني صارت ورايه وحضنتني من وره
مااهتميت الها شفت موبايلها اشتغل ضوة دليل على وصول رساله...رفعت موبايلها لكن خطفت الموبايل بمهارة وسرعه كبيرة
سألتها ليش
كالت هاي اختي زهور عوفها اني اريد اقفله واراضيك حسيتك زعلت
قفلته وهي تقبلني بجرائه واحترافيه.
ضعفت كدام جمالها واخذتها بحضني .... ......
