احببتك وانت مش من نصيبي

البارت الثاني

" احببتك وانت مش نصيبي"
البارت2
أروى:واااك😖والله ماقريته😭عطيها سحيقه توا قالتلي😖
الرسالة(هلا اروى قاللكم الدكتور حكيم الباب الثالث خاش ف الامتحان قولي لسوسن.. رجاء)
اتصلت اروى بسوسن:صباح الخير حبي
سوسن:-ياهلا صباح النور😖خير من صبح ربي
اروى:الخير يجيك لكن المرة هذي مفيش خير
سوسن:خير شن فيه رورو😨
اروى:تو رجاء بعتت رساله وقالتلي ان الدكتور حكيم قال الباب الثالث خاش ف الامتحان😖
سوسن:عطيك سحيقه انتي وياها تو بش قلتي😱
اروى:تسحقك انشاالله تي حت اني تو كيف سمعت😒
سوسن:اصلا اني عنديش من ياخدني للكلية😢
اروى:علاش وين مؤيد
سوسن:مسافر
اروى:امممم باهي نفوت عليك
سوسن:لالاشكرا حبي
اروى:ايااااااااه ياسر براده وتي روحك شي نص ساعه ونكون عندك😒
سوسن بتردد:ووه باهي😖
اروى:باي
سوسن:باي
سكرت اروى ومشت دوشت وصلت الفجر ولبست بلوزه طويلة كحلا وسروال احمر ووشاح  زيتي وطلعت اتنوض ف هيثم
اروى:هيثم ياهيثم
هيثم وهو نعسان:تي كنك من صبح ربي
اروى:هيا سلم خويا وقت عالكلية
هيثم:بالله خطيني
كرم:هيا يوصلك معانا باتي اني ونور
اروى وهيا توشوش حت ميسمعهاش هيثم:اني سوسن تمشي معايا وانت مه تفوت ع صاحبك والسيارة متسدش
كرم:اه تمام
اروى عيطت:تي هيا هيثم😤
مردش هيثم
اروى مشت لامها فالكوجينه
اروى:صباحو ي حبي😍
سمية:يسعد صباح الحلوين😘هيا سلم بنتي نعطيلك تفطري
اروى قعدت عالكرسي:باهي هاتي لكن برا نوضي ولدك يوصلني
سمية مدلتتها طاسة القهوة:باهي تو نشوفه
سمية امشت ل هيثم :هيثم هيثم
هيثم:نعم يامي
سمية:برا سلم وليدي وصل اختك عندها امتحان لازم تمشي
هيثم وهوا يتكسل:باهي هي
ناض هيثم قعد يحك ف عيونه وفتح شاف الساعة لقاها 8:30 :ووه وقت عالعيادة😩
ناض دوش ولبس سورية سودة لاصقه على عضلاته😍ولبس سروال اكحل وبخ عطره😻🙈
طلع للكوجينه:صباح الخير
نور:صباح الورد ياورد😂😂😂
هيثم اشبحلها شبحة من فوق لتحت😒
هيثم:ها يابروو شن الجو
كرم:اهوا ماشي
اروى:تي هيا مش وقتكم امس كله معاك اني وقت عليا ونبي نفوت على سوسن قطع كلامها هيثم:نعم ننعم😤لاسوسن لامسعودة
اروى:خوها مسافر مفيش من يوصلها
هيثم:-بوها
اروى:الله يرحمه ليه تلات سنين متوفي
هيثم:الله يرحمه لكن متمشيش معانا 😠
سمية:على خاطري اني
هيثم راقله:خاطرك عزيز يامي هيا اركبي واتصلي بيها منقعدش نراجي وقت عالعيادة
اروى فرحت:حاضر
اتصلت بيها ومشوا ركبوا وطول الطريق مفيش من تكلم لحتى وصلوا لحوش سوسن
اروى:ننزل اناديلها
هيثم :متعطليش
نزلت ضبحتها ويمشوا يركبوا
سوسن:والله متحشمة من خوك
اروى:ضمي فمك هذا زي خوك
سوسن:ربي يحفظ اختي وخوها 😍
اروى:ههههه ويحفظك ليا
وامشوا ركبوا
ركبت سوسن وقالت:...

يتبع...