#ليالي-ايار
الجزء 26
بقلم ازهار ذابله.
بقيت حابسه نفسي بغرفتي وابد مانزلت مااعرف شنو من احساس بس احس اني السبب بكل شي وفعلا ماما عدها حق اني الي جبت وضاح واني الي انطيته فرصه يتحكم بينا ...
اسمع صياح وضاح وصوته العالي جداا يزعجني خاصتن هسه مااريد اشوفه ولا اسمع صوته ... شكد جنت احبه وماانكر لحد هاي اللحظه اني احبه بس اتغيير شي بداخلي انكسر شي وضاع حلم " تغيير وضاح بسرعه مو طبيعي ولا يمكن كل هذا التغيير بس لان طلبت منه نتفاهم وميخسر اهله وهو اصلا بعده يحب حور ليش يريد يزوجني حته ينساها ليش يستخدمني بس حته يقهر اهله وامي. .
اناني وميفكر بس بنفسه ...
ايااااار ايااااار وطرش اليطرشج متسمعين.
نعم استاذ اسمع شكووو ..
شنو شكو شو كل وحده راحت لغرفتها ومحد اتفكر هذا البشر يجوع يريد سم يتسمم ...
بيش الساعه هسه يله صارت بـ ثمانيه وكت عشه ..
اي عندي وكت عشه وهم متاخر يله بسرررعه اريد اكل ..
حاضر استاذ خادمه لحضرتك ..
اي فضيها ...
يارب يا اللهي صبرني ع هذا البشر معقوله اكو هيج ناس بسرعه يتغيرون ليش هيج وضاح انت اخر واحد جنت اتخيله هيج ... بس فدوووه لكلبه من يعصب يجنن يبوووو اني صدك ميصيرلي حل بعد مااكدر اتخلص منه هذا معشش بعقلي وقلبي ... سويت اكل ع السريع بس اريد اسد حلكه يصيح مخلانه نفتهم شي ..
اتفضل ازقنب ..
لج هذا هم اسلوب تحجينه ويه زوجج..
نعم منو ...?
اي بعد كم يوم ونتزوج لازم تتعودين تحترميني وتخدميني وانتي الممنونه ..
والله انت تحجي بكيفك اكول لا تحلم ..
هو منو الي يحلم اني لو انتي ..!
منو الجان يركض وراي ويدور بس راضي اني لو انتي!
منو الي اكثر من مره تعبر عن مشاعرها وبعدين تنكر منو الي خلتني اتغيير منو متجاوبين ...
شكراا ع كلشي وهذا الكلام ابد ما توقعت اسمعه منك بس انت صدك مثل ما كالــ..
كملي شكال هي البلوه كلها بالكال غير اعرف شكال ..
ماكو شي واني اسفه هذا الاكل واني اروح باجر عندي دوام كمل اكلك
وروح لغرفتك ولا تسوي مشاكل ويه ماما عليك بروح بابا اذا صدك اتحبه ..
وضاح اتعشيت ع كولت ايار اتزقنبت وطلعت من البيت كله رحت يم طارق مااريد اضوجهم ولا هاي اخلاقي بس مجبور اتصرف هيج لان تعبت منهم...
بس صار الصبح رحت لشركه عندي موعد ويه واحد يريد يشتري اتفقت وياه وكملت كل الاوراق ودفعلي مبلغ مقدم ومن اكمل اوراق الملكيه وتصير بأسمه يكمل المبلغ.
اول دفعه سدد بيها كل الديون بقه بس كم شخص ... احس نفسي خلصت من هم وبعد هم ثاني هو رياض وسالفته ومنو الي يريد يورطه وليش ...
رحت لـ اكرم المحامي واتفقت وياه انروح نشوف رياض حته نسأله عن رائد وشنو جان يسوي يمه ....
وصلنا لمركز الي موقفين بي رياض والضابط رفض نشوف رياض كال ميصير التحقيق ممخلص وبعد لازم كم يوم يله اتكدرون تشوفنه " بعد ما حجه وياهم اكرم ونقاش طويل يله خلونه نشوفه ...
دخلنا لمكتب وجابوا رياض سلم علينا وبدينه نسأله ...
اكرم : استاذ رياض تكدر اتكلنا كل الي اتعرفه حته نكدر انساعدك.
رياض : مااعرف شي بس اني والله مظلوم وهاي تهمه لفقوها اليه باطل.
وضاح : انت تعرفهم وتعرف ليش اتخلصوا منك واني هم اعرف بس اريد اسمع منك ..
رياض: هااا شنو تعرف ومنو كالك ..?
وضاح : مو مهم بس عرفت الشغل الي جنتوا انت ورائد ويوسف يعقوب تشتغلونه وهم اعرف انت شلون دخلت وياهم بس اريدك تحجي انت من جهتك ..
رياض : كذب كل الي حجوا الك كذب لا تصدكهم همه الورطوني وبعدين طلعوا منها سالمين ..
اكرم : يعني انت الك علاقه بيهم ..!
رياض : اني جنت اشتغل بشركه مستقله عن شركة جراح و يوسف شغلي جان مو هلكد يعني يوميه سالفه وتعب مليت وتعبت وهم الاواد كبروا وطلباتهم زادت واني ماعندي غير هاي الوظيفه الي تعبها اكثر من ثمرها ... جان رائد يشتغل عند يوسف واني اعرفه لان علاقت شغلنا مشتركه اني كل سنه اسوي جرد وتدقيق بشركة يوسف " قبل لا اعرف رائد وانكون اني وياه علاقه واتفاق اكتشفته يتلاعب بالسجلات وبالاوارق واغلب الارباح اتروح لـ حسابه الخاص جان مسوي نسبه من الارباحه اله ماخذها ومحد مكتشفه ...من كشفته انطرد من شغله " واني مااهتميت للحادث بس رائد مثل الشيطان ظل وراي لحد ما وكعني بفخه واتوسطتله يم جراح " وفعلا كدرت اقنع جراح يشغله وجان اتفاقنا شنو يحصله رائد من شغله اني وياه بالنص " اكتشفنا بهاي الفتره يوسف وهددنه اذا منفيده وهم انساعده حته يكدر يشارك جراح بمشروع احنا قنعنا جراح يفوت بي واحنا نعرف هذا المشروع فاشل وهو مجرد مشروع وهمي واحنا ساعدنا بي بس حته لا ننكشف .. ظلينا ع هذا وضعنا الى ان اجه اليوم الي انكشفنا بي وصارت المواجهه " جراح كشفنا وعرف الي احنا سوينا وقرر يشتكي علينا بس مجان عنده دليل ملموس لان كل الورق الي لكاه ضدنه كدرنا ناخذه " بس بيوم الي انقتل بي جراح اجاني اتصال من رقم غريب وكال جراح ينتظرك بالمكتب " ورحت وصارت مشكله بينا وجراح طردني من بيته وهددني يفضحني بكل مكان وميخلي بعد احد يتعامل وياي " و رائد "و يوسف " نفس الشي هم جايهم اتصال وطالب منهم يرحون لـ جراح " ..
وضاح: ليش محجيت من البدايه و رائد من اجاك شجان يريد منك ..!
رياض : رادني اتخلص منك لان كال يشكل خطر علينا وهم خايف منك تكتشف تلاعبه وتزويره ..
اكرم : تعرف نفسك متورط وياهم واذا حجيت هذا الاعتراف نكدر ناخذلك حكم اقل منهم وهم لازم كلهم يتعاقبون ع فعلتهم ..
رياض : ماعندي شي ضدهم واذا حجيت اني اوكع بيها ..
وضاح: لازم تحجي الحقيقه شوف روحك وين وصلت من وره الجذب والحرام ..
اكرم : مااكدر اساعدك واخلصك من قضية القتل اذا متعترف عليهم ..
رياض : خلص باجر احجي كل الي اعرفه بس اهم شي اتخلصون من هاي المشكله ..
المحامي رجع لمكتبه واني اريد اروح اخبث ع ايار وامها اذا مااخليهن يكرهن الساعه الشافني بيها ...
وصلت البيت بس بعدني اخلاقي ماتسمحلي ادخل بدون استأذان ..
اياااار وصلت سويلي طريق ..
- اتفضل ...
سلام وقبل لا تردن جوووعان وتعبان بسرعه اكل وانتي سجود ركضي جيبلي مي.
سجود : يدللوو وضوحي ..
ايار : حاضر. .
مرام : شنو هاي وضاح ليش هيج اتغييرت ...!
وضاح : انتي لا تدخلين خليج بدروسج واهتمي بنفسج وبعدين تفتهمون كل شي .
مرام : والله يا اخي مدا افتهم شي منكم .
ام ايار : لك هيييئ انت ابو الصخول لا تصدك روحك شوف انت هاي احلامك بعيده ..
وضاح : مرام بابا روحي خلينا وحدنا ..
مرام: اوك ..
ههههههههه تدرين منو يحلم واتعرفين الصخول الي تحجين وتسهزئين بيهم همه سوج مره وخلوج بيت وعندج سياره هاي اولا ً" وثانيا ً اتعرفين اخوج شنو طلع مصخم لو اتعرفين يمكن بعد متحجين ..
ـ ليش شنو مسوي رياض انت تعرف هو مو القاتل .
شلون متأكده وليش هو بس ع القتل نسيتي شي مهم رياض جان يختلس بأموال عمي هو ورائد "
ـ بسس.... بس ماكو عندك دليل ...
باجر هو بنفسه يعترف ويصير اكو دليل ...
ـ لك انت شتريد ...?
اريد اعرفج قيمتج الحقيقيه واريدج اتعرفين اني جنت ساكت احتراماً لذكرى وفاة عمي بس بعد اذا تتمادين اتعرفين شنو الي اسوي ....
سجود :هذا الماء يااخ العرب .. وضاح:بطلي سوالفج .. ايااااااار وين السم .
ايار : هذا السم اتسمم..
وضاح : رحمه لوالديج .
يارب بس انت الي تعرف حالي خلصني يا اللهي ..
وضاح : شنو تحجين مااسمعج ..
ايار : ادعي ربي لو هم ممنوع.
وضاح : هههههههه لا تخافين مابقه شي ع زواجنا بعدج خايفه متزوجج ..
ـ خلص انت شنو شايف نفسك ...!
مشايف شي بس باجر اني طالع بعيد وشي ثاني الشركه بعتها .. وخلال هاي اليومين ابدي شغل جديد ..
ـ واني شكو احترك انت والشركه ..
كافي ايار اكسري الشر والله تشوفين شي ميعجبج ....
شتسوي بله هو انت جبان تعرف شنو يعني جبان "
مااعرف شلون شمر الاكل من كدامه ومااحس غير واكف اكبالي وجرني من شعري ودفعني ع القنفه وصار قريب حيل مني اني اتجمددت وظليت ساكنه واخواتي وامي بس اسمعهن يدفعني بي اتقرب من اذني وصرخ ....
اني اعلمج منو الجبان ...
ام ايار : مجنون اطلع برا يله برا ..
يتبع ...
بنات اليوم دمجت بارتين بواحد وان شاء الله باجر النهايه .....
أنت تقرأ
ليالي ايار
Romanceقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
