حليمه💪

بدايه متأخره

انتهه هذا الموقف الي طلعو منه الخوات حليمه وليال👭 كل وحده متخشن خاطرهه
لان( ليال) حست بحليمه كاعد تعيرهه ب الملابس والمصاريف
و(حليمه) الي حست بليال تنتقدهه ع طريقه لبسهه وحجيهه وتعتبرهه دون عن اخته(جوان)
.................. .  ..............

مرت الايام وماكو جديد بحياه بطله القصه *حليمه*
لحد ما قررت تفاتح اهلهه بشي هيه قررته
وهمه كاعدين ع العشه
..

حليمه اريد اكللكم شي
اني اريد اتعلم القرايه والكتابه كالت هاي الجمله وجانت بيدهه قطعه خبز زغيره اثلم بيه للطيور
(لان من عادته وره متخلص اكل شكو خبز اثلمه للطيور مالتهه)

✴:عجوز اله شويه 😂✴

ضحكت اخته ليال وغطت ضحكته بايدهه وضلت اسوي حركات استهزاء باخته
والام ضلت صافنه وجوان كالت اي خيه واني اعلمج..
واعتبريني حاضره من هسه

✴✴✴✴✴✴✴
الام👵 خوش خبريه يا يمه احسلج حته تقرين قرآن شي شياتي احسلج من الراديو
اني صح غلطت ومادخلتج مدرسه بس جانت ضروف ابوج الله يرحمه موهلكد وماعدنه وصدكو عشنه ب العوز
ولحد ما امه ماتت وفرهدو ورث امه وبقوله نتفه اشتره هذا البيت وهذا كل حلالنه ومالنه اي يمه ماريدج اضلين ع الخبز والحفافه ادرسي وتعلمي تنفعين روحج صح بدينه متاخرين
بس اسعى ياعبدي واني اعينك وخياتج وياج
...
قاطعته ليال ولله اني بره هاي المهزله ماضلت بس اعلم حليمه الف باء تاء
اني وجوان عدنه امتحانات ماكتلج ماما بتج جوان المصونه تريد ماتمتحن وتكعد ويا حليمه تساعدهه بمصرف البيت
...
😠باعلهه خواته بغضب رادو يسكتوهه حجت كلشي بخبث
ومتقصدهه تهين حليمه
ومن شوكت عيوني تردين ادرسين حته جنسيه ماعدج

الام// اششش لا بارك الله بيج لسانج ينكط سم اكعدي عدل وحاجي خيتج اني موجوده تره ليال لا عبالج اسوكين ع الوضعيه

وتكولين كبرت ليال اسمعيني لو تغلسين صح مشيت وياجن ب السوالف بس تره بعدني بيه شويه حيل ولتخلني امد ايدي
واذا سولفت وياجن وحلينه مشاكلنه وتراضينه مو معناها ماكدر استعمل اسلوب غيرهه

ابد مامديت ايدي ع وحده لان ماشفت الزله
تجين ع النعمه تقللين من اختج لا ما ارضاها لا عليج ولا عليه
....... ....

سويت البارت مو طويل
والبارت الجاي بي احداث ان شاء الله تعجبكم
😚😚😚😚