خل اعرفكم عله نفسي
اني اسمي ساره من بغداد .. شعري طويل بني مربربه عمري 17 سنه وطولي 165 اني سادس علمي احيائي عائلتي متكونه من
امي( شرين ) : ربت بيت
ابي (علي ) : دكتور قلب
اخي (سجاد ) : كليه مرحله رابعه
اختي ( حواء):ثالث متوسط
ماماتي عمرهه 40 سنه وباباتي عمره 42 سنه
واخي عمره 21 سنه
واختي عمرهه 15 سنه
يله خل نبدي
في الصباح 😘
رحت للحمام اخذت شاور وطلعت لبست صدريه رصاصيه و قميص وردي وشال رصاصي وحذاء وردي ونزلت جوه
ساره : صباح الخير
الجميع : صباح النور
امي : يله حبيبه امج تعالي تريكي وروحي للدوام لتتاخرين
ساره : جايه ماماتي 😘
طبعا اني ما اتريك بس اشرب نسكافه واطلع للدوام
ساره : ماما اني رايحه
امي : الله وياج ماماتي 😘
بابا : يله ساره حبيبتي اتأخرنه حته اوصلج واروح اليوم عندي شغل
ساره : اي باباتي جايه
طبعا هذا روتيني اليومي 😘😍
صار الامتحانات النهائيه
ساره : يله نور اتاخرنه خل نطلع للبيت
هسه رح اتكولون منو نور هسه رح تعرفون منو نور
هلاو اني اسمي نور عمري 17 سنه بشرتي بيضه وعيوني عسليه ومربربه وروحي وعشقي وصديقتي وتوام روحي ساره
هااا عرفتوهه 🤔
نور :اي جايه حبي يله نطلع
ساره : اليوم اخر يوم امتحانات ارجع انام تعبانه
نور :اي والله اني هم
ساره : رجعت للبيت اسمع صياح وعياط شكو شصاير اشوف الدنيه مخبوصه يمه احجيلي اشصاير
طبعا اخويه روحي من الدنيه اذا صار بيه شي امووت
امي :يمه بنيتي اخوج داعم واحد بسيارته واحتمال يموت واخوج اخذوه للسجن شوفي شوكت يجون اهل الولد ونشوف شيردون يله نكدر انطلعه
ساره : اني هم كمت ابجي واصيح بعدين مسحت دمعتي وكمت اهدأ بامي
ساره : يمه لتبجين ميصير شي انشالله تنحل
نجي لاهل علي
اني اسمي علي عمري 27 سنه مدرس رياضيات مكمل بشرتي بيضه وطولي 188 ومعضل واهلي يحبوني واذا اضوج الحجايه متصير اثنين عائلتي
امي ( زينب ): ربت بيت
ابي (حسام ): شيخ عشيره الي هوه اكبر واحد بل عشيره
اخي (احمد ): كليه مرحله رابعه
اختي ( نسرين ) : طالبه سادس علمي احيائي
علي : الصبح جنت طالع ابويه اتصل عليه
خلي انكول باساميهم تقبلون لو لاا🤔😘
حسام : يابه علي الحكني اخوك اندعم بل سياره
علي : طبعا اني اخويه عمري وروحي وكلشي بيه احس روحي دخت بسرعه صعدت بسيارتي وابويه انطاني عنوان المستشفى ورحت
ضلينه ننتضر الدكتور 😐😭
علي : بشر دكتور 😢
الدكتور : اسف مكدرنه نسوي شي الضربه جانت قويه
علي : صرت عصبي وكلت الابويه يابه
حسام : ها يابه 😢
علي : رح اسويهه كعده باجر
حسام : انشالله 😢
نجي ثاني يوم
علي : فكرت اخذ فصليه واله ادمر عيشتهه
يابه
حسام : ها يابه
علي : اني قررت اخذ فصليه
حسام :انشالله انشوف شيصير
اجوي الشيوخ
نروح العائله ساره
ابي : عيني ام سجاد رح اخذ العشيره ونروح نشوف شيطلبون
امي : انشالله بيهه الخير الله وياك 😢
ساره : يابه من توصل اتصل علينه ليضل بالي عليك 😢
ابي : انشالله يابه
طبعا احنه مكلنه وين عايشين اهل علي 🤔
من اربيل
علي : يابه صوت سيارات امكن وصلو
حسام : اي يابه اني طالع اشوف
طبعا كعدو وحجو بل موضوع وعلي كال يابه اني اطلب ابوه كال تفضل
علي : عمي احنه بلبدايه ردنه دم بل دم بعدين كلت اخذ منك 50 مليون وفصليه
ابي : اني اهنا انصدمت انطي بناتي فصليه
عمي اشكد متطلبون فلوس عله راسي وعيني بس فصليه ماكدر انطي بنتي فصليه
علي : لعد ناخذ دم بلدم
ابي : لا عمي هذه هوه جم يوم تردون جواب
علي : 3 ايام والجواب واذا منطيتونه جواب ابنكم يروح من ايدكم
ابي : لا عيني هذه هوه يله اني اترخص
علي والاب : الله وياك
نرجع الاهل ساره
ساره : ها يابه اروحلك فدوه احجي شصاير اي شي يردون اسوي بس كول 😢😭
ابي : باباتي يردون شي بس ماكدر اسوي 😢
ساره : بابا الله يخليك كول
ابي : يردون فصليه
اني اهان انجمدت بمكاني رجلي مااكدر اشله
كلت اكيد اني لازم اروح ماكو احد غير اذا حواء صغيره كلت باباتي اني قابله اروح
ابي : يابه شون اخليج ترحين واني شمعه البيت ترحين ينطفي مااكدر بونج باباتي 😢
امي : يمه بنيتي تروح خدامه عند الناس لا يمه مترحي 😢
ساره :لا يمه اروح لاحسن من ما اخويه يموت 😢
هاي نهايه البارت الاول عذروني ماكدر تعبت 😆😅
