لستُ مشوه القلب .....بقلمي / مايا هيثم

الفصل الخامس عشر

  عاصم بصدمه و سعاده : ازاي ؟؟ ازاي متجوزتش بعدي .. اومال الولد ده من مين ؟!
فردوس ببساطه : منك انت ..
عاصم ب شك : انا مش عيل صغير و لا برياله عشان تضحكي عليا ب كلمتين يا حجه .. ازاي عايزه تقنعيني ان بعد خمس سنين من انفصالنا اجي الاقيها جايبه ولد و تقوليلي مني .. الي يخلي واحده تطلب الطلاق من جوزها بشكل غير منطقي .. يخليها و لا مؤاخذه تعمل حجات تانيه ..

تقصد ايه ب تعمل حجات تانيه دي ؟!
كان هذا صوت سلا من خلفهم .. بعد ان استمعت لحديثهم الاثنين ..
عاصم ب سخريه : والله انتِ ادري يا مدام سلا ..
سلا و هي توجه حديثها ل والدتها : لو سمحتي يا امي خليكِ مع عاصم عشان مينزلش..
و من ثم ..
سلا ب شجاعه : لا بص بقا .. انا محبش حد يشكك فيا او يقلل من قيمتي .. ثم مش انا الي جيت و قولتلك ده ابنك و لا فرضته عليك .. انت الي جيت و سئلت ..
امسك عاصم سلا من ذراعها بشده و غضب : صوتك ميعلاش عليا انتِ فاهمه .. و بعدين يا مدام يا محترمه ايه الي يخلي واحده تطلب الطلاق من جوزها مره واحده ..
سلا و هي تنزع يدها من بين قبضته بقوه و من ثم اردفت ب الم : عشان كنت عايزه احميك ..لو مكنتش بعدت عنك كانوا هيأذوك .. كان لازم اعمل كدا ..
عاصم : هما مين دول الي كانوا هيأذوني ..
سلا : الي اسمه ابويا و الراجل الي كان عايز يجوزهولي ..
عاصم : طب و لو فرضنا ان الكلام الي قولتيه حقيقي .. مجتيش و قولتيلي ليه ؟!
سلا : مكنتش عايزه ادخلك في مشاكل انت مش قدها و لا حملها بسببي انا .. و تكرهني ..
عاصم ب استهزاء : و ده علي اساس اني دلوقتي بحبك..
ابتلعت سلا غصه في حلقها و من ثم اردفت ب حزن و الم : عاصم انا عارفه اني جرحتك بس كان صعب عليا اني اشوفك بتتأذي و بسببي .. و لو كان حصلك حاجه مكنتش هسامح نفسي ..
عاصم : هعمل اني مصدقك .. بس الحاجه الغير منطقيه انتِ ليه متجوزتيش مع انك اتطلقتي اساساً عشان تتجوزي ...
سلا : مات ب سكته قلبيه بعد شهرين من انفصالنا .. لان مراته اخدت منه كل حاجه .. خلته علي الحديده ..
عاصم : طب و الحج اسماعيل فين .. محدش سمعله حس يعني ..
سلا : هربان او مات الله اعلم بقاله ٤ سنين مختفي .. لان الحكومه بتدور عليه ..
عاصم ب سخريه : خد الشر و راح ..
سلا ب حزن و هي تمسك ب يده : سيبيك منهم كلهم يا عاصم .. انت سامحتني ؟!
عاصم بجمود و هو يزيح يده : انتِ جرحتيني يا سلا و ده شئ مش سهل ..
سلا و الدموع بدأت تترقرق في عينيها : عاصم انا اسف .. بس والله مكنش في قدامي حل غير كدا .. والله انا كنت بتعذب الف مره من غيرك ..
عاصم : خلاص يا سلا الاوان فات علي الكلام ده ..
سلا ب حزن : طب و ابنك يا عاصم ..
عاصم : انا هعمل تحليل Dna و لو ثبت فعلاً انه ابني اكيد مش هسيبه ..
سلا ب ابتسامه مُتألمه : انا مش بكذب عليك .. بس براحتك .. بس ابني محدش هياخده مني ..
عاصم ببرود : سيبي الكلام ده لما اتأكد ..
سلا : براحتك ..
اتجه عاصم الي الخارج .. و بمجرد ان اغلقت سلا الباب خلفه .. جلست تبكي ب مراره و الم ..
رأتها فردوس .. جلست بجانبها و من ثم اخذتها ب احضانها : مالك بس يابنتي ؟!
سلا من بين بكاءها : مش مصدقني يا ماما .. عاصم بقا بيكرهني ..
فردوس ب تحسر علي حال ابنتها : حسبي الله و نعم الوكيل فيك يا اسماعيل .. كل الي بيحصل ده من تحت راسك ..
سلا ببكاء : انا بحبه يا ماما .. بحبه بس هو مبقاش يحبني .. عاصم كرهني ..
فردوس : بس يابنتي اهدي و ان شاء الله كل حاجه و ليها حل ..
ابتعدت سلا عنها و من ثم اردفت : تفتكري انه ممكن يرجع يحبني تاني ؟!
فردوس : هو مكرهكيش اصلاً يا هبله ..
سلا ب لهفه : مين قالك ؟!
فردوس ب ابتسامه : هو الي قالي ..
سلا ب لهفه : بجد يا ماما !! يعني عاصم لسه بيحبني ..!!
فردوس : ايوا يا اخرة صبري .. بس هو اكيد مش هيقولك علطول .. لازم يبقا في عتاب الاول ..
سلا و هي تنهض : يارب يا ماما يرجعلي تاني ..
فردوس : ان شاء الله ترجعوا لبعض تاني ..
سلا : امين يارب ..

_______________________

في معمل للتحاليل ..
عاصم بجديه : عايز اعمل تحليل Dna ليا انا و ابني ..
الطبيبه ب جديه : طب فين العينه ؟!
عاصم ب تساؤل : العينه بتبقا عباره عن ايه ؟!
الطبيبه : العينه ممكن تبقا خصله شعر .. عينه دم .. بس بشرط ان تبقا العينتين من نفس الجنس .. يعني لو خصله شعر يبقا منك و من الي عايز تعمله التحليل .. و هكذا ..
عاصم و هو ينهض : طيب العينات هتكون عندك كمان ساعتين ..
_______________________
في منزل سلا ..
كانت سلا تجلس ب صحبه عاصم يشاهدون فيلم كرتون ..
بينما سلا كانت شارده .. تفكر في طريقه لتُرجع بها عاصم من جديد ..
عاصم : جرث الباب بيلن انا هفتح ..
لم تسمع سلا جرس الباب ..
نهض عاصم و فتح الباب ..
كان الطارق عاصم ..
الطفل ب سعاده : عثعثوتي ..
حمله عاصم و طبع قبله علي وجنته قائلاً : عامل ايه ؟!
الطفل : من انت ثئلتني الثؤال ده من ثويه ..
عاصم : ماشي يا لمض ..
و من ثم اردف : شعرك عاجبني اوي ..
الطفل : ما انت عندك ثيه ..
عاصم : هو انت مفيش حد يسلم من لسانك ابداً ..!!
الطفل : لا ..
عاصم : اممم .. طب عقاباً ليك بقا ..
اخذ عاصم خصله من شعر الطفل
الطفل ب الم : اي بتوجع ..
عاصم : ما انا عارف .. و كل مره هتضايقني هعمل كدا ..
الطفل : لا خلاص ..
انزله عاصم و من ثم اردف : انا هروح الشغل بقا عايز حاجه ؟!
الطفل و هو يهز رأسه نافياً : تؤتؤ .. مث عايث حاجه ..

كانت سلا تراقبهم من بعيد .. و تعلم ما فعله عاصم ..
ابتسمت ب الم قائله : مش مصدق انه ابنه ..!!
اغلق الطفل الباب و من ثم ذهب الي امه قائلاً : ماما .. مسلمتيش علي عاثم ليه ؟!
سلا ب تنهيده : مره تانيه ..

_______________________
بعد ساعه في معمل التحاليل ..
اعطي عاصم للطبيبه الخصلتين ..
الطبيبه : بكرا ان شاء الله النتايج هتطلع ..
عاصم و هو ينهض : طيب .. اول لما تطلع بلغوني ..
_______________
في المساء ..
كانت سلا تدثر عاصم في فراشه ..
سلا : نام علطول ها ..
و من ثم همت بالنهوض لولا ان ..
عاصم : ماما ..
سلا : نعم يا حبيبي ؟!
عاصم : عاثم يبقا بابا الي كان مثافر ثح ..
صُعقت سلا مما سمعته .. ايعقل ان اخبره عاصم ..
سلا : عرفت منين يا حبيبي ؟!
عاصم : ثمعتكوا و انتوا بتتكلموا ..
سلا ب توبيخ : مش عيب كدا يا عاصم ..!
عاصم : انا مكنث قثدي اني اثمع .. بس و انا لايح اثلب ثمعت ..
سلا ب تنهيده : ايوا هو ..
عاصم : طب هو محضنيث ليه لما رجع ؟!
سلا : حضنك !!
عاصم ببراءه : انا بشوف لما حد بيبقا بيبقا مسافل و بيلجع بيحضن ابنه هو محضنيث ليه ؟!
ابتسمت سلا ابتسامه صغيره علي براءه ولدها الذي لا يفقه شئ بعد ..
طبعت قبله علي وجنته قائله : معلش هيبقا يحضنك ..
عاصم : ماما ..
سلا : و بعدين معاك .. ها عايز ايه تاني ..
عاصم : غنيلي الاغنيه الي انتِ بتغنيها ..
سلا : طب خش شويه ..
تمددت ب جانبه و من ثم اخذته بين احضانها و يدها تعبث في شعره ..
كان يا ما كان
كان في عصفور
قلبه صغير .. ريشه قصير
حلمه يرفرف بره السور ..

_______________________
في صباح اليوم التالي ..
في الساعه الثامنه صباحاً..
كان عاصم ما زال نائماً..
اوقظه صوت الهاتف ..
اجاب عاصم بصوت ناعس : الوو ..
المتصل : حضرتك عاصم باشا الدمنهوري ؟!
عاصم : ايوا انا .. مين معايا ؟!
المتصل : احنا معمل *** للتحاليل ..
اعتدل عاصم في جلسته و من ثم اردف : النتايج طلعت ؟!
المتصل : ايوا يا فندم ..
عاصم ب ترقب : طب طلعت ايه ؟!
المتصل : النتايج طلعت متطابقه ..
توقع عاصم ذاك الرد ..
عاصم ب جمود : طيب ابعتلي التحاليل علي العنوان الي هبعتولك دلوقتي ..

_______________________

في منزل سلا..
كانوا يجلسون ثلاثتهم يتناولون الافطار ..
سلا ب نفاذ صبر مع ذاك الكائن العنيد ..
سلا : ابوس رجلك يا شيخ اسمع الكلام مره واحده في حياتك ..
عاصم ب عند : لا يعني لا يا ماما مث هثرب لبن يعني مث هثرب ..
فردوس : خلاص يا سلا سيبيه لغايت لما ابو رجل مسلوخه يجي ياكله عشان مش بيسمع الكلام ..
عاصم : يا تيته الكلام ده بقا فاكث .. شوفوا حاجه جديده ..
فردوس ب شهقه : ولد ..
سلا ب قهقه : الله يخربيت لسانك الي اطول منك ده ..
ثواني و وجدوا احداً يطرق الباب ..
عاصم : هفتح انا ..
سلا : لا اطلع البس عشان نروح القاعه و انا هروح افتح ..
فتحت سلا الباب ..
وجدت عاصم مستند ب يده علي الحائط ..
سلا : عايز حاجه يا عاصم ..
عاصم : جاي اخد ابني ..
سلا : مستحيل ..
عاصم ببرود : والله ده ابني و انا الي اقرر ..
سلا ب انهيار : ارجوك يا عاصم انا مقدرش اعيش من غير ابني ..

عاصم بعد تفكير : يبقا نتجوز ...