اسعد الله مسأئكم احبتي
احلام منسيه
البارت الخامس
أرى عيني تحن لمن تحب
وقلبي كله حب و ود
أيا رحمن فاجمعنا جميعًا
بدارٍ كلها أنسٌ وسعد
بقومٍ لانملّ لهم حديثًا
صفات الخير فيهم لاتُعد حفظكم المولى أينما كنتم ووهبكم دعاءً لا يُرد وباب خيرٍ لا يُسد وعافيةً ليس لها حد ..
اللهم أفرح قلوب أحبتي بما يسرهم ..وأبعد عنهم مايضرهم .. ويسر أمورهم .. واجمعني وإياهم ووالدينا وذرياتنا وأحبابنا والمسلمين في جنةٍ عرضها السموات والأرض أعدت للمتقين ..
يومكم ملؤه الراحة والسرور احبتي
من القلب للقلب
جمعة مباركة
الحكايه قيد الكتابه
قصص عراقيه :
اتاكدت انو أبو نرمين انقتل وإلي قتلوا آغا وربعه وطلعت من بيتهم واني ضايج واعرفت انو مصيري مثل مصير أبو نرمين....واني دا أمشي وأفكر وأحس واحد طخني بجتفه وكعني بالكاع ورفعت عيني لكيت هاوري إبن الأغا
هاوري : أستاذ سالمين اشو تمشي ومتشوف دربك
علي: آسف أخي ما متقصد
هاوري: تقرب لستاذ علي ويهمس بإذنه عيب تروح لبيت مابي زلم هاي مو من شيمت رجال
علي: هاوري شنو هذا الحجي شنو تقصد....واني كمت وكفت وما اشوفه إلا يدفعني بقوه وهم يوكعني ويصيح آخر مره أشوفك طب لهذا البيت
قصص عراقيه :
وجان يروح واني مقهور واكف على حيلي وأشوف نرمين تجي ركض
نرمين: حبيبي شبيك
علي: أني اباوع عليها ومتعجب نرمين شنو كلتي باوعت عليه وانهزمت ركض وأني من فرحتي مجنت أعرف شسوي إلها....شويه وجان أني همين جنت أركض للبيت من الفرحه وراها ضليت كاعد بل الباب وكمت ااشر الها الله وكيلكم مراهق 😁ولاحظت هيه هم أشرت لي والي افتهمته منها تكول تعال لبيتنه وأني وراها رحت للبيت وحلقت لحيتي وسبحت
قصص عراقيه :
وتحضرت بلكت أشوفها من قريب ونتكلم وبعينها أشوف....صارت دنيه ليل وطلعت بره أتابع لكيت واحد من طرف بيت ديراقبني اتعجبت انو يراقبني لو يراقب غير واحد تمشيت عليه جان أروح لكيته منهزم كلت شلي شغل بالناس ورجعت رحت على بيت نرمين دكيت الباب وفتحت الباب نرمين الي وكفنه بالطارمه كلتلها احبج وهي متجاوب صافنه بعيوني أم نرمين صاحت
أم نرمين: نرمين منو
نرمين: أستاذ علي اجا وتباوع عليه وتبتسم
أم نرمين: هلا بي خلي يطب بنتي
نرمين: أي ماما تفضل علي
علي: أي خلصنه من أستاذ شكد حلو إسمي من يطلع من حلكج.....طبينه جوه
أم نرمين: هلا خاله شلونك وليدي سمعت إبن الأغا متعارك وياك
علي: لا مو عركه سؤ تفاهم
