رانيا:ماني العشاء راو واجد
خديجة:ممممم الريحة تشهي
قعدت رانيا و جدتها فوق الطابلة يتعشاو
رانيا:ماني راني رايحة نبدا نحوس على خدمة باه نعاونوا رواحينا بيها
خديجة:نن بنتي متعدبيش روحك مزالي مخبية شوية دراهم ملي كان يبعتهوملي باباك
رانيا:ماني بصح.....
خديجة:شششش متخلينيش نزعف منك
ماني:خلاص كيما تحبي
كملو العشاء .رانيا غسلت لماعن ومبعدا طلعوا يرقدو كل واحد في شمبرتو
نعرفكم على البطلة نتاع الحكاية رانيا 19 عام قصيرة مهبولة ههههه شعرها قصير ماغون عينيها عسليين لون بشرتها خمري يعني ماسمرة مابيضاء هي الوحيدة عند والديها تربات مع جدتها خديجة اللي كانت بمثابة أمها و بوها وأختها وكلشي عندها تحكيلها كل اسرارها مايخفى والو عن بعضاهم والدين رانيا كانو خدامين ملي يخرجو فالصباح حتى يرجعوا فالليل لدارهم وكانت رانيا تخرج معاهم تروح عند جدتها تبقى معاها حتى يرجعوا من الخدمة يجوزو عليها تروح معاهم لدارهم وكانت دار جدتها على شط البحر بناتهالها جدتها كيما حبت هي كانت كل ذكرياتها فهاذ الدار.كانت رانيا حياتها كلها روتين كيما حكينالكم من قبيل حتى جاء النهار لي والديها جاتهم خدمة لفرنسا اما رانيا محبتش تروح معاهم خيرت تبقا تعيش مع جدتها اللي مستحيل تفرط فيها كيما كان الحال والديها باعو دارهم و خلاوها عند جدتها وطلعو لفرنسا و كان عمرها تماك 16 سنة والديها بقاو ديما يبعتو ليها ولجدتها الدراهم جازو عامين و هوما فديك الحالة حتى انقطعوا الاخبار عن والديها و مولاوش يبعتولهم الشهرية aucun contact بيناتهم. كيما كان الحال جدتها باعت الدهب نتاعها بلا متخبر رانيا.دخلت رانيا للفاك وصار عمرها 19 عام
خديجة: رانيا نوظي راهم يصونيولك في tlfn
رانيا:ياربي شكون راهو يعيط
مريم:الو رانيا وشراكي
رانيا:بفففف ملقيتي وقتاه تعيطي خليني نحلم شوية
مريم:ياربي ديما راقدة تحركي شوية قريب تمرضي بالبواسر تالمو تقعدي بزاف خخخخه
رانيا:ههههههههههه في راسك نشاء الله
مريم:lsl عيطتلك باه تجي تباتي معاي. توحشتك قولي لمانيك تخليك stp
رانيا:خلاص مبعدا نقولها بيزو💋
مريم:موااااح👄
رانيا كملت رقادها وناظت فالعشية لقات جدتها وجدت العشاء
رانيا:ياعمري على ماني شحال شاطرة
خديجة:مخساراش في بنتي
رانيا:ماني معليش نسقسيك
خديجة:راني نسمع
رانيا:صحبتي مريومة عيطتلي نروح نبات معاها معليش.......
خديجة:معليش روحي بلهي على روحك
رانيا:معليش سمانتين
خديجة :خوذي راحتك
رانيا:ربي يخليك ليا
تعشاو ناظت رانيا غسلت المواعن كي العادة وراحت توجد حوايجها وطاحت رقدت
رانيا:صباح الخير ماني
خديجة :صباح النور
رانيا:راني رايحة ماني ادا احتجتي كاش حاجة قوليلي
خديجة: اوكي اتهلاي في روحك
ناظت خديجة عطاتها الدراهم وودعتها وراحت.رانيا كانت بزاف فرحانة كي راهي رايحة عند صاحبتها .اما خديجة كانت تخمم كيفاه تجيب الدراهم باه تعيش هي ورانيا .خممت تخدم بصح صحتها متسمحلهاش بهاد الشيئ.
___________
فالجيهة الاخرى نعرفكم على سامي
22سنة طويل ابيض شعرو ماغون عندو اللحية وعينيه نوازات (ملخر بقلاوة هههه) يتيم الام باباه عاود الزواج وخلالو ورث كبير عندو شركة كبيرة راهو يخدم فيها.
كان يدير الفوتينغ على شط البحر .الكيتمان في ودانيه
سامي:بفففففف المرة الثانية لي نخرج ندير سبور ومنجيبش معاي قرعة ماء اف كيفاه راح ندير دوكا راني ميت بالعطش دور a droite و زاد a gauche حتى شاف دار من بعيد راح يجري ليها ويدعي يلقا
فيها السكان
خديجة: هاذي ماتكون غير رانيا sur نسات حاجة
راحت تفتح حتى تلقا طفل
خديجة:مرحبا بيك وليدي😊
سامي:مساء الخير الحاجة .سمحيلي ديرونجيتك بصح معليش تعطيني شوية ماء راح نموت بالشر
خديجة:على العين والراس تفضل ادخل
دخل سامي وبقا داهش فالدار كيفاه simple و باهية
خديجة:تفضل وليدي
سامي:يعطيك الصحة يما
خديجة:واقيلا عجبتك الدار🙄
سامي:الله يبارك شابة بزاف
خديجة:تديها؟
سامي:الحاجة منك بصح خسرتي عليها ودوكا آكي رايحة تخليها
خديجة:الله غالب الظروف واش تدير راني محتاجة الدراهم عليها
سامي:و كي تبيعيها وين تروحي
خديجة:ارض ربي واسعة.المهم ادا عجبتك اديها ونعاونك فالسومة
سامي: ايه نشريها بصح متنقصيليش فالسومة ادي حقك
خديجة:مالا من اليوم راهي دارك تسكنها بالصحة والهنا
سامي:ومن غدوة الدراهم يكونوا فحجرك غدوة نروحو نسينييو
خديجة:خلي دراهمك عندك اعطيني 15 بالمية منهم برك
سامي:مفهمتش
خديجة:كي تجي بنتي اعطيها الدراهم الباقيين وقولها سمحيلي كل هذا لمصلحتك
سامي :وهي معلابالهاش
خديجة:نو بصح كي تجي فهمها
سامي:معليش متقلقيش روحك
المهم جازت سمانتين و خديجة راحت مابان عليها حتى خبر
سامي مابدل والو فالدار خلاها كيماراهي بيسك عجبتو. ناض سامي راح للخدمة ومبعد رجع دار فوتينغ ومبعد دخل دوش وطاح كاو فوق الفراش😂
_______
رانيا:بفففف مريم الله لاتربحك خليتيني نرقد mlg قولتلك نوضني على 16 ودوكا راهي 19
مريم:البروبلام فيك صح ترقدي الدنيا تدربيها بكودبيي
رانيا:ايا باي انا نروح ماني راهي سير مقلقة عليا
مريم:باي حنونتي tlfn بيناتنا❤
راحت رانيا وبقات تستنا فالبيس بسيف باه جاء
رانيا:مجاش وكي جاء تقول كوري نتاع بقر
الروسوفور:سوري مدام وش قلتي
رانيا:مبقاليش همك نتا تاني وصلت وبقات تمشي بيسك الدار isolé حتى وصلت وكانت الظلمة.بقات رانيا تصوني فالباب والو زادت ولات تطبطب كيف كيف والو. فتحت الساك جبدت المفتاح دخلتو محبش يدخل دخلت دخلت والو تقلقت بزاف وحارت جاتها une idée باه تدخل من الطاقة .
راحت من الطاقة نتاع الكوزينة صوطات صوطات مي موصلتش خخخخخ
رانيا:بففف يعني واش فيها لوكان كنت طويلة شوية .
رانيا بقات تحوس على لحجر حتى لقات حجرة كبيرة راحت هزتها ماشية وتكركر في روحها (ثقيلة عليها🤣) حطتها وطلعت فوقها حلت الطاقة ودخلت لقات كلشي مطفي زادت حارت بيسك جدتها جامي تطفي الضو طلعت حطت حوايجها بدلت عليها وراحت لشومبرت جدتها حلتها دخلت لقات واحد مغطي وراقد عرفت بلي جدتها راقدة محبتش تديرونجيها وتنوظها. هبطت راحت الكوزينة تاكل الخطر واليابس ههههههه قتلها الجوع حتى سمعت جدتها هابطة فالظلمة راحت تخبتلها وسوطات عليها تحضن فيها وتبوس
رانيا:ماني زيدتي طوالتي و لوكان تعرفي شحال توحشتك😚
سامي:سملرحمرحيم😮من انت من اين اتيتي من يدعمكي 😫
رانيا:ااااااااااااااااا
ولات تعيط وتضرب فيه
بدا سامي يعيط ويسب فيها حكملها يديها لزوج وزير عليهم.
رانيا بدات تعض فيه ههههه
سامي: حبسي وشبي ر**** شكون قالك ادخلي لداري
رانيا:هههههه عاود عاود دارك ههههه من وقتاه😂
سامي:عليها قريب سمانتين ملي ولات داري يا لالة
رانيا:هههه والله ماني قادرة لتمسخير نتاعك خليني نروح نرقد خير وديجا ويني ماني
سامي:جداتك؟
رانيا:ايه والله تكون ديرت فيها كاش حاجة نقتلك بيديا ونشربك السم و ......
حط سامي يدو على فمها
سامي:لسانك طويل بزاف
رانيا:مقلتلكش اعطيني رايك فيه😑
سامي:جداتك باعثلي الدار وراحت
رانيا:باعت؟بصح مقالتليش وراحت وين راحت
وولات تبكي
سامي:خلاتلك هدو الدراهم وقالتلك سمحيلي بزاف هادا كلشي علجالك وقالتلك تاني متحوسيش عليا بيسك راني رايحة لبلاصة متلقاينيش فيها و سمحيلي بنتي نحبك
رانيا:نتا سباب كلشي (ولات تضرب فيه وتعيط) علاه قبلت تشريها علاه😭
سامي:دوكا معندي مدخلني فيك .طيري من قدامي واخرجي خليني نرقد
رانيا:نن هادي دار ماني ومنخرجش منها
سامي:ر** نتي متفهميش هادي خلاص ولات داري
رانيا:قاع حياتي جوزتها هنا و ...
سامي محبش يخليها تكمل هزها فوق ظهرو خرجها لبرا شارلها حوايجها وغلق الباب.
بقات رانيا تصوني وتعيط وتخبط.سامي خرج راسو من الطاقة وبدا يسب فيها
سامي:ر** خلينا نرقدو نحيها من بالك نخليك تدخل
رانيا:مانيش باغية ندخل حبيت نسقسيك
سامي:وشنو
رانيا:وقتاه جيت لهنا
سامي:نبقاو نعاودو فالهدرة قلتلك سمانتين
رانيا:ومصرالك والو ملجيت لهنا
سامي:كيفاه مفهمتكش😕
رانيا:مسمعت والو.والو مخرجلك فالليل
سامي:بفففف ضيعت وقتي معاك
رانيا:مقلتلك ماني والو على هاذ الدار
سامي:نن والو
رانيا:ارواح نحكيلك
سامي:ههههه مزالك صغيرة ودوكا خليني نرقد
غلق الطاقة وبقا فالفراش يخمم في هدرتها.
اما رانيا حلفت تخرجو من هاذي الدار b1 sur بذكاءها😁 خممت تروح تحوس على جدتها بصح كانت الليل وزيد فقدت الامل كيقلتلها متلقاينيش.
راحت رانيا تعاود تدخل من الطاقة بصح هو كان غلقها من داخل يعني متقدرش تفتحها من برا.بقات تخمم حتى جاتها une idée
_______
سامي طار عليه النوم حتى يسمع صوت حجر يطيخو فالطواقي نتاع الدار بقا يسب ويكفر
سامي:هاذي متكون غير هاذي ال****
خرج سامي يشوف راح من ورا الدار باه يشوف شكون كان يرمي فالحجر
اما رانيا تخبات ورا الشجرة وبقاية تضحك و ستغلت الفرصة كي دار هو ورا الدار دخلت غلقتلو الباب نتاع برا وعاودت رجعت ورا الشجرة😆
هو توسوس عاود رجع لقا الباب مغلوق
سامي:شكون ****** لي غلقو.ياربي كيفاه ندخل دوكا والمفتاح نسيتو لداخل راح يسيي يدخل من الطاقة مقدرش بيسك كان غلقها من اللور بقا يسب. ورانيا تضحك وتستشفى فيه🤣😎
سامي كسر الطاقة ودخل وكي دخل غلق الطاقة بالطابلة لي كانت ثقيلة
راحت رانيا تحاول تدز فيها باه تدخل مي والو .
سبطت روحا قدام الباب حتى رقدت .
ناض سامي الصباح فطر وخرج حتى يلقاها قدام الباب راقدة كي البيبي الصغير ضحك عليها وجا رايح بصح غاضتو دخلها للدار وراح يخدم
ناظت رانيا لقات روحها فالدار ولقات قدامها ورقة مكتوب فيها:"كي نرجع لعشيا على 18 منلقاكش فالدار"
بدات تفكر رانيا كيفاه تنتقم منو حتى جاتها فكرة
راحت جبدت خيط شفاف وربطتو بالكيسان و الصحونة و خرجت الخيط من الطاقة لبرا . زادت راحت ربطت البيبان بالخيوط وخرجتهم على برا
وراحت جابت التيليكوموند الثاني نتاع tv (لي محطوط فالصالون)لي كانت مخبياتو فخزاتها لتفادي الطوارئ هههه .هزت صاكها ودراهميها وبوبيتها وخرجت حكمت الخيوط وباقية تستنا فيه.
كانت غايسة تفكر حتى سمعت صوت طوموبيل لقاتو هو تخبات.خلاتو دخل وباقية تشوف فيه من الطاقة .جازو 2 سوايع وهي تعس فيه حتى طاحت الظلمة. راحت فشات الرودة نتاع طونوبيلتو🚗😂 حطت البوبية نتاعها قدام الباب و حطت عليها ورقة. حكمت الخيوط وخلاتو حتى قعد يتفرج فالصالون حكمت التيليكوموند و طفاتلو ال tv
سامي:بفففف وشبيه هادا
كان راح ينوظ ليه عتى يلقا الباب تغلقت🤣
بدا يخاف من👻 راح فتح الباب حتى سمع الكيسان طاحو تكسرو بدا يشهد ورانيا تضحك عليه دور لقا ال tv شعل وحدو هههه خلاص تم تفكر وش كانت رايحة تقولو رانية ومخلاهاش هز حوايجو وخرج حل الباب لقا بوبية هز الورقة لقا فيها "انتظرنا بعد منتصف الليل"
خلاص سامي خاف وتوسوس كان حاب يلقا رانية تحكيلو على هذ الدار ركب فالطوموبيل بصح محبتش تمشيلو خرج يشوف يلقا الرودا مفشية😲
محوسش يفهم راح ديراكت لدارو الثانية (ههههه كملها يمشي على رجليه)
فرحت رانيا بيسك الخطة نتاعها نجحت راحت دخلت لدار من الباب لي خلاها سامي مفتوحة راحت كلات ورقدت .
ناضت الصباح حطت غنا ودارت ميناج
اما سامي توسوس من هاذ لحكاية وراح جاب راقي وداه معاه لدار .
و فالطريق كان حكالو كلشي واش صرا .اما الراقي قالو لازم تسقسي مولات الدار .
وصلو هبطو من الطوموببل نتاعو الثانية .اما رانيا كانت في عالم ثاني تشطح 💃وتغني .🎶🎤ههههه
قرب سامي و الامام من الدار حتى يسمعو لغنا بداو يشهدو و يستغفرو.سامي حل الباب بشوية حتى يشوفو الماء يسيل وحدو من الدروج😰 الامام بدا يخاف ههههه
كانت رانيا قاعدة تسيق حتى سمعت صوت هدرة عرفت بلي جا راحت بدات تحرك فل illustres 🤣
ودير فاصوات غريبة .اما الامام كان راح يخرى فروحو من الخوف😂.كملت رانيا حطت لفروطوار في درا (الغطا) ورماتولهم فالدروج ههههه.
سامي كان يصبر في روحو هههه و قال للامام ماتخافش هيا ندخلو
سمعتهم رانيا وراحت قلبت شعرها غلقت الطاقة حتى ولات الظلمة وولات تخربط فالهدرة خخخخخ
طلع سامي و الامام يتبعو فالصوت. حتى يلقاوها قاعدا الامام ولايعيط ويقولو هد الدار مسكونة وهرب يجري (عليها يقولو الخوف يجري الشيوخة ههههه)اما سامي ولايستغفر دار الكوراج وبدا يقرب منها
رانيا:واااااااع (خلعتو هه)
سامي ولا يعيط ويسب
سامي:هذي نتي وشراكي ديري هنا
رانيا:قلتلك خليني نحكيلك بصح نتا محبيتش وراح تستقاملك غالية
سامي:خلاص اسمحيلي.هيا احكيلي
رانيا بدات تستفز فيه وتخلع فيه بالحركات الغريبة لي تديرهم 👿 حتى قنعها باه تحكيلو
رانيا:آك حاب تعرف
سامي:وي😏
رانيا:متخافش
سامي: في عمري 10 سنين باه نخاف
رانيا:اديني لبلاصة وحد اخرى نحكيلك
سامي:احكي هنا
رانيا:ميحبوش
سامي:شكون
رانيا:هوما
سامي:شكون هوما🤐
رانيا:مبعد تعرف هيا نروحو
خرجو واستغلت رانيا الفرصة وسرقتلو الدوبل نتاع المفتاح😎 وهو مسكين مخلوع ومصدقها خخخخخ
سامي:وين نروحو
رانيا:للمقبرة
سامي:وشنو هبلت😲
رانيا:راك خايف😆
سامي:نن انا منخافش هيا نروحو 😤
راحو للمقبرة وقعدو فالارض وبدات رانيا تحكي
رانيا:شوف جداتي كانت تدير السحر والشعودة ودخلتني فالدومان نتاعها ووليت نستحضر لجنون ملي كنت صغيرة🤥 وجدة قتلت والديا باه ترضي لجنون.اما جدي فانتحر فهاذ الدار وبقات الروح نتاعو تماك
سامي:😲🤤😨
رانيا:و ولينا انا و جدة ديما نشوفو الروح نتاعو فالليل تمشي ساعات نشوفوه فالكوزينة وساعات فالمرحاض .الدار هاذي تسكنت حتى انها ولاو يصراو فيها حاجات غريبة مثلا يتكسرو الكيسان ولا يطفا ل tv ويشعل وحدو ولا الباب تتحرك حتى انها ولات توصلنا رسائل من العالم الآخر ديما يبعثوهونا عبر دمية صغيرة نلقاوها قدام الباب
سامي:🤤😱 را....كي.....من......ني....تك
رانيا:ايه علاه
سامي:هاذ .... الا...حدا.....ث .....الاخ.....ير.... ة ..... صرا.....ولي
رانيا:آه😱
سامي:وشبيك علاه وش راح يصرا
رانيا:لي يصراولو هد الاحداث راح تبقا الجنون تتبع فيه
سامي:لوقتاش
رانيا:حتى يبعد من ديك الدار
سامي:و و علاش خرجت منها جداتك🤤
رانيا:تغششوا عليها لجنون وقالولها اخرجي من هاد الدار بصح هي حبت تنتقم منهم عليها باعتها
سامي :بصح علاه قالتلي جدتك راهي محتاجة دراهم علاه مقلتليش الصح؟
رانيا:ايه كذبت عليك. وهاديك الدار قالتلي تبيعها ودراهميها تعطيهم للجنون باه يسكتو وميعاودوش ينتقمو منها
سامي:ماشي زعما نتي معلبالكش بلي رايحة تبيع الدار
رانيا:أ ..أ....أ.....أ🤥😫
سامي:وشبيك
رانيا: أ....ايه ايه لجنون قالولي
سامي:وشنو
رانيا:هههه استحضار الجن 😈
سامي:اواه الحالة بدات تخشان انا نروح خير
خلاها وراح
هي راحت عند صاحبتها حكاتلها كلشي
مريم:ههههه مسكين مصدق كلش🤣
رانيا:واحد مقالو يشري الدار
مريم:وجداتك لقيتيها
رانيا:ديرت recherche عليها وكي يلقاوها يعيطولي.
مريم: a ok
رانيا:ايه و وشراكي مع حبيبك لجديد
مريم:أنتيك غير التقلاش معاه😍
رانيا:دبرتيها غير انا بقيت clbtr
مريم:نشوفلك صاحبو بقلاوة😘
رانيا:بقلاوة؟🙄زعما يقبل
مريم:حاجة بينا هذ الزين كامل ميقبلش بيه
رانيا:واقيلا أمنتيني😂نن عندي حنوني
مريم:وخاه ديرتي ومقلتيليش شكون هذا
رانيا:هههه الفراش😏
مريم:مهبولة
رانيا:باي انا نروح
مريم:باي نروح نحكي مع محمد
من الجيهة الاخرى
راح سامي لعند صاحبو .حكالو كلش
محمد:ههههه منك بصح صدقتها
سامي:ايه لوكان شفت واش شفت انا لوكان بدلت رايك
محمد:زعما تكون تتمسخر بيك باه تخلي الدار
سامي:مشكيتش
محمد:روح تأكد
سامي:بصح كيفاه
بقى يخمم
اما محمد عيطتلو مريم وبقاو يحكيو حتى سقساتو
مريم:نقدر نروح نبات عند رانيا
محمد:اوكي بصح بالاك منا ولا منا
مريم:ميرسي بب ربي يخليك ليا
مريم راحت وجدت روحها وعيطت لرانيا وقالتلها بلي راهي جاية تبات عندها المهم فرحت بزاف.
اما سامي قرر يروح ويشوف ادا راهي تتمسخر بيه
محمد:وين راك رايح
سامي:رايح نتأكد
محمد:نجي معاك
سامي:هيا وجد روحك
______
مريم:هاكي احكمي هذا
رانيا:وشنو هذا
مريم: 2 من لي ماسك نتاع الخوف بالاك يجي اخينا هههه
رانيا: les hommes ياه😄
المهم هيا نوجدو للاحتياط
اما
سامي و محمد وصلو قاراو الطوموبيل
سمعوهم رانيا ومريم راحو طفاو الكونتور .رانيا كانت ديجا علقت الماسك نتاعها فالليستر حطو الشموع قلبت رانيا شعرها وحطو الكاتشب على اساس الدم ههه مريم خرجت لبرا من الطاقة باه تكمل المهمة نتاعها😈😱وكالعادة رانيا بدات تخلط فالهدرة خخخخخ
دخل محمد وسامي لقاو الضو طافيا شعلو محبتش تشعل شعلو الفلاش نتاع البورتابل بداو يمشيو حتى سمع خبيط وتطياخ(وهي كانت مريم تخبط الطاقة من برا😂😂)
سامي:شفت مانيش نخرط
محمد:مممم شششششت
دورو حسو بحاجا تتحرك دارو الفلاش عليها لقوه الماسك تخلعو ولاو يعيطو ههههههههههه
محمد:خلاص شوية كوراج
سامي:ايه اووووف شهيق زفير😤
طلع فالدروج فتحو الباب بشوية يلقاو طفلة تستحضر فالجن والشموع دايرين بيها وتدير فحركات بيزار والدم يسيل عاودو رجعو بشوية حتى يسمعو عيطة نتاع طفلة من الخارج خافو
محمد:صح ماكش تكذب.هيا نروحو
سامي:نن اسنا مزال الحال.صافي ماهيش تتمسخر
محمد:ايه.ابقا هنا انا نروح نشوف برا ونجي
سامي:روح بشوية برك راني نستنا فيك هنا
خرج محمد بشوية فتح الباب نتاع برا وخرج راح يمشي ورا الدار حتى يلقى واحد واقف بظهرو لابس جبة طويلة نواغ بدا يقرب حتى دار وكان لابس ماسك جمد في بلاصتو . شافت فيه تشوكات نحات الماسك
مريم:وشراك دير هنا
محمد:وووووواش هادي نتي جيت مع صاحبي سامي .متقوليليش هادي اللي لداخل رانيا
مريم:ايه صار هدا البنادم هو صاحبك
محمد:يعني هاد كلشي كدب
مريم:ششششش متقولش لسامي
محمد: علاه؟
مريم:لوكان يعرف بلي تمسخير راح يرجع لدار ورانيا مسكينة
محمد:ايه خلاص راح نكمل معاكم الكدبة
☆ايه نيست معرفتكمش على مريم و محمد alors مريم متوسطة فالطول سمرة عينيها خضورا شعرها طويل و ماغون بوها مات رباتها ماماها اللي كانت خدامة عليها وعلى ختها الصغيرة بصح كانو لاباس بيهم.
اما محمد طويل سمر عينيه نواغ وعندو اللحية احم احم بوه و بابات سامي صحاب محمد والديه راحو يخدمو في فرنسا اما هو حكم الشركة نتاع باباه لي كتبها باسم محمد . كان هو وسامي كثر على الخاوة .محمد كان اون كوبل بمريم اللي تعرف عليها
فالريسطو
المهم نرجعو لحكايتنا
محمد دخل يجري لدار ويعيط
سامي:وشبيك غير الخير
محمد:برا برا
سامي:وش كاين برا اهدر
محمد:جن جن
سامي:خليني نروح نشوفو
محمد: نن هيا نهربو راهو رافد ساطرو(موس)
سامي:يعني الدار مسكونة صح
محمد:ايه هيا نروحو
رفدو حوايجهم ركبو فالطوموبيل وراحو
ولاو البنات يضحكو عليهم
رانيا:ياس تهنينا منهم
مريم:هكا نرقدو آلاز😁
نرجعو لمحمد وسامي
محمد:خطيك من ديك الدار بيعها ورتاح
سامي:......
محمد:هلاو
سامي:منيش باغي نهدر
كملو طريقهم لدار سامي
رقدو. الصباح ناظ محمد لقا سامي قاعد فالبالكون يخمم
محمد:صباح الخير شكون راو دايلك عقلك على الصباح
سامي(ضربها بتبسيمة) :صباح النور.
محمد:واش راك تخمم
سامي:يصاحبي حاب هاديك الطفلة تتوب
محمد:يا خويا راني نعرفك ابدا من اللخر
سامي:😔😟ديك الطفلة راني ناوي....
محمد:خلاص طحت على راسك😂😂
سامي:بفف ديجا بديت تضحك
محمد:جاتني بيزار بيسك نتا جامي حبيت من قبل
سامي:ياخو حبيتها بصح راني خايف تكون مسكونة😞
محمد:ههههه الطفلة راهي بعقلها 😂غير روح صارحها وارتاح
سامي:بصح نخاف من la réaction نتاعها
محمد:شوية كوراج وهي عدات💪
_________
رانيا:من الصباح وحنا نحوسو فالحوانات pour rien
مريم:وعلاه نتي خليتنا ن concentriw فالحوايج من الصباح ونتي تحكيلنا على هاداك الjeune تعيس الحظ
رانيا:😑😑ممممم
مريم:منعرف علاه راهو يشغل بالك
رانيا:والو غاضني برك
مريم:غاضك ولا .....
رانيا:ششششش تعرفني خاطيني هاد لعفايس
مريم:زعما 🙄
رانيا ضربتها لكتفها
مريم:مممم خلاص خلاص😂
