قصتي!!!

36

هاد الليلة كانت زوينة عند عثمان بزاف..هدا علاش عيط علا واحد صاحبو ودار معاه موعد باش يمشيو يسهرو فشي قنت....
عند ملاك كانت باقيا فالطموبيل ديالها وكدور من شارع لشارع مبقات عارفة فين تمشي ولا علامن تحط الراس حالتها صعيبة بزاف الدموع محبسوش من عينيها والغصة لي كانت حاسة بيها فقلبها قريب تخنقها ..تيليفونها محبسش من الاتصالات ...سليم كل دقيقة يصوني لكن ملاك مكتجاوبش مبقات باغيا حتا واحد مكرهاتش تمشي لشي أرض تكون نكرة فيها حتا واحد معندو شي معلومة عليها ...لكن هيهات...
وهي علا ديك الحالة وقفات قدام واحد المكان وهبطات الزاج وبقات تشوف مفكراتش بزاف ..هزات صاكها ونزلات ...عطات مفتاح السيارة لي مكلف بيهوم تما ودخلات ...
في نظركم فين دخلات ملاك ....الجواب نتاع هاد السؤال غدي يصدم بزاااااااف وأنا وحدة منهوم ...
لكن نقدر نخالفكوم فالحكم ديالي علا ملاك ...
وهذا أمر عادي حيت كل واحد وعلا اينا اساس كيبني الحكم ديالو ...
وبالنسبة ليا غنقوليكم مبكرا فأنا كنعذرها ..حيت بعض المرات الدنيا كتكحال كلشي كيجي فخطرة وكلشي كيبعد عليك كتكون ملزم تحارب وحدك ..حتا كتفنا روحك وكيتقاضا جهدك حتا واحد مكيعذرك كلشي كيضغط عليك هنا كتقرر دير شي حاجات نتا براسك مكتقبلهومش نتا براسك كتقول ميمكنش ندير هاد الشي لكن واحد الصوت كالطنين داخل دماغك كيدفعك ويشجعك كيقوليك هذا الحل لي باقي عندك هذا هو طريق الخلاص وداك الصوت الأغلبية ديالنا كيعرفو اه هو هذاك الشيطان اللعين ...وهنا خصنا نحاولو نعذرو داك الشخص علا الأقل هو حارب وحاول كلنا خطائين والشيطان مخطا حتا واحد سيدنا آدم وغراه فما بالنا نحن بنو آدم ...
فهاد الوقت عثمان كان تلاقى صاحبو ومشاو فين يسهرو دخلو وطلبو شي حاجة يشربوها ههه وأكيد كلشي عارف شنو أفضل مشروب عند عثمان ههههه.
لكن هاد المرة كان كيشرب غير خفيف وكيضحك هو وصاحبو اكيد مكانت قاداه فرحة
عند ملاك وهنا الجواب علا فين دخلات...
كانت جالسة عند الكونطوار وكتشرب 😱😨اه تماما الشراب ...ايه ملاك لي كانت مكتحملش تشم ريحتو فعثمان هايا اليوم هيا لي كتكونسوميه ...الدنيا غدارة والوقت صعيبة بزاف ولي دوزاتو ملاك حتا واحدة متصبر عليه وغالب النهايات ديالوم كتكون الانتحار...
كانت اول مرة غدوق داك السم ...لكن المرارة ديالو هي الحل لي لقاتو باش طفي النار لي فقلبها ...كانت كتشرب بحال شي وحدة متعودة عليه كاس مور كاس لدرجة السيرفور مبقاش باغي يعطيها لكن ملاك غوتات عليه ورجع خوا ليها تاني كانت كتشرب وتبكي بطريقة هستيرية بزاااااف ....
عثمان ناض لكونطوار حتا هو باش يطلب شي حاجة لكن مقدرش يشوف ملاك حيت كانت الدنيا عامرة تما
اما ملاك فقدرات تشوفو او كيف قالت ..
ملاك: هئهئ ههه لا صافي عقلك مشا املاك صاف واش انا فين ممشيت نشوفك قدامي بغيت نساااااك خرج من حياتي لا نتي غير كتخيلي ودابا غادي تنسايه دابا ...
ملاك:زييييدني كوب
السيرفور: مادموزيل لا منقدرش راك خديتي بزاف
ملاك: هههههه اش دخلكككككككك واش شغلك خويي
السيرفور :نو سمحي ليا
فهاد الأثناء واحد الشخص كان دوموندا واحد الديسك مغرابي وكلشي ناض يشطح
جلال:(صديق عثمان) ههه نوض ياك كيعجبك هاد الديسك
عثمان :هههه بلاتي اصاحبي راك عارف كنبغي حتا نشوف بنادم لي تما كيف داير
اما ملاك فكانت عاد مقاتلا معا السيرفور
ملاك:وبدات تغوت خوي اش دخلك فيااااااا
المسؤول علا دوك لي كيسربيو شافها وجا عندها
المسؤول:وي مدموزيل شنو المشكيل
ملاك: وهي كتغوت قوليه يخويلي اش دخلو فيااااااا
السيرفور:ولكن...
المسؤول:عطيها لي بغات
غير كمل كلامو وتحرك
ملاك :بسخرية هههه خوي وبقا ديها فراسك خايف عليا اقرب الناس ليا ومعقلوش عليا
عطاها القرعة داك السيرفور شربتها كاملة وهزات كاسها وجات نايضة لكن تزادحات مع شي حد وطيحات داك الكاس ...الشي لي لفت انتباه عثمان وبقا يشوف تما
الشخص:اييه واش مكتشوفيش
ملاك:ههههههههههههه
الشخص :لا اكيد نتي حمقة
ملاك: وهي كتغوت وكلشي كيشوف ويسمع فيها وكتبكي هئهئهئ اه حمقاااااااا انا حمقااااااا اه انا مكنشوووووفش تاواحد مبقا يبان ليا اش بغيتو عندييييي
عثمان عيا يحاول يشوف شكون هاديك لكن بسبب الإزدحام مبانش ليه وجهها
عثمان:ههههه جلال ها وحدة من دوك لي كيعجبوك وكتقلب عليهوم باش تنسيهوم الهم ههه اوووو وهادي باينة مهمومة بزاف ههههه
جلال:ههههههه مغاديش تبدل بلاتي خليني نشوف وكنأكد ليك غادي تكمل السهرة وحدك ههههه
عثمان ايوا يلاه نوضو نشطحو المدموزيل راهي سبقاتنا
عند ملاك صاف كانت فاقدة الوعي تماما معرفات اش كدير ولا اشنو واقع دخلت وسط كلشي وبقات تشطح وتبكي بحال شي مهبولة ...فهاد اللحضة حتا عثمان وصاحبو كانو وسط كلشي وحدا ملاك
عثمان:ههههه دير خدمتك
جلال:هههه المؤهلات كيبينو بلي أكيد مغربية هههههه
عثمان:هههه والله نتا حتا مريض كتقلب غير علا خلاها ايمن السرحاني لطاي طرونط ويت ههههه والمغربيات مهبلينك مالك مخلي الزعورية والتيتيز الهولندي وتابع البلاد ههههه
جلال: هنههه الوليدة وصاتني اخويا ايلا مجبتهاش بنت البلاد نسخط عليك ههههه ايوا هاحنا كنقلبو عليها
عثمان: هههههه ملقيتي فين تقلب عليه كون تجيب خبارك خالتي رشيدة تسخط عليك ايلا درتي بشي بنت من اصلو هههه
جلال:فوتني دبا يرحم باك هههه كنسمع سميت الحاجة كندم ههه
عثمان:هههه الناس والضمير
اما ملاك مكانتش فهاد العالم ..وجلال مضيعش الوقت قرب عندها بزاف وكان كيحاول يشطح معاها حاولات تبعد عليه لكن هو مطلقهاش وتبعها بقا كيقرب عندها وعنقها
جلال:شنو لي مخليك تبكي هاكدا تقدري تعاودي ليا
ملاك:وهي كتحاول تبعد عليه ...طلق مني شكون نتا وآش هاد الجرأة
جلال:شششش انا مكنبغيش بحال هاد العوينات يبكيو وقرب يدو عند وجهها وكيمسح ليها الدموع
هنا ملاك دفعاتو ودارت غاديا فحالها وهي كتمايل ...لكن صدمة  عثمان فهاد الأثناء كانت قوية بزااااااااف عنيه خرجو الدم كامل تجمع فعروق جبهتو ممتيقش لي كايشوف لااا نتا مشاربش باش تكون دايخ اعثمان لاااااااا مستحيل رجع بحال الصنم ..اما ملاك مردات البال لوالو كملات طريقها وتزدحات مع عثمان لي مخفاتش عليه ريحتها قدر يعرف شكون بمجرد مدخلات فيه قلبو رجع يضرب بجهد ..اما جلال فبقا تابع ملاك وشدها من خصرها وجرها عندو
جلال:متفهمينيش غلاط انا غير بغيت ....
لكن قبل ميكمل كلامو ...كان عثمان نزل عليه لوجه وجابو فالأرض وجمع مع ملاك بتصرفيقة خلاتها تفقد الوعي فلبلاص ...هزها بين يديه والنار كتحرق فيه لا هادي ماشي اي نار هذا راه بركان ممكن يحرق كلشي
اما جلال مفهم والو ناض وقف وتابع عثمان
جلال:عثماااااااان واش مريض اش وقع لا نتا ماشي طبيعي
لكن عثمان معطاهش وقت كان متأكد إلى رجع عندو مستحيل يخليه عايش
خرج بزربة فتح الطموبيل ورما ملاك اللور وتحرك بحال المجنون ..شعل الجارو لي كان كيحاول يبعد عليه لكن فاااااش غيبرد قلبو باش غادي يحرق راسو دبا ....كان ممتيقش عنيه لحد الساعة وكيقول مستحيل تكون تشبه ليها لهاد الدرجة لا هادي ملاااااااااك ....قلبي مستحيل يغلط
فأقرب مكان لقاه عثمان خاوي ومكاينش بنادم وقف الطموبيل ورجع اللور عند ملاك فتح الباب وخرجها خدا قرعة ماء وبدا يخويها عليها ويصرفقها حتا فاقت
ملاك:راسها غادي ينفاجر وبسيف باش كتفتح عينها ..اممم آآآآ راسي فين أنا ششكون نتا
عثمان صاف مبقاش قادر يصبر فقد أعصابو وبالأخص ملي تأكد بلي هاذيك ملاك ..محسش براسو ونزل عليها كيضرب فيها ويسب ...
اما ملاك فكانت معاقلة علا والو ومعرفات اش واقع حتا من الضرب ديال عثمان محساتش بيه كانت بحال الحجرة مكدير حتا ردت فعل وحتا الدموع مباقيش نزلو....هاد الشي زاد عصب عثمان وشدها من فكها وقفها قدامو
عثمان:علاااااااش علاش جاوبيني راني كنهدر معاك
لكن قبل ميدير اي حركة ملاك بدات كتقيا وردات عثمان حالتو
عثمان:تفووووووووو تفووووو هذا لي كان خاصني تفوووووووو
تتمة............ 

لا ترفض ابدا هدايا القدر ...فالصدفة قد لا تتكرر...والفرصة قد لا تأتي مجددا