#هكذا القدر
#الحلقة_1
انا لجين مواليد 92
ماماتي متوفيه لها 9سنين كاين عندها سرطان .. عندي اخ واحد اسمه خالد واختين وحده متزوجة اسمها سلوى و وحده تقرا في الثانوى اسمها خلود بابا من بعد ماما مابش يتزوج
طبعا هتعرفو ع الباقي باعدين
وتوا نبدوو =D
أناا : الووو
تاامي : وينك يا حنه ليا ساعه نرن عليك
أناا : اوووف كنت راااقده خربتي نومتى
تامي : يا همى شنو راقده توا ساعه 3 وتى روحك فيسع بيش نعدو لمعهد أول يوم ونتأخروو اخرى
اناا : ووو نسيته بكل .. عندش نيه نعدى نبي نرررقققد
تامى : لجيين انا سجلت بس عشان خاطرك وتوا تقوليلي مالكش ماشيه -_- صبى فززززي
انا : اوووف ياربي باهي اوك
تامى : هيا سقدي 4 وربع نكون قدام حوش
انا : باهي فطوومتي الله يربحك خليني نرقد شوية
تامي : مااافييش هياا انتي تبيلك ساعه بيش تلبسي
انا : بااهي وووجك هي
( سكرت في وجها من غير ماترد .. طبعا تامي صحبتي من ايام الثانوي .. وهيا الوحيده اللي علاقتنا لغايت توا مزال ماتغيرت ومهما درت ماتزعلش منى بككل معتبرتها اختى مرتبطه بواحد اسمه مروان ... ماششيين مع بعضهم ويحبوو بعضهم بككل ههه هيا نردو وين ماوصلنا )
مهم صبيت من ع سرير بحتت في سرير خلوود لقيت عيونها في فون .. فنصت فيهااا
انا : تعرفى تحشمي ع وجك وتصبي تقرى ولا نحرش فيك بابا
خلود : دخلكش بيا انا حره من اللي هتسقط انا ولا انتي
انا : انتي والله مايمشي معاك الا خالد .. توا نكلمه لك وياخد منك فون
خلود : فكيني من طروح حتى انتي تقعدي بالساعات ولا توا خلاص تخرجتي بتفتحي فمك عليا
انا : انتي حقييره كيف تحكي مع اختك كبيره هكي
خلود : ههههه انتي توا راكبك عفريت وتبي تفشي غلك فيا لانك مارقدتش كويس فعدى ألبسي راهو توا ساعه 3 وربع لكي ربع ساعه تهزبي
انا : وووو عليااا توا تاامي تبهدلني
( وناطيت عديت الحمام سيبت خلود تضحك عليا وبعدها طلعت لبست جينز وتيشرت اسود عليه جاكة تايجر ودرت لمسه بسيطه ميكب .. ما كملت الا وكاينه ساعه 4 خديت شنطتى وطلعت لبابا )
انا : بااااابي
بابا : اهلين بنور عيووني .. شنو ماشيه توا
انا : اهاا يا بابا توا جايتني تامي مع باتها
بابا : وعليش جايتك
انا : مو يا بابا قلنا يوم ياخدنا باتها ويروح بينا ويوم انت او خالد
بابا : باهي يا بابا عدي خشي داري خوذي فلوس بلكي تحتاجي حاجه
انا (بست بابا ع طلعت خلود ) : نجكك ليا يا احلا بابا في دنيا
خلود : بابا انت ليش ماتخدش لجين تشيلها شيخ والله مش طبيعية في دار تعيط وتشيط .. وهنا تضحك وتبوس
انا : شفت يا بابا بنتك شفت كيف والله تستاهل ضرب
بابا : ههههه حرام لبستك متحدده وتاعبه في شكلك تجي تخربيه توا
انا : صح صححح حساابك معيا لما نرووح
بابا : هههههههههه عدي يا هبله فيسع خوذي فلوس قبل ماتجيك صحبتك
انا : ذكرتني ذكرتني
