احببتك وانت مش من نصيبي

البارت الرابع

اروى:ايواه هيثم
صهيب ارتبك وحك راسه:السلام عليكم
اروى عرفت صوته:وعليك السلام
صهيب:ءء اختي انا صهيب رفيق هيثم كان تعرفيني
اروى:اهلين صهيب ايه اكيده نعرفك ديما تجينا للحوش بس وين هيثم كنه😳
صهيب:كملتي امتحانك
اروى حست ان فيه حاجه مش طبيعية:ايه وتوا نستنا ف هيثم يروح بيا
صهيب:توا نروح بيك اني انتي وصاحبتك
اروى عيونها دمعوا:وين هيثم صهيب بالله عليك كنه هيثم
صهيب:هيثم ف المستشفى
اروى:حي عليا😱كنه شن صاير
صهيب:اختي هدي روحك انشاالله مافي شي بس خشت فيه سيارة😣
اروى وهيا تبكي:باهي وشن صارله
صهيب:تكسر ظهره ويده وخلاص
اروى تبكي:الحمدلله ياربي جت خفيفة
صهيب:اي الحمدلله هيا اروى مشوار وجايك انتي وصاحبتك
اروى ابتسمت لااراديا لما صهيب قال اروى 🙊😻
صهيب:الوو
اروى وعت ف روحها:باهي تمام

سوسن مفجوعة:كنك تبكي
اروى:هيثم دار حادث والحمدلله جاته خفيفة
سوسن عيونها تعبوا دموع وحضنت اروى :الحمدلله على سلامته حبي
اروى وهيا تمسح ف دموع سوسن:تبكي على خاطره
سوسن:مه انتي قلتيلي هذا خوك!كيف منبكيش عليه💔
اروى:مشوار ويجيينا صاحب هيثم يروح بينا
سوسن مفجوعة:ننعععم لا منيش راكبة
اروى:تي ضمي فمك هذا صاحب هيثم الروح بالروح وفوق الثقه
سوسن:لاااااا
اروى:سكري فمك وفكيني من حركاتك

مشوار واتصل صهيب وامشوا يركبوا
سوسن:تركبي من قدام
اروى فنصت فيها:حيوانه

ركبوا الزوز من الخلف
اروى:السلام عليكم
صهيب:وعليك السلام
سوسن:هلا
صهيب:اهلين
صهيب:شجوكم
سوسن واروى:الحمدلله وانت
صهيب:الحمدلله
صهيب:وين الحوش اختي
سوسن:طريق المطار عيت.....
وطول الطريق وصهيب يشبح فيهم من المرش ومشعارف اما منهم اخت هيثم❤
ووصلوا ونزلت سوسن وقعدت اروى  من الخلف

صهيب: اسمعي
اروى:نعم
صهيب:تروحي توا وتقولي لامك
اروى:لالا نقدرش نقوللها
صهيب:علاش!!
اروى:عندها الضغط يمشي يركب
صهيب:من سيورها تعرف قوليلها وخلاص
اروى:لا والله ماني قايلة
صهيب:تو نقوللها اني
اروى:قصدك تقوللها توا
صهيب:ايه توا
اروى:لالا بعدين تعرف ان انت للي وصلتني
صهيب:ايه صح ملا مشوار ونرجع نقوللها
اروى:تمام

وبعدين قعدوا طول الطريق ساكتين وكل مشوار تتلاقا عيونهم ف المراية تع السيارة🙈
ووصلوا للحوش🏡
اروى:شكرا بارك الله فيك صهيب
صهيب:ولو هذا واجب وكان لزمكم حاجة اتصلي واني هكي ساعة ونجي نقول لبوك
اروى:باتي مزال عمل ميروحش توا
صهيب:نقول لامك
اروى:تمام
وفتحت الباب تع الحوش وسمعت صوت صهيب ينادي:اروى
اروى ف سرها:يحليلي اسمي قداش حلو لما ينطقه🙈❤
اروى:نعم
صهيب فتح مرش السيارة:هاكي تلفون هيثم وكان تبي اي حاجة اتصلي بيا
اروى مشت واخدت منه الفون:اوكي تمام

خشت اروى طول لدارها بدلت حوايجها وحطت فون هيثم ف الشحن واتكت على السرير وبدت تبكي:االله لايوريلك بأس ياسندي ياهيثم

الساعة1:30
عند صهيب روح للحوش وخش للكوجينة القى ندى وامه يطيبن ف الغذاء :السلام عليكم
ندى وليلى:وعليك السلام
ندى وهيا تقسم ف الخيار:شن الجو
صهيب قعد عالكرسي:كان قلت تمام نكون كذاب
ليلى وهيا تقلب ف الرز:كنك
صهيب:هيثم دار حادث
ليلى مفجوعة: حي انشالله جاته خفيفة
صهيب:الحمدلله كسور بسيطة
ندى:الحمدلله على سلامته
صهيب ابتسم:الله يسلمك
ندى:تبي شاهي
صهيب:احمر ولااخضر
ندى:احمر وبالكاكوية
صهيب:هاتي
صهيب:وين باتي
ليلى:عنده عمل قال اليوم منيش مروح لليل
صهيب:ومراد
ندى مدتله طاسة الشاهي:مراد كيف روح قبلك بشويا قاعد فوق
صهيب :والتوأم
ندى:مع بوهم
وخشت عليهم حلا:السلام عليكم
صهيب:وعليكم
حلا:😒😒
ندى:هيا حلا بري نحي حوايجك الغذي طاب
حلا:باهي هي
صهيب:هيا راني جيعان
ليلى:ماعاش الجوع ياوليدي هي دقيقة

ساعة3:00
عند اروى راقده ف سابع نومها😂
خشت امها:رورو بنيتي هيا تتغذي احني من بكري تغذينا
اروى:نننعععم ياماما خليني
سمية:نوضي هياا
اروى حكت عيونها:باهي هي😖

ناضت اروى وقعدت وشدت شعرها وافتكرت للي صار اليوم 💔وافتكرت صهيب لما روح بيها وكيف كانوا يشبحوا لبعض من مرش السيارة❤
وقررت تتصل بيه وتطمن ع هيثم شدت فون هيثم واتصلت لكن مردش عليها
اروى:حي علياا حيوانة اكيدة راقد😩

وصهيب كان يستنى امتا يسكر حت يتصل هوا لكن اروى دارت الفون ع الصامت وطلعت تتغدى
امشت للكوجينه وقعدت عالطاولة :شن الغذي يامي
سمية من الصالة تتفرج على التلفزيون:كسكسي بالحوت
اروى:باهي وين الغذاء تاعي
سمية:ف الدولاب للي تحت الكوشه
فتحت اروى والقت 4 صحون
اروى:علاش اربعه صحون
سمية:واحد ليك وواحد لبوك وواحد لهيثم وواحد زايد بالك واحد من خوتك يجوع ياكله

اروى عيونها تعبوا دموع لما سمعت هيثم 💔مسحتهم وقعدت تتغذى وكملت وغسلت الماعين تاعها وجت تطلع من الكوجينه لكن امها قالتلها ديري كيكة🎂
طلعت اروى المقادير وبدت ادير ف الكيكةوطيبتها وكملت وحطت عليها شكلاطه وجوز الهند🍰
وخشت لدارها والقت 7مكالمات فائته قالت اروى لخوف:ياستار استر 😨
فحت القت 2مكالمة من صهيب و5من.....

يتبع....

ملاحظه:-كان لقيت تفاعل انزل صور الشخصيات😍❤