#الضابط_واغتصاب_مراهقة

الجزء التاسع

#الضابط_واغتصاب_مراهقة
بقلمي فردوس عبد اللطيف
الجزء  التاسع
لا تضع كل أحلامك في شخص واحد.. ولا تجعل رحلة عمرك وجهة شخص تحبه مهما كانت صفاته.. ولا تعتقد أن نهايه الأشياء هي نهاية العالم.. فليس الكون هو ما ترى عيناك لا تنتظر حبيباً باعك.. وانتظر ضوءاً جديداً يمكن أن يتسلل إلى قلبك الحزين.
رنا ..قرار الهروب من قيود فقار كان صعب وخصوصا الهروب الى المجهول وبنفس الوقت نسيت ان فقار ملازم ثاني وبالأمن وممكن ينتقم متي مثل ما انتقم من سحر
فقار اجبرني ان أتصرف وياه بهالطريقة
رنا ..اعذريني سحر لان ما كدرت اساعدج
سحر ..لا تهربين ترى يرجعج وينتقم منج وين ماترحين يجيبج وفقار مو سهل
رنا ...تعبت سحر تعبت مجاي اكدر اتحمل هالعيشه واني ابجي وهي تبجي
سحر ..فدوه اروحلج لا لا
رنا ..عفتهه تصيح وتبجي واني ابجي مشيت مسافة وأتلفت خايفة من فقار لا يلكفني وصلت للشارع اشرت لتكسي وصعدت واني ابجي وخايفة من المجهول وين اروح هربت من جحيم لكن وين المصير
السايق ..باي منطقة تردين
رنا ..المنطقة (.....) الفلانيه
سايق التكسي ..خوي بعيد نوصل بالليل
رنا ..ميخالف ماكو مشكله يمته ما نوصل مايهم المهم اروح
ماعندي غير بيت اهلي هو ملاذي حتى لو يذبحوني ولد عمامي بعد مايهمني يمكن الموت ارحم من الوضع الي اني بي والضرب والمهانة من فقار هو الموت بعينه
مشت السياره واني ابجي طول الطريق واتذكر أيامي الي كضيتهه ويه فقار ايام مره وأيام حلوه مرات احسه وحش مابكلبه رحمه ومرات اشوفة طفل يبحث عن حضن حبيبه تداوي جروحه حتى تلفوني ما اخذته وياي عفته بالبيت
وصلنا يم بيت اهلي
رنا ..هنا خوي اوكف يم هذا الباب
انطيته الأجرة ونزلت اباوع على باب بيتنا مقفول اوووف يايمه مشتاقة لبيتنا مشتاقة لامي وابوي مشتاقة لطفولتي ودلالي وينك خوي ثامر وينج ريم وينج رسل واني ابجي
حاولت افتح الباب ما ينفتح والدنيا ليل
تمشيت لبيت عمي ترددت ادق الباب او لا بس ماعندي غير مكان ...
ولج رنا اخاف يذبحوج ؟
هو اني مذبوحه من زمان
دكيت الباب .. والخوف يتملكني ...دق .دق
انفتح الباب ...مهند الي فتح الباب
تفاجئت ...مهند ؟
مهند ... صفن بوجهي مثل مامصدك
رنا ...مهند هاي شرجعك  من السويد هيج تتخلى عني وتعوفني.... وابجي ليش مهند ليش هيج سويت بي ؟
مهند ...رنا ...رنا ...هاي انتي وين جنتي لزمني من ايدي ولج احجي مخليت مكان يعتب علي وين جنتي
واني اشهك وابجي
مهند حضني ...ولج رنو حبيبتي حياتي ...وينج ...وينج
كالوا ماتت رنا واني ايست عبالي ما اشوفج بعد
تعالي دخلي بالبيت ...استغربت شنو فقار كالي مهند بالسويد وخطب شنو مهند يكول مدور علي منو الكذاب ومنو الصادق
دخلت يم اهله رحبوا بي وكلهم متعجبين
ام مهند حضنتني  وتبجي ولج رنا وين جنتي وين وداج الدهر
الكل متعجب وبعيونهم تساؤل
وين جنت كل هالفتره
مهند ... رنا اريدج تحجيلي الحقيقة
وين جنتي كل هالفتره
رنا ...اشرتله عالهول الثاني
رحنا وكعدنه على صفحه
رنا ...مهند والله كلولي انت سافرت للسويد وخطبت وبيومهه الدنيا أظلمت بعيني
مهند ...منو كلج
رنا ...راح احجيلك القصة بالتفصيل
بالليله السوده الي انهزمت بيهه اخوي ثامر جاب اصدقاءه
وشربو وسكرو لحد ما فقدو عقولهم
مهند ...اخ منك ثامر
رنا ...هجموا علي ورادو يغتصبوني واني انهزمت وانقذني ضابط خلصني من أيديهم وقبض عليهم
وهزمني ووداني عند مريه كبيره اداريهه
(خفت اكوله تزوجت )
مهند ...ليش هيج رنو جان رجعتي
رنا ..شارجع سمعت اهلي هادرين دمي وانت سألوا عليك كالوا مسافر لخطيبتك
مهند ..ولج يا خطيبه منيلي خطيبه وَيَا سويد ؟
رنا ...شمدريني هما هيج كالوا
مهند ...دكومي روحي نامي ارتاحي يم امي وباجر الصبح نكمل حجينا
نمت ذيج الليله نومه خوف ورعب وكوابيس وفقار يمه اشلون بي اذا يجي ويشوفني هنا يذبحني ....
خلي هو كذب علي اهلي يحبوني وبيت عمي رحبو بي وهسه خواتي يسمعون ويجوني خلي يعرف مو مكسوره جناح
الله ياحضن الام وينج يايمه وين حضنج الدافئ اشتاقيتلج
اليوم الثاني الصبح بدت التلفونات من بنات عمي
الا خواتي ما سألوا علي يمكن اعتبروني عار عليهم
بقيت احجيلهم قصص وألف وأدور وما جبت سيره زواجي من فقار خليتهه سكته
*********************
فقار ...رجعت للبيت بالليل وشفت الباب مطبوكه بدون قفل فتحته ودخلت
وينج رنو حبيبي وينج ؟
دورت بكل البيت ماكو ...ركضت على سحر وعيوني بيهن شرار
وسحر كاعده بالزويه وخايفة وترجف ومخلية رأسها بين رجليهه وتبجي
فقار ..ولج وينها
سحر ..ما اعرف اني معلي
فقار ..طلعت شفت الرساله مبين شويه منها بجيب القميص
   قريتها تخبلت فقدت عقلي وين اروح بهالليل وين ادور عليج رنو معقوله تعوفيني مو انت الدوا لجروحي ولج احبج احبج .... بقيت اصيح بعلو صوتي
قفلت البوب وطلعت ادور بالشوارع ماكو اثر رحت اخذت شرب وكعدت اشرب واشرب لحد ما سكرت وفقدت عقلي ورجعت عالبيت  كنت جايب وياي قامجي الي يضربون بي الحصان حتى يمشي مسوي خصوصي اضرب بي سحر وكنت مرات اضرب رنو بي وطلعت غضبي بسحر ..الي صرت افرغ غضبي بيها
اليوم الثاني ...بديت ادور على رنا وأجريت اتصالاتي واول مكان ادور بي هو بيت اهلها وبيت عمها لان ماعدهه مكان غيره
بس باي حق اروح اداعي بيهه وعقد الزواج لازم اصدقة بالمحكمه لان بوقتها انشغلت وما مكمل الإجراءات
*************************
رنا ...بقيت في بيت عمي فتره اسبوعين تقريبا شفت بيها بنات عمي ونسيت فقار مراح يعوفني
اني بيت عمي كاعده واندك بابهم راح مهند يفتح الباب
وسمعت ام مهند يمه هاي دوريه مال شرطه
ركضت يم الباب وأسمعه يسال مهند وين رنا ....
اني طلعت واشوف فقار واكف وعيونه تجدح نار ارجف وخايفة وكفت وره مهند بس منظر ذو الفقار يخوف بس صدك مشتاقتله
تقرب علي وجرني من ايدي
فقار ...اشلون تطلعين من البيت بدون علمي ؟
رنا ..جريت ايدي من عنده ...اكرهك فقار اكرهك انت كذاب
فقار ...جرني بقوه ...كلبه حقيره
مهند ...عوفها سيدي ليش تجرها
فقار ..وانت شكو هذه زوجتي
مهند ..أنصدم وتفاجئ ..باوع علي ...انت كذاب شنو زوجتك
فقار ...ضرب مهند شوف ولك هذا عقد الزواج
رنا ..لا فقار لا تضربه اجي وياك اجي
جرني واني عيوني على مهند ودموعي تجري ومهند عيونه مدمعه ومصدوم بس ميكدر يوكف بوجه القانون
فقار ..الا ادفعج الثمن غالي واخليج تندمين عالي سويتي
عبالج تعوفيني ...؟ ودفعني صعدني بالسياره وهو يهددني طول الطريق
رنا ..هو يهدد واني ساكته وصافنه بالي حصل وأسئلة كثيره تدور براسي ليش فقار كاللهم اني ميته وليش كالي مهند سافر وليش وليش كلي هدرو دمج اهلج ليش كل هذا الكذب
افكر وأفكر وأريد جواب لهذه الاسئله بس اخاف اسئله
وصلنا للبيت ومن يومها بدت معاناتي وفقار اتبع اسلوب الانتقام وكانما خنته لما هربت والسبب لان اني رحت لبيت عمي ومهند موجود بالبيت
دخلت للبيت واول ما فتت من الباب ودخل وراي ضربني راشدي فرني بمكاني ووكعت عالارض
فقار ...ها ولج دايحه رايحه تدورين حبيات
نزع الحزام وصار يضربني ويغلط ويفشر
رنا ..بس كولي شمسويه شنو الي سويته
فقار ..والله الا اموتج اليوم بدء الدم يجري من كل جسمي وزورك مكانات الضرب من غير الغلط والفشار
بقيت ابجي وتذكرت اهلي وينهم ليش وكعت بين ايديك ليش تظلمني ليش هالعذاب ياربي وين اروح
بقيت اصرخ ليش يصير بي هيج اني شنو ذنبي اخوي جان ياذيني خواتي ميردوني ولا سالو علي ليش هيج شمسويه ميردوني
من الضرب والتعب نمت وغفيت
كعدت الصبح لكيت نفسي نايمه عالسرير  وبدون ملابس وفقار يمي ...كرهته ودرت وجهي عنه
تمنيت لو يرجع الوكت ولو ادري بهذا العذاب الي شفته مجان فتحت باب الملحق ومجان حجيت وياها
مجان صار بي هالاحداث ..لكن لازم اسوي بيك شي وانتقم منك بإفقار بسيطه الا اعلمك نزلت من السرير وامشي على أطراف أصابعي وعلى كيف بدون صوت
ورحت للملحق وفتحت الباب ...تفاجئت ..ماكو احد وينهه وين سحر ...لكن المفاجاة شفت كاتب عالحيطان
رنا وينج احبج ...رنا احبج ...رنو احبج ... تعالي سامحيني
والشي الغريب راسم شبكه وكاتب عليها( رنا انتقامي )
من يومها عرفت ان فقار ترك سحر لحال سبيلها لان اني طلبت منه ولكن حول انتقامه علي اني
سديت باب الملحق ورجعت للبيت كعدت بالهول بدون ما اتحرك تمددت عالقنفه
سمعت صوته كعد ..خفت سويت نفسي نايمه
تقرب يمي وهمس باذني ...حياتي رنو ليش عفتيني ؟ ليش خليتيني وحدي
بداخلي أمل يمكن أغيره واستغل حبه الي واخلي انسان مو وحش لازم احاول وياه
غمضت عيوني وكتله وينك فقوري حبيبي اشتاقيتلك وينك حياتي وينك تعال ..اه فقار احبك
باوعت عليه شفته أنصدم بكلامي وكعد يم راسي ويلعب بشعري
فقار ...حبيبتي رنو هياتني يمج
مسكت ايده وحضنته وحضني وباسني
تقربلي وكنا مشتاقين لبعض وووووو ....
كنت ابجي ما اعرف شنو السبب ليش ابجي
ياربي ساعدني احبه احبه
بس رجعت اسال نفسي ليش كاللهم ميته وليش كال مهند خطب وسافر كذاب بس لازم اعرف نيته
اخذني للحمام وسبحني وجسمي كان تعبان وخدران من الضرب ما اكدر احرك ايدي وكلما يلزم منطقة تاذيني (أسف حبيبتي أسف )
لبسني ملابسي وفتت نمت لان جسمي كوله مكسر
فزيت من النوم وكت العصر دورت ماكو احد معناها طالع
كمت رتبت البيت ونظفته وسويتله معكروني ورحت للغرفه
صارت الساعه ب 8 انفتح الباب
هلو رنو اشلونج
اني صافنه بوجهه لان اعرف من كلامه نسى شسوى بي البارحه
وحاول يحجي وياي ويتعذر وبصراحة لو شكد ما احاول لازم اصالحه لان ويامن احجي ما عندي غيره ومهما سوى اكيد الي يريده مني ياخذه بالقوه او برضاتي لازم ارضخ لأوامره وأحاول اعيش حياتي
مرت الايام واحنا متصالحين وسعداء وفقار تغير وتعودنه على بعض ورجع فقار حبي السابق نسيت مهند ونسيت اهلي وخواتي بعد محد يهمني بالدنيا
فقار ...رنو من اليوم راح اوديج لبيت اهلي لان دوامنه صار طويل واخاف عليج لوحدج هنا ويم اهلي تلتهين وياهم احسن من البقاء وحدج هنا
رنا ..بكيفك فقوري
لملمت ملابسنا وأغراضنا كولهه و
اخذني لبيت اهله
فقار ...يوم من اليوم ورايح حانعيش وياكم وديري بالج على رنا ما اوصيج
ام فقار ..تدلل يمه
بيت اهل فقار يتكون من أمه وعمه زوج أمه واخوان اثنين
قحطان وحسان وأخته سما
اخته سما مدلله عدهه موبايل وعلى طول تحجي بي
قحطان اخو حباب ومؤدب
اما حسان ...عيونه زائغة  ومو مريح وميخلي وحده ميتحارش بيهه حتى نظراته الي مريبه
ترقبو الجزء القادم ماذا ينتظر رنا في بيت اهل فقار
*******بقلم فردوس عبد اللطيف**********