احلام منسيه
اسعد الله صباحكم بل خير ول بركه
قصص عراقيه:
الحكايه قيد الكتابه
البارت ١١
هاوري_يابه عوفني خلي اكتله
الاغا_ تعال بره هسه عندي شغل وياك نرمين روحي صيحي الدكتور خلي يجي يمه
وهو سحب هاوري من ايده بره تعال ابني اريد احاجيك بشغله
هاوري_ لا اوبالي اعرف شغلتك يابه
الاغا_ابني الي ايصير مسؤول على بيتي من بعدي منو
هاوري_عليوي
الاغا_ هسه اذا الزمك وين اليوجعك احد ايكلي ليش اريدك اتصير زلمه وعينك على ناسك واتشوفهم بعين وحده والضيف اتقدره من بعدي
هاوري _يابه ماأريد هذا الشي اني ما اعوف زوجتي
الاغا_اني طلبتها واني اخليك اتطلكها
هاوري_اذا اطلكها يابه اموتهم اثنينهم
الاغا _واذا اتمد ايدك على أي شخص اقسم بالله اكتلك بأيديه وادفنك كدام الناس حتى اتصير عبره ماكو واحد منكم ايصير ابراسه خير لا انته ولا اخوك الاخ الي راح بحجت دراسه
هاوري_يابه اسوي الي اتريده بس بشرط
الاغا_والله ولدنه كامو يتشرطون علينه اي احجي خلي اسمع
هاوري_اتعوف القريه وما ألك شغل بعد
الاغا _يعني تورثني واني حي
هاوري_مو انته اتخليني اطلك من احب
الاغا_موافق
هاوري.. مو هيج الموافقه اتلم الناس وتخبرهم
الاغا.. اسوي الي تريده لكن من بعدك محد يورث من عائلتك اذا صار عندك عائله لانو اطفالك اشسويت بيه ايسوونه بيك ويعذبون الناس اترجع الحكم للقريه وهمه يختارون
موافق ولـ املاك حق شرعي الك من بعدي ما انكرها
طلك هسه انجيب الملا وطلك
هاوري_اصبر اني اجيبه ها نرمين افرحي راح اطلكج
نرمين_عمو راح ايعذب الناس شلون اتوافق على هذا الشي
الاغا_حبيبتي لا تهتمين هذا الولد مصيره ايموت اذا مو اليوم باجر
هاوري وياه ملا اتفضل وصار الطلاك
نرمين _خلصت وحسيت نفسي انو صح مضليت يمه ولا شفت بيته بس حسيت بنفسي انو حره طليقه
وهاوري راح طلع بره والاغا طلب من الملا يبقه وطب الاغا يم علي تقربت على الباب اسمع الاغا وعلي اشيحجون وبالفعل شفته الاغا ايلح عليه يتزوجني وعلي مصر على انو ما يتزوجني متحملت فتحت الباب وطبيت جوه كلتله علي اني الي سويته علمودك معقوله انته هلكد اتضوج مني وتتهرب مني
يعني هلكد مكروها واكعه من عينك
وطلعت بره ما احس اله ايصيحني نرمين الاغا كبل طلع
تعالي اكعدي يمي واني رحت ودموعي اتصب من عيني وحضنته قصص عراقيه:
والاغا_اتفضل ملا تعال عدنه زواج واتزوجنه بالمستشفى ولاحظت على الشباك اشوف هاوري ايباوع بحقد وطب جوه يله يابه سويت الي طلبته هسه دورك تجي وياي كال حاظر اني بس اطلب من الله يرحمك ويهديك على الطريق الصحيح اني ضليت يم علي وكاعده وضلينه انسولف الاغا طب جوه ممحتاجين شي اجيبلكم لا
علي_لا اغا ما محتاج بس سلامتك
راح الاغا
نرمين_علي هيج انته اتحبني بحيث حطمت حياتك علمودي
علي مبتسم_ليش اني عرفت الحب غير من عندج وجان يدخل شخص للمستشفى
شاب حلو انيق بعز شبابه استاذ شلونك والاحظ علي يباوع عليه بستغراب شايفك بس ما اعرفك جاب دكاتره سوريين على راسه وضلو وياه وجرني
تعاي اكلج انتي شتصيرن منه
نرمين_اني زوجته
عــ الخير عليكم
نرمين_انته منو اني محمد كرايب الاستاذ
وطبينه جوه الاحظ الدكاتره مهتمين بيه
علي _انته منو
محمد_اني محمد استاذ شنو نسيتني
علي _ماشاء الله كبران صار كم سنه منكطعه اخباركم عني
محمد... سافرنه السوريا يم عمي وعمي جان مريض طلب انروحله رحناله والحمد الله جانت حالته كولش زينه وانطاك عمره وضلت املاكه النه والحمد لله
قصص عراقيه:
ودار وجهه عليه زوجج هذا جان يكسم خبزته ويانه وحالتنه جانت مو زينه
علي_محمد شلونك هسه بالدراسه
محمد _ استاذ هسه رابع اعدادي
علي_ماشاء الله عليك حبيبي
محمد_ ناوي اخلص سادس وادخل كليه عسكريه
يتبع....
الحكايه باقيه
