ما وراء القدر

part 1

البارت الاول
بقلمي ..

رجعت من السفرة اني وصديقاتي جنه مأجرين سيارة كية وصلتني لباب البيت شفت بابنه مفتوح طبيت وحدة من زميلاتي اسمها هدى صاحت وراي نزلت من السيارة لباب بيتنه اني بقيت فاتحة الباب واسولف وياهه رادت شغله من عندي انطيتها ردت اشاقه وياهه كتلها دشوفي سايقنه الصاك هسه مالت واحد يبوسه (هو ابيض وعيونه زرك ولحية شكرة  وكفشة هم شكرة ) اشو هيه ماضحكت ولا انطت ردة فعل طبعا اني من النوع الي انكت ويه البنات حته لو ما اعرفها وهاي مجرد زميلتي واني جديدة ع المدرسة فكتله
-هذا اخوج السايق
-اي
-هههه تره اشاقة مو تاخذيها صدك
هيه ابتسمت ومشت
اني بقيت مصطورة عززة العزاني شكد فشله خاف تروح تكوله ضليت باقيه اباوعلها لمن صعدت وراحت ع السيارة واني واكفة بالباب سمعت صوت من وراي
-دسدي الباب وطبي فضحتينه شيكولون علينه
التفتت هذا ابن عمتي عباس كاعدين هو واخوي بالاستقبال ويلعبون بلي وصايرين كدامي يعني يشوفوني كلت عزززه شكد فشلة اخوي  محمد جان ما منتبه يلعب مندمج اني دنكت وفتت من المطبخ تلكتني امي
-الله بالخير ان شاء الله تونستي شلونها السفرة
-الله بالخير والعافية والله ماما تونست كلش بس تعبانه فد مرة بس هذا عباس ابن عمتي شيسوي جاي
-يا ماما شنو شيسوي جاي نايم ع كلبج
-لا ماما والله مو قصدي بس داكول شعجب جاي من البصرة لهنا ومحد وياه لا عمتي ولا زنوبة اخته
-ابوج صاحه ديشتغل وياه بالشركة
-امممم بس هو ممحتاج عليمن يتعب روحه
-ماما هو الزلم هيج يحبون يعتمدون ع نفسهم وخطيه هو هم يرفه عن نفسه تعرفين مصاب ابوه مصارله هواي الله يرحمه
-الله يرحمه
( طبعا زوج عمتي ابو عباس استشهد قبل سنة )
-بس ماما زنوبه وعمتي شنو بقو وحدهم بالبيت شلون
-لا ماما وداهم لبيت جدج ابوي
-اها يلا ماما اني راح اروح لغرفتي ارتاح

صعدت سبحت ونمت كعدت وره ساعتين شفته ساعة 3 الظهر طبعا اعرفكم ع نفسي
اني مها عمري 18 طالبة سادس وهسه اني بفترة المراجعة واحنه عايشين بالنجف اما بالنسبة لشكلي طويلة 175 سم ووزني 60 وبيضه وعيوني لون اخضر وشعري بني فاتح وناعم عندي اخوي محمد مزوج ومرته اسمها زينة واختي اكبر مني بالكلية مرحلة 4 تخرجت هالسنة اسمها مروة
هسه تكولون هم سادس وهم تدور سفرات هيه وصديقاتها طبعا اني وصديقاتي اتفقنه نسوي سفرة نرفه بيه عن نفسنه واهلي وافقو من كد ما دوختهم من البجي نرجع لموضوعنه كعدت ب 3 الظهر اذكرت لازم الكيمياء الفصل الاخير اليوم اخلصه وبعد ما الحك بعدني احل باسئلة الفصل الي قبله كمت ابجي وبيدي كتبي رحت طلعت من الغرفه غسلت و رجعت بقيت الباب مفتوح وابجي وارجع لوره
-لا لا لويش هالعيون الحلوة تبجي
رفعت راسي ودا اشوف عباس واكف بباب غرفتي
-ما الحك والكيمياء لازم اليوم اخلصه واسئلة هالفصل شيبتني
-اشو جيبي خلي اساعدج
اني خفت لا يشوفنه اخوي او ابوي المهم هو بده يقريني ويختبرني لل 5 كملت اسئلة الفصل
(ابن عمتي عباس طالب كلية طب مرحلة اولى وخوش مدرس فديته 😻❤ عمره 20 صار وهو طويل اطول مني بشوية يمكن يطلع 180 هيج وجسمه حلو وكفشته تخبل ماي ولونه اسود ولحية وشوارب سود وعيونه بيهن لون عسلي وبشرته حنطية وهو الوحيد لامه وعنده اخته زينب اكبر منه )
اول ما كملنه قرايه جفتت اختي باوعتلنه ومشت هو اترخص ومشه واني رجعت اقره بالفصل الاخير سهل ومابي بس شكم ورقه اجت اختي
-عباس شعنده هنا
-ماعنده بس فهمني شكم سؤال
-اممممم 😉
-ونبي شبيج 😑
-يلا رجعي كملي قرايه وثاني مرة من تريدون تقرون بالصالة مو هنا
-اشرتلها اي ورجعت اقره