Doctor Sheerah! (SAMPLE ONLY)

One

®Fikrah Writers Association 🖊

       ©Jeedderh Lawals

          Assalamu Alaikum wa Rahmatullah! I miss you guys, so much! Hope you do the same? Doctor Sheerah is my new novel, ban yi alkawarin perfection ko samun yadda kuke so ba, sai dai nayi alkawarin in shaa Allah ba zaku yi dana sani a wanan doguwar tafiya da zamu yi ba. Ban kuma yi alkawarin bada update kullum ba, amma da yardar Allah idan na samu lokacin typing zan dinga watso muku cigaba.., now, idan kun shirya, sai mu nutsa cikin labarin koh?

                        

This is how I picture Kamal, how is he? 😊

   

                                        °•01•°

      “... A dalilin aukuwar wannan lamari, daya daga cikin wakilanmu yayi tattaki har gidan Alhaji Buba Samunaka, a inda yaci karo da hodojin Iblis kala daban-daban da wasu daga cikin muggan makamai. Ba a nan kadai ya tsaya ba, wannan mutumi daya kira kan shi da mai sonmu, yana safarar yara matasa maza da mata zuwa kasashen ketare, da sunan zai taimaka musu su yi karatu ko kuma zai sama musu aiki. Sai dai baya aikata daya daga cikin hakan, a takaice ma yana kaisu karuwanci ne da sa su taimaka mishi a safarar kwayoyi da yake yi... A yanzu haka akwai hotuna da wannan wakili namu ya dauka da kuma wasu da wakilanmu na sauran kasashe suka turo mana, yanzu za a nuno su...".

Mai gabatarwar ta yiwa abokin aikinta alama ta hanyar daga mishi kai, yayi wasu danne-danne a computer dake gabanshi, take hotunan suka fara displaying, tun daga kan makamai, hodar Iblis, har zuwa kan matasan da yake fiddawa kasashen waje. Sai da aka gama nunawa gabadaya kafin ta dora da..,

      “Wadannan sune abubuwan da aka gani a gidan wannan azzalumi kuma Annamimin mutum da yake ikirarin yana sonmu, a yanzu haka dai hukumar ‘yan sanda tayi awon gaba dashi. Muna fata duk wani dan kasar Najeriya da yake kishin kasar nan zai fito ya nuna rashin amincewar sa game da sakin wannan bawa da ake son ayi. Domin ayyukan ta'asar da yake yi sun fi karfin a kauda kai a kyale shi. Yana bata tarbiyar yara matasan mu, yana kuma bada gundumemen taimako wajen kashe-kashe da suke faruwa a wannan kasa tamu...

In shaa Allahu a shiri na gaba, zamu zo muku da hirarrakin da muka yi da wasu daga cikin wadanda Alhaji Buba ya yaudara, ya kaisu kasar waje da sunan taimaka musu wajen karatu, suka kare a gidajen karuwai. Karshen shirin ‘Kasar mu' kenan na wannan wata, wanda ni Badreeyah Abubukar, tare da abokin aikina Kamal Abdul-Qadeer suka gabatar. Wanda ya dauki nauyin shirin Alhaji Mustapha ministan sufurin jiragen sama, Engineer Zubair shi ya hada mana sauti har shirin ya samu damar isowa gare ku. Da haka nake cewa, mu hadu a shiri na gaba, cikin hukuncin Allah!".