روشتت النجاح

المقدمه

الحمد لله..والصلاه والسلام على رسول الله.. وبعد.

كل حاجه فى حياتنا روشته. روشته عشان تبقى أحسن روشته عشان تبقى انجح أنا فى الكتاب ده هشيل حاجات وهاحط حاجات هشيل الاوهام والهم والحزن والاحباط واليأس و هاحط بدلهم السعاده والتفاؤل إللى هيوصلونا بإذن الله إلى النجاح والشهره . اكيد كل واحد فينا عنده حلم عايز يحققه عشان النجاح من الأسباب إللى بتوصل للسعاده و الفلوس والشهره. وأهم حاجه الإحساس بالذات فتعالوا نعرف إزاى نحقق أحلامنا ؟.

هبتسم على طول مهما فشلت لأن الفشل عمرو مهيدوم ولو مكنش فى فشل عمرنا مهنحس بطعم النجاح .زى كده لو مكنتش تعبان عمرك مهتحس بطعم الراحه

الفصل الاول:

انا مش هكتبلكوا عنوان الفصل ده انا هحكيلكوا قصص ومنها هتعرفوا ايه عنوان الفصل ده

القصه الاولى:

نيوتن كان قاعد فى مكتبه بيفكر فى تجربه جديدة طبعاً عالم كبير عايز هدوء بس القطه بتاعتوا كانت لما تحب تدخل المكتب  تقعد تنونو فيقوم يفتحلها الباب وبردو نفس الحكايه لما تحب تخرج. فقعد يفكر يعمل ايه فى المشكله دى لحد ما عرف إن الحل الوحيد انه يفتحلها فتحه فى الباب. المهم إن القطه دى ولدت ثلاث قطط كمان. قام فاتحلهم ثلات فتحات فى الباب هو مأدركش إن فتحه واحده هدخلهم كلهم وهتخرجهم كلهم . طبعاً بوظ الباب. الحقيقه إن الحاجه إللى بتركز فيها بتبقى فيها زكى والعكس صحيح يعنى مفيش حد مولود زكى و حد مولود غبى. الحكايه  وما فيها إن الناس بتخاف من الفشل فمبتحاولش وبتقول أى حجج  رغم إن الفشل مش وحش حد يقولى إزاااااااااااى؟ لأن الفشل هو بدايه النجاح تعالوا نشوف كل الناس الناجحين. إللى فشل و إللى إترفض وإللى و إللى و إللى وبعدين لو مفيش فشل إزاى هتحس بطعم النجاح؟. بس لحظه الله لا يكتب على الناس الفشل . ربنا بيوفر للناس الفرص وأسباب النجاح بالتساوى كل واحد بياخد حقه 24 قيراط .ربنا إسمه العدل مش           العادل بس فى إللى مش بياخد باله وفى إللى مش عايز يتعب.المهم الواحد يعمل إللى عليه. حاول و إنتهز الفرص و إفشل و حاول تانى.اه هتحبط شويه وهتزعل شويتين لكن إنك متحاولش عشان متفشلش ده الفشل بعينه. المهم إنك تسعى و تتوكل على الله (إن الله يحب المتوكلين) و على فكره محدش ضامن النجاح و سعات النجاح بيجى صدفه أنا و أنا بكتب الكتاب ده مش واثقه إذا كان هينجح ولا لأ ولكن يكفينى شرف المحاوله و أقول للناس إللي مكسله ومش عايزه تتعب ما إنت كده كده تعبان. تعبان لأنك لو إشتغلت هتشتغل الشغله إللى إنت مش بتحبها لأن إنتى بتبقى عندك أحلام و مكسل تشتغل و تتعب عشان تحققها فهتشتغل أى شغله و هتنقلب حياتك روتين ده غير الندم وتأنيب الضمير بإنك المفروض تبقى أحسن من كده. طب التعب ده ولا التعب فى سبيل حلمك و بعدين نجاح