قصة_حمزة مع دعاء

بارت 2

قلت ليها صافي و انا عارف راسي ماغانديرش هادشي غير باش نسكتها و صافي عشيا جا عندي هشام بركنا ، قاليا كاين شي جديد قلت ليه داكشي لي گالت ليا ختنا قاليا نجربو بان ليا باغي يجرب دبصح بقى معايا حتى قنعني بحجة الملل و اشنو غادي يوقع گاع الى جربنا ، بقى تايقول ليا نجربو نجربو حتى وافقت و الواليدة ديالي كانت خدامة داك النهار و ما كانت غاتجي حتى ل9 ديال ليل ، والدار خاوية يعني نديرو لي بغينا ، مشيت جبت التصويرة و گلست كانتسنا هشام يجي شوية و هو يدخل وضفاك جايب ليا فلوس ديال درهم
حمزة : من نيتك اصاحبي
هشام : اودي بحال بحال عرفتي فروج بلدي شحال ساوي دبا
خدينا ديك التصويرة و كتبنا دوك الكلمات فظهرها قلت ليه وا دبح دبا نتا الفلوس مانقدرش قاليا ارا و دبحو ناري ما خرجش منو بزاف ديال الدم خرج غير شويا حطيناه فوق ديك التصويرة و بقينا كانتسناو شي ربع ساعة ....موقع والو شفت فهشمام قلت ليه الصاط ما وقع والو ختنا غير كاتضحك علينا و لا الفلوس لي جبتي هو سبابنا قاليا صافي اصاط هادشي غير كدوب ما خسرنا والو مني جربنا ، مهم حيدنا هاديك التصويرة و نقينا البلاصة هو مشا لدارهم و هيا تجي الواليدة ، دخلات ما دواتش معايا حتى السلام ما قالتهاش ليا قلت غاتكون مريضة من الخدمة و لى شي مشاكيل ، ما غاديش نقلقها خليتها طرونكيل ، سديت لباب من الداخل و هي دخلات للحمام مشيت انا لبيتي بقيت ناعس حتى سمعت الدقان .. والو ماحلاتش الواليدة لباب بقيت شي 5 دقايق و الدقان باقي و انا نوض نحل الباب فاش حليتو كانت الصدمة ديال بصح ..