واحنا ماشين كده سمعت واحد من الاولاد ديل ياخ البت دي نجاضة لازم انجزها💔 قلت ده يمكن للبت المعاي دي 😑 بالاصح الشافعة المعاي دي😂😂 بقلبي قربت اقول ليها جيبيها بشيلها براي😂😂 واحنا ماشين كده جو اولاد مزز يااخ 😍 البت المعاي دي قالت لي شوفيهم يا ايلاف قرض كيف😢 قلت ليها انا شيخة ما بعاين للاولاد😂😂😂💔 وانا بعاين للولد لمن اعرف شرابو لونو شنو 😂😂😂 قالت لي صحي 😃 قلت ليها كان ما كده ما كنت عرست زمان 😂😂💔 قالت لي الله يهديني واكون زيك 😎 يااخ انبسطت انبساطة 😂😂 قلت ليها لو عارفه الراجيك شنو حا تفي لنفسك سبعه مرات😂😂 قلت ليها قلبك قوي تستحملي تخدمي في الشفع الكنتي بدقيهم لما يبولو فيك 😂😂😂 البت طوالي قعدت تقول يا رب لا 😂😂لمن قربت تفك الصينية 😵 قلت ليها الصينية دي بعمرك كلو 😂😂 قالت لي عمري صغير 😂 اجي يا مغرزة الشفع😂 قلت ليها شايفاني كنت بلعب مع امك 😑 ختينا صينية العشا في الطاولة 💔 قالت لي تاني ما اظن مافي ناس ما اتعشو صح 🤗 قلت ليها والعتالية الكانت بترفع اسي دي 😑😂 قعدت تضحك 😂😂 قلت ليها بطلي ضحك😑 عيني لي صحبتي هديك ليها قاعدة زي الكلبة الحارقة البول😂😂🙊تعااين سااي حننتني😂😂 قلت للبت المعاي وصحبتي ديك برضو ما اتعشت وفي بتين جوا برضو ما اتعشو 😎قلت ليها امشي انتي خلي واحد من الاولاد ديل يجيب الصينية 💔 وانا بمش بنادي البنات من جوا😎 قالت لي لالا امشي انتي للعشا 💜 وانا بمش للبنات 😍 قلت ليها انتي ما بيك البنات ماشة محل الاولاد ماشين ديلك بس😂😂 قالت لي مالي اخدم بدون فايدة😂😂 الشافعه خلعتني 😂😂 قلت ليها سمح طيري 💔 جاتني ليك جوعه كده احر من البورة 😂😂 مشيت طوالي محل الصواني 💔 وانا ماشة لقيت الشافع الصغير داك الشبعتو دك😂😂 جا ماري بعندي وقال لي السلام عليكم😨 شكلو ما عرفني😂😂 متغيرة للدرجة انا 😂😂 كان ما انجزت برجع للشافع ده يفلقني تاني😂😂وصلت 💔 وكانو نفس الاولاد القاعدين من قبيل💜 جيت قلت ليهم لو سمحتو☺ ممكن تدوني صينية 😎 واحد فيهم قال لي جدا لو عايزاهم كلهم بنديك ليهم😊 قلت ليهو امم استظراف حلو😊 زوقك وكده 😊 طيب ممكن تشيلها توديها لي هناك 😊 قال لي وانا اقدر اقول لأ😎 قلت ليهو طبيعي انت بتستظرف كده😑 قال لي لأ اللحظة بس 😊 قلت ليهو طيب خليها ما تشيلها لي شكرا 😕 قال لي زعلتي ليه ☺ واحد من المعاهو ديل قاليهو كلمتك مش 😂انا بعاين ليهو بعيوني بس😑 جا حازم 🙄 قاليهم شباب عليكم الله لحقوني اقرب صينية جاهزة سرريع😎 قالوليهو جاهزة ماف غير دي 😄 وعايزاها البت دي 😶 قال لي عايزاها مستعجلة ولا بتنتظري غيرها😥 قلت ليهو لأ شيلها عادي 🤗 ومشيت منهم 💔 سمعت واحد منهم قال ليهم كبرت في نظري اكتر 💜 بالله نسيت الجوعة زاتوو😂😂 اخيرا في من رفع معنوياتي😂😂 قعدت مع صحبتي لقيتها ممحنة😂😂 قلت ليها ممحنة مالك 😕 قالت لي الما بخليني اتمحن شنو😂 مزندة زي العندي إفتاق وجعت لمن عيوني وقعن😂😂😂 قلت ليها الجاابرك شنو ما براااك 😂😂😂 قالت لي الخوف بعد التزند ده ما اطلع بحاجة بتشلا 😂😂😂قالت لي العشا وينو 😶 تعشو الملة كلها وتنسوني انا 😂😂 قلت ليها ما تمشي براك مالك 😂😂 قالت لي عارفاني براك كان ما علبة الكبريت اللابساها دي بمش بغرف من الحلل😂😂😂😂 قلت ليها اخيرا قلتي سبب بورتك😂😂 قالت لي العرس ده قسمة لكن ملي البطن ده اجتهاد 😂😂 قلت ليها اسي شكلو كده ما حنأكل الا في بيتنا😂😂 قالت لي ليه 😨 قلت ليها الصينية المفترض تجي هنا شالها حازم قال مستعجل عليها😄 قالت يحز راسو اليصبر لي 😂😂 شالت تلفونها وقعدت تتصل 😎 قلت ليها عايزة تتصلي بمنو 😏 قالت لي بي رااجلي انتي مالك😂😂 قالت الووو يا ززفت انا اقعد ليك جعاانه ولا كييف تشيل صينيتنا ليه 😕 قال ليها بس انا ما عارفها حقتكم وبعدين سألت البت قلت ليها مستعجلة عليها ولا بتنتظري☺ لما قال البت دي زعللت زعل 😠 يعني غالبو مثلا يقول ايلاف 😕 يلف قطرو😕 لكن سمح بردها ليهو اليصبر لي بس 😕 قالت ليهو يلا اسمعني الحفلة دي ما الباقي ليها كتير الساونات ركبوها كان ما اكلتوني بفصل ليكم فيوز الكهرباء😂😂 سررعه جيب الاكل ده 😂😂 قاليها وانا بفصل الفيوز يوم حفلة عرسك ده لو عرستي طبعا😂😂😂😂 قالت ليهو يعرس ركبيك سررعه يلا 😂😂 وقفلت منو💔 قلت ليها اسي الكرشة مع الاسكيرتي دي حا تقيف كيف😂😂😂 قالت لي تقيف مناعتك😂😂 ما عندي كرشة اصلا 😂😂 قلت ليها البركة في الاسكيرتي اللماها ليك😂😂😂 قالت لي اسكتي منيي😠😠😂😂 قلت ليها سكت حسك 😂😂 في كلامنا داك شايفة حازم بتلفت وشايل الصينية في يدو عايز يعرفنا وين😏 حلفت ما ارفع ليهو يدي 🙄 شافتو فطومة ورفعت ليهو يدها وجا 💔 لما جا يختها قلت لي فطومة ده الولد الشال الصينية 😏 بس كده اتسديت حقي💜💜 عااين لي كده😠 شفتو بطرف عيوني ولا عيني ما رفعتها فيهو🙄 قال لي فطومة يلا انا ماشي عايزة حاجة تاني يا اشعب😂😂 قالت ليهو عايزة بارد 😂😂 قلت ليها طاحونتك دي تقومي بيها كيف😂😂 اسمع ليك الولد بضحك ما قايلاهو لسه ما مشى 😂😂 سكت سااي 😂😂 قالت لي يطحنوك بي حجر 😂😂 قلت ليها براك 😂😂 قالت لي اها يلا ارح ناكل 😍 قلت ليها برانا لسه البنات ديلك ما جو😥 قالت لي بعد لحد خمسة جو جو ما جو بأكل 😂😂 عدت لحدي اربعه كده البنات جن😍 بنات تقول واقعات من مجلة سيدتي😍😍 قلت لصاحبتي اسي ديل بياكلو زينا 😂😂 قالت لي اظن بياكلن سيريلاك😂😂😂 وصلننا قلت للبت الكانت معاي قبيل ديك 💔 سنه الحالة كان ما تناديهم بس😥 قالت لي قلنا نتجهز مرة واحدة للحفلة ونطلع💔 سجمنا نحن الهمنا في بطنا 😂😂 قلت ليها والحفلة الباقي ليها كم 😎 قالت لي عشرة دقايق بس💔😢
