الأم : لج كومي الساعه بال٧ ونص كومي
ايلول: اوووووف يمه مااريد اروح ماالي خلك وكلبي ناغزني
الام : كومي ان شاء الله ماكو شي
ايلول: حكوم اوك
كمت غسلت وجهي وفرجت اسناني
اهاا نسيت اعرفكم عن نفسي
اني ايلول عمري ١٧ سنه اني خامس علمي
واول البارحه عطلت خلصت امتحانات اريد اصير دكتوره جراحة دماغ
اني مواصفاتي عيوني خضر طووخ وبشرتي سمراء بس سماري حلوو
ورشيقه وشفتي ورديه
وخدودي بيهن غمازات خفيفه مامبينات
وشعري اسوود ليل
وقزمه والمدلله عند بابا هم واحب الرسم
واعرف اطبخ واني محجبه عائلتي متكونه من
بابا : مهدي عمره ٤٣ عنده شركات
ماما : أميره ربة بيت عمرهه ٣٣
اخويه : حسين عمره 16 سنوات
اليوم رح انروح لبيت خالي الوسطاني
هو عايش بالنجف واحنه بكربلاء بس ماادري ليش كلبي دينغزني من البارحه
صعدنه بالسياره دنسوق عادي والشارع كله سيارات فجأه
طلع ولد وجهه دم وبابا ميدري وسحكه ونزلنه شفناه ميت انخبصنه وديناه للمستشفى
واجو اهله طلع الولد مريض بالقلب وجماعه عدهم عداوه ويه ابوه وضاربيه
بس اهل الولد كالو خنسوي كعدة عشاير
ما عرفناكم على عائلة البطل
علي : اني علي عمري 23 سنه ادرس جامعه مرحله خامسه
اني اريد اصير دكتور قلب مواصفاتي
عيوني زرك واني اشقر بس شكاري طووخ
عندي غمازه صغيره بخدي واني العب حديد وعندي كفشه
والحمدلله بابا عنده شركات خير من الله عائلتي مكونه من
بابا :محمود العمر ٤٩
ماما: منى العمر ٤٥
خواتي التؤام :لينا ولانا عمرهن ١٨ هنه بالسادس علمي
يردن يصيرن مهندسات مواصفاتهن بيضات وعيونهن عسليات وعدهن غمازات
اخويه :علاء عمره ٢٠مريض بالقلب ويشرب خمر
ميهتم ابد واحنه كرهنا صارله سنتين مريض والدكتور كال عنده ب ٣ سنين يبقه عايش
فديوم جنت دااساعد بابا بالشركه اجاني تلفون
وكالو انو اخويه مات اني تدمرت صح يشرب وبابا تبره منه بس شمايصير يبقه اخويه
رحت كلت لبابا بابا انهار رحنه للمستشفى شفنه الساحكي
واتفقنه نسوي كعده عشاير
أيلول: رحنه للمستشفى واجه زوج عمتي اخذنا لان هناك كلهم رياجيل
ف بابا كال روحو مر يومين وبابا راح هو وزوج عمتي علمود الكعده مال عشاير
علي : وره يومين صارت الكعده مال عشاير اني
بالهيومين فكرت اخذ البنيه لانووسمعت عنده بنيه مدللهه بس ماا اعذبهه لا لا اخذه وازوجهه فكلت لبابا وكال ميخالف بس منعذبهه لا هي مالهه ذنب كتله بويه تامر امر
المهم اتفقنه على فصل ١٠ ملايين
وفصليه فالابو كال كل شهر انطيكم مليونين ماعندي هالفتره احنه
عذرناه وكلناله ميخالف بس هو تخربط بس كلناله نريد بنيه فصليه
مبين مدلله كلش بس اني حدلله اكثر
ايلول :اجه بابا واجه رأسن شبكني كتله بابا شصار وبديت ابجي لان عرفت
حياخذوني كال يردوني انطيج فصليه كتله شنووووو ( بصياح) كال بابا اذا مارحتي
يكتلوني انتي ترديني اموت كتله لا بابا بس ماكو حل ثاني كال لا ماكو
كتله اوكي اروح كلي والله بويه ماادري شلون حنطيج الهم البيت يصير اضلم بدونج
كتله بابا لتخاف اذا صيحو عليه اهفهم بالطاوه
اني لو هسه شومنو يبجي او عصبي رأسن اضحكه ومااخلي ينقهر
المهم وره يومين بابا كالي حضري روحج باجر الصبح ب٩ اخذج كلته اوكي
الام: لاااااا على جثتي مااخليهم ياخذون بنتي لااااااااااااااا
لا فدوه اروحلك لتخليهم ياخذون بنتي مني
