ظلمات الحياةة

Part.3.عودة الى الماضي

اياد.لمن وصلنا للبيت بحلب جانت شمس فرحانة كللش وكأنهة اول مرة تشوف بيت جبير حسيتهة كأنهة الطفلة مالتي هية سحرتني بشكل لا يوصف حبيتهة كللللش ماكد اعوفهة بعد بس اني ما اريد ابينلهة هذا الشي الى ان اتأكد انو هية تحبني لان ماريد ينكير كلبي مثل ماصار بية قبل....

قبل ثلاث سنين..
اياد.جنت شاب ولا اي شاب
جان كلشي بية كامل ماجنت اأذي الناس مثل هسة فبيوم من الايام اجتي بنية انارت كل كلبي مثل ضوء بنص الظلام جان اسمهة رسل بنت عمتي جانو عايشين بترابلس بس لمن مات ابوهة اجتي هية وعمتي بحلب يمنة بوكتهة جنت كلش فرحان لانهة راح تعيش ويانة لاني جنت معجب بيهة من الطفولة جانت حلوة ولطيفة ومحترمة بعدين اكتشفت اني احبهة

الساعة.9:40 ليلا

بس لمن رحت اعترفلهة اكتشفت بانهة تحب احد غيري جانت تحجي وية عمتي على واحد اتحبة لمن اسمعت هذيج الكلمة كعد شي بداخلي كأنه جان وحش متخبي بداخلي بوقتهة عرفت اني جنت اعيش داخل وهموانو كل الحب اللي جان الهة...مات مع كسرة قلبي...بعد ماحبيت احد غير ابوية واخوية بكر..
رسل.جنت دائما احب اياد بس جنت استحي اعترفلة جان دائما لطيف وياية وظهرلي حبة بطرقة الخاصة عالاساس بالصدف بس اني جنت اعرف انه يموت علية
قرررت اكول لمامة بشكل غير مباشر
رسل.اكلج مامة
لمياء(الام).ها رسل؟
رسل.اكو واحد احبهة واريد اكلج عليه
لمياء.صددك منووة ومن شوكت وليش مكايلتلي؟
رسل.قبل شهرين جنت دائما اريد اكلج بس جنت خايفة خاف متقبلين
لمياء.اذا ابن حلال فليش لعد ارفض؟
رسل.ماعرفتي؟
لمياء.لا منو لعد؟
رسل.اياد
لمياء.بس هوة ايحبج لولا يعني معترفلج؟
رسل.لا بعده بس اني متأكدة انو ايحبني
لمياء.باعي لو يحبج جان اعترفلج لعد ليش ما معترفلج لحد هسة؟
رسل.لا تخافين مامة اكيد راح يعترفلي
لمياء.بس اذا ماعترفلج ماريد ينكسر قلبج وتوكفين حياتج علمودة
رسل.اكيد
بس بعدهة الصبح اتغير اياد كللش علية جنت لمن احجي وياه يحجي وياية ببرود وكأنه ميحبني ماجن رايدة اخصرة لذا حاولت جهدي اني ارضيه وارجع ثقتة بية بس مافاد وبعد سبعة اشهر امي رادتني اتزوج بس اني ضليت اتحجج بالكلية واخلص دراستي علمود ابقى وياه جنت دائما اراقبة لمن يرجع من الكلية وهوة تعبان الى ان قررت اعترفلة

الساعة.12:30 بعد منتصف الليل

رحتله بغرفتة جان نايم ماردد اضوجه لذلك تركتله رسالة لان امي جانت امهددتني انو اذا ماعترفتلة اليوم فوكتهة هية راح  تخليني انسى حبة وانسى ان جنت احبة
كتبتلة بهاي الرسالة كلشي داخل قلبي كل مشاعري وكلشي احسه دجاهة جنت متأملة انو يكعد ويتأسف ويعتذرلي  بس للأسف خيب ضني بي كعد كأنو ماكو شي وضل يتجاهل حبي الة وقررت امي تنسينياه بس اني لحد هسة احاول اكسبة وما نسيته طول هالثلاث سنين على امل يرجعلي بيوم من الايام.....
سميرة.جنت كاعدة دا اتفرج بعدين اتذكرت اخذ الدوة مالتي اللي جابلياه اياد ضليت ادور عليه بس مالكيته كلت خلي اروح اكول للاياد وين حطة فلمن رحت جان اياد نايف شفت ورقة على الكومدي فلمن قريتهة انصدمت....
الرسالة من رسل
اياد اني جنت اعرف انك جنت اتحبني ولحد هسة تحبي بس ماعرف شنو اللي خلاك تتغير هيجي فاليوم قررت اكلك كلشي بكلبي على امل ترجعلي اني احبك وما اكدر اعيش بدونك ماريدك تتجاهلني وتتجاهل حبي الك بهاية الطريقة لمن اشوفك تضحك اني هم اريد اضحك لمن تبجي اني هم ابجي احنة انولدنة لبعض ومالازم نفترق بهيج طريقة اتمنى انك متعوفني...مع حبي...رسل
لمن قريت الرسالة ماكدرت اسكت على هذا الشي اياد لازم يتزوج البنية اللي اني اختارهة وبس ومستحيل تكون رسل لاني مستحيل اتقبلهة جنة الية 

اتمنى عجبكم البارت ولاتنسون المشاركة وتصوتون علمود تشجعون وتعلقون بأرأكم تجاه القصة وبعض الافكار هم....