ملك روحي(الجزئين )

الفصل الخامس والأربعون(الجزء الأول )

زادت حالة رزان سوءاً واضطروا لوضعها في العنايه المشدده بينما زاد بكاء حلا ....

وذلك في حين ان الجميع يجهل الوضع ولا يعلمون ما الذي يحدث بالتحديد ولماذا كانت رزان تريد انس ..

انس بهدوء وهو يربط على كتف حلا:
-خلاص اهدي هتبقي كويسه بأذن الله لازم تيجي معانا ترتاحي شويه لأنك مش هتقدرى تدخليلها خالص دلوقتي .

نظرت اليه بغضب لتصرخ:
-انتَ مين اصلاً عشان تقولى ارتاح ولا مرتاحش وبعدين اروح معاك بأمارة ايه لتكون فاكر انك اخويا بجد ...ولو فعلاً طلعت كدا مش عاوزاك ولا عاوزه حاجه منك انتَ وابوك .

لم يرد انس ان يطول الموضوع فأشار لملك لتتكلم ...

لم تكن ملك تفهم اي شي ولا حتي الأخرين ولكنها اخذت حلا في حضنها قائلةً بحنان ورفق:
-لا متخافيش مش هنروح الفيلا انتِ هتاجي معايا انا شقتي تريحى شويه عشان تقدرى تاجي تشوفي بعد طنط بعد كدا لأنك لو فضلتي كدا مش هتستحملى وبدل ما تخلى بالك منها مش هتقدرى تهتمي بنفسك حتي .

انصاعت لها حلا فأوصلهم مالك بأمر من انس حتي لا يزيد توترها وجوده هو معها بينما ذهب هو الى منزلهم حتي يواجهه والده...

ضرب باب المكتب بقوه ليفتح مرتطماً بالجدار خلفه مما افزع عزت ...

لم يكد يتكلم هو الأخر وهو يقف من مكانه حتي وجد لكمة تأتى اليه من انس تليها اخرى وهو يصرخ فيه :
-انت مش انسان انت حيوان ازاى تعمل كدا ما القتل بقي عاده عندك ايه يا اخى حرام عليك عاوز تقتل ام بنتك للدرجه دى معندكش دم .

لم تكن الفرصه تسمح لعزت بالكلام بسبب ضرب انس المبرح له بينما اتى يوسف واسيل على صوت انس ومن بعدهم اتت نرمين واختها سعاد التى كانت موجوده فى المنزل..

ابعده يوسف عنه بقوه بينما صرخت والدته :
-انس انتَ اتجننت بتضرب ابوك .

-ايوا واقتله كمان متعرفيش ان الأستاذ كان متجوز .

صمتت نرمين ليقول انس بغضب :
-يعنى عارفه ووافقتى رغم كدا ترجعيله .

نرمين :
-لا ..هو طلقها من زمان .

-اه ويا ترى بقي تعرفى ان عنده بنت منها ..ولا تعرفى انه حاول يقتل طليقته دى رغم انها مريضه اصلاً ...ولا تعرفى حاجه عن شغله المشبوه ..
ولا اقولك الكبيره تعرفى انه عمره ما حبك او حب طليقته حتى وانه كان بيحب والدة ملك وعشان كدا قتلها هى وجوزها ...

انهارت نرمين من كلامه فأحتضنتها اختها :
-خلاص يا حبيبتى اهدي .

ثم وجهت كلامها الى انس :
-وهو دا كلام تقوله يا انس لوالدتك وازاى تتهم والدك بحاجه زى دي .

حاول عزت الدفاع عن نفسه ولكن انس لم يقبل واغرمه على اخذ اغراضه والخروج من المنزل ...