فدا :
وكفت اطلع من الغرفه ومروة لزمت ايدي قوي متريد اروح
-عمه فدا ابقي يمي نباوع كارتون
مسحت دموعي وانداريت عليها وابتسمت
-اي حبيبتي تعالي بغرفتي فوك ونشوف كارتون
التفتت تباوع على ابوها وحسيت بيها خايفه منه ورجعت كعدت وسكتت تقربت منها
-يلا كومي مراوي بغرفتي نصعد
-لا هنا ابقى اخاف بابا يصعد
كالت هالكلام بصوت ناصي وتباوع اله هو مسوي نفسه نايم
-معليج انت ويايه صاعده يلا حبيبتي وهم عندي حلويات فوك ناكلها
ابتسمت وطلعت تركض روحي تنعصر من اشوفها تنكز بمشيتها يمكن رب العالمين زرع بقلبي رحمه لليتامى شمس من يوم تيتمت واحس روحي امها ومروة صارلي يومين هنا صرت حتى اريدها تكلي ماما ما اعرف احس عندي ملكيه بيها يمكن لان بنته صعدنا بالغرفه وفتحنا التلفزيون وطلعنا الحلويات وكعدت يمي عالسرير
باول يوم وحسيت بملل شنو يعني بس كاعدة ما اعرف هيج شي يعني لا زرع نطلع لا بستان كل شي ماكو قررت اطلع العصر بالحديقه مالتهم هم كلش جبيرة واكيد اكو شي التهي بي
انفتحت الباب رفعت راسي رضا فات اباوع مروة كامت متعرف شلون تطلع
-وين رايحه مراوي
-اريد اروح يم جدة
-ليش ما تبقين
-لا اروح
كمزت من يمي وطلعت مذعورة يا ربي شبيها هالطفله رضا واكف بالباب طلعت سدها وراها وتقرب وبأمر يحجي
-مروة ميصير تجي بالغرفه
-ليش يعني شمسويه الطفلة خليها تصعد اظن الي حق بالغرفه اني هم
-فدا كلت حجايه وما اعيدها البنيه تنام يم جدتها من زمان ما راح يتغير شي فاهمه لا تعلميها تغير اللي متعودة عليه
-ومنو كال انيمها يمي بس تصعد ما امنعها
-شوفي ادري بيج تكرهيها لمروة وما تحبيها دور الام الحنون لا تمثليه عليها كدامي او بغيابي
-هاااا خايف على بنتك مني اي صح مو اني اللي اغدر بالناس اني اللي ابين حبي الهم وبعدين اغدرهم
-لا تحجين شي انت ما تعرفيه اني غدرتج اي صح بس افتهمي اهلي ما كدرت اعوفهم واني اكبر واحد عدهم ومعتمدين عليه بكل حياتهم اجي اكسرهم على كبرتهم ابويه بهذيج الفترة كان ينازع ومريض وطلبه الوحيد اخذ بنت عمي واستلم الشيخه بعده شتعرفين انت عن اللي صار بيه ها وجايه اليوم تعاتبين وتلومين تدرين شكم مره ابوي فات للمستشفى لان اطلع عن طوعه واكول الهم اريد فدا واوكف اصيح عليهم واني ادريه مريض وعلى ساعه يموت
-وخليتهم يتهجمون عليه وختلت
-قسم برب العالمين ما دريت بشي الا بعد سنتين من زواجي اني اللي ادريه امي فهمتج وتفاهمت وياج بهداوة هيج وصلني
عفته وابتعدت ما اكدر انسى شي وهو اهله ما قصروا عرفوا شلون يخلونا كل واحد جوه نجمه شويه واتقرب كعد يمي بس اني ما انطي اي مجال يحس بضعفي لو صدك حبني كان اخذني حتى لو ثانيه اقبل بس هو ما سواها وبنت عمه ضلت عزيزة وكل ما تجي يم اختها اشكال يسمعني حجي على دلالها وونستها وحياتها الحلوة عنده واني اموت الف موته من اسمع
