يوم الخميس… موافق 3-9… ..ساعه8p.m
استيقظت على صوت مضيفه الطيران الجميله
انستي… لقد وصلنا
استيقظت وانا بحاله من الهستريا الرائعه والشعر المبعثر
واخيرررررررررررا… اني بكوووووووريا
ههههههه طبعا هذا حلمي ادخل كوريا والحمدلله وصلت
… ..اوكفو اوكفو خلي احجيلكم من البدايه شلون وصلت كوريا… وبعدها نكمل شنو صار ورى ماوصلت كوريا…
flash back#
حرجعلكم بالاحداث
طبعا اول شي اني نور
عمري23
من العراق
اتخرجت صارلي سنه من كليه هندسه الاتصالات بالجامعه الامريكيه في دبي
طبعا مااحب هالاختصاص بس بعدين اكوللكم ليش اختصيت بي
المهم رح احجيلكم عن عائلتي شوي ولو نبذه مختصره
احنه عائلة تتكون من 6اشخاص
بابا.. الي هو سلطان البيت ههه فوديته
وماما.. وزاره الداخليه
اختي ساره اكبر مني بسنه وهي اقرب شخص الي بالبيت
هي فنانه مختصه بالرسم اتخرجت من كليه الفنون قبل سنتين وانشالله بنهايه السنه تفتح معرض لاول مره
طبعا مو وحدها بمساعده الحبيب هههه خطيبها اسمه حسن هو عراقي اتعرف عليها بالكليه وطبعا جانو روميو وجوليت واخيرا انخطبو يلا ارتاحيت…
هااا نسيت اكولكم اختي عكس شخصيتي انسانه متزنه وعاقله… واهم شي هادئه ومطيعه مااعرف شلون منسجمه ويايه.
.
.
.
وعندي اختين تؤام يارا ويسر عمرهم 18سنه
طبعا هذولي عايشات عالم وحدهم ..يداومون بالسادس اعدادي
حابات يصيرون دكتورات
طبعا كلش خبيثات ويايه يغارون مني مااعرف شنو هههههه
لاجذب هم حبابات بس مجنونات مثلي
.
.
.
.
باختصار هذولي عائلتي
خلي اكوللكم ليش اني صرت مهندسه واني مااحب هالاختصاص
طبعا ابويه جان حاب يصير عنده ولد بس الله مارزق الحمدلله
جان حلمه يصير عنده ولد مهندس يستلم شغله من بعده
