Gun N Roses

Gun n Roses part 1

Gun n Roses Part 1

Pagi ti cukup iya penyelap datai ba untak tulang cukup ngasuh Lyana bebungkul enggau pua tebal atas tilam .Jam pagi nya udah nunjuk ka pukul 6.00 pagi umbas alai iya dani nurun ka sekula .Benung agi belala ka tinduk dia Lyana dani ngenyit nyepi diri ka jempuk di imbul urang enggau ai .
"Dani !!!Hey Dani !!! "Ko nyawa nya ngerak iya lalu nanjal pala iya.Lyana dani nyepi diri nyau jempuk memuyul ditanjah enggau ai .Maya ka muka mata dia iya meda indai tuai kira iya berumur 60an bakanya .Gamal indai tuai nya redu redu sereta kuring mata merening iya ka angkat ari tilam .

Indu nya meh ibuk iya benama Lata suba ibuk ia nya cukup mentas enggau iya tang sepengudah iya ditenah ngencuri marik enggau duit ibuk iya nyau begedi meda iya .
"Makkk !!!"Dinga ko nyawa indu dara ba bilik sepiak iya nyau rauh rauh pagi ari .Nama indu nya Sebai ngembuan ati ti jai ngagai Lyna sereta kamah pendiau .Ba bilik iya bau pemakai enggau bau keding peluh kelimpah ari nya bilik iya mega bau kecai laban ka nutu bau pemakai ba peninduk iya nya kebuah pama Sebai selalu aja rauh rauh pagi laban bisi kecai enggau iya tinduk .

Ninga nyawa Sebai menuh ka sukut ruang rumah nya indai pen segadat kaki ngesah anak indu iya nya .
"Nama asi nama jawai ...nama utai ngasuh dik nyerauh ...ni munsuh !!..."ko nyawa Ibuk iya dinga Lyna ari sepiak .
"Kecai mak kecai tama baju aku tadi...eeeeeee werkkk"ko Sebai ngaga mua keji sereta ka muntah nyium bau kecai ba baju iya .
"Kecai pia ..sangka aku bisi munsuh tadi anak ..uuu kasih anak aku takut ka kecai .Ummm anak asi mak iya udah dara agi takut ka kecai .."pia ko iya bisi geli ati meda ulah anak dara iya ti enda agi baka runding nembiak mit taja udah dara .

Sebai nya rambau Lyana sama sekul sama kelas nya kebuah Sebai selalu aja beduan sereta jai enggau Lyana .Lyana ka ninga jaku nya ngilik ka pala lalu angkat mandi laban udah mandi legi iya diasuh ibuk iya nyembi gari.Udah tembu mandi Lyana lalu nyembi gari ti dibasu iya lemai kemari .Bakanya meh pengawa iya ari siti ari siti pama udah pulai sekul ujung minggu laban iya ka diau ba asrama.
"Ooohhh Lya ...enti udah tembu nyembi gari nyumai ka Sebai asi guring lapar iya .Udah bilik sapu alu buai sampah legi "pia ko ibuk iya ngangau ka iya .Siti ibuk iya manah taja pen ngaga iya bakanya duit belanja dikena iya sekul 20 ringgit dua minggu sekali pulai .

"Ohhhh mak nama nadai utai dempa ba mija tu ."pia ko munyi nyawa Irec baru dani tinduk bekau ka mabuk demalam .
"Ohhh Lya nama pengawa dik haaahh perut aku tu lapar nemu dik .Utai dempa nadai ba dapur tu ...."pia ko iya kucau kucau ngerebak ka periuk ti bisi lauk kemari .
"Aok aok ...nganti aku tembu nyembi gari dulu "Ko Lyana nyaut ari luar .
"Nadai sabar sabar lapa enda nyumai ka diri utai dempa ..kumbai sida iya ama tu .Diau ba rumah diri nyau baka kampar meh aku gaga sida iya "ko Lyana kekimut mucau kediri .

"Oohhh Lyana ...jampat agi keh ....sapu bilik sampah buai enggai ka bulat .Asi guring sumai dulu lapar Sebai enggau Irec .Ngereja pen enda sikal meh ngelubah ."ko nyawa ibuk iya meletup ngansak iya ka gawa .
"Aok ..aokkkk aokkk tembu aku tu .."ko iya beguai guai mai beledi tama ka bilik berumban nyumai asi guring enggai ka dianu urang.
"Jampat!! jampat!! nya sampah bedau dibuai ...bilik bedau disapu ...anang tembu rebil rebil ngereja pengawa ."ko ibuk iya mupuk kekucau meda iya lubah ngereja pengawa .

# vote mayuh mayuh k