💗💗عشقت رهينتي💗💗
كلنا نعلم ان عواقب الغضب اخطر من اسبابه ومن منا لا يحمل حقدا في قلبه احيانا لكن يجب ان نوكل امرنا لله ولا نخلط الاوراق ولا نحمل ذنب احد دون الاخر....
متابعة ممتعة
#ريم العبيدي
الجزء الاول♥️
وليد... مرحبا اني وليد مواليد 1985 واحد من هاي الناس العاديه وحياتي كلش طبيعيه بعد ما توفى جدي ابويه اخذ الورث واشترى بيت باطراف بغداد عشنا بيه اني وامي وابويه واختي الاكبر مني حياتنا حلوة جانت واحنا عائلة متفاهمة حيل والحمد لله وعلاقتي جانت كلش قوية بوالدي اكثر شي والدي حداد جان عدنا حديقة ورا البيت سوه بيها سرداب حتى لينسمع الصوت ويزعج الجيران من يشتغل.. اختي متزوجة وعدها علاوي اول حفيد للعائلة ومدلل البيت.. تخرجتمن السادس وطلعت معدل وانقبلت هندسة كهرباء والحمد لله وبيوم والدي اشتغل لواحد يسموه بمجتمعنا(الواسطة) جان ديبني بيت ووالدي اشتغله ودائما جان يحجيله شون عين فلان وسوه هيج لفلان فوالدي كله اذا عينت ابني شغلي كله هديه لعيونك الرجل راسا وافق اخذ اوراقي كلها ماكو شهرين وجا امر تعيني بدائرة الكهرباء بلشت دوام والحمد لله صح المسافة بعيدة عليه بس جنت حيل مرتاح بشغلي حتى خليت والدي يقلل شغل حسيت صحته بدت تتعب واحنا قلال بلبيت راتبي جان يكفينا وامي بدت تجهزني شويه شويه ودورلي على بنت الحلال وماكلكم الحياة جانت كلش ورديه بعيني جنت افكر باليوم الي حكون اسرة بيه ويصيرلي اطفال واكونلهم مستقبلهم واني الحمد لله جنت حيل قنوع بكلشي رب العالمين قاسمه بس جان عندي عيب واحد اني من النوع عصبي حيل وما الزم نفسي من اضوج من شغله اكولها راسا واتعصب حيل شكد حاولت اتغير بس مكدرت والدي دائما جان ينصحني وميفيد هواية متعارك ويا ناس وهواية صارتلي مشاكل لان ما الزم لساني وما اتحكم بعصبيتي....
