أحببت فصلية وتحب غيري

البارت الاول

هلو ... اعرفكم بنفسي نور من بغداد عمري 18سنه

عندي اخوات 2وإخوان 2 سمر متزوجه وعمرها 22
وستبرق مخطوبة ابن عمي وعمرها 20
وكرم عمره 26 عندا حبيبته وميقبلون أهلها ينطو إله لأن رايديها لابن عمها وسامر عمره 28 اخوي الكلب مالتي وأحبه أكثر واحد بالعائله متزوج وعنده بنية ولد حسين ورقية وماما سها وبابا علي واني آخر  العنقود والمدلله مال بابا
...................
هسه اوصفلكم شكلي
عيوني كبار ولون  جوزي على عسلي لون بشرتي بيضه بس مو ذاك البياض و شعري جنت احب إكصه هسه لا بسب شخص مسيقبل أكصة المهم طويل ولونه تمري على شقار
طولي 156 وجسم حلو مو سمينه ضعيفه وزني ......
وطبعي ما أسكت على الباطل وافوت بعين الواحد ألما يصدكني وعنوديه وما انجبر على شي إني ماريدا وماحبه وإذا أوافق على شي كله لمصلحة أحد عزيز على كلبي وجريئه واتحدا اكبر واحد وميهمني منو هوا لوجان الوزير ......
الصبح ساعه 6 كعدت رحت أخذت شور وطلعت لبست هدوم المدرسة وخابرت على حسوني حبيبي

ترن ترن 📱

نور صباح الخير

حسن صباح النور و يا احلى نور
نور يله طلعت كاعد عبالي اكعدك
حسن هستوني كعدت واليوم حشوفج يم الأسواق اوكف اوكي
نور اوكي حبيبي بأي
نور . اعرفكم علي تؤم روحي حسن اكبر مني بأشهر تعرفت عليةباالابتدائية  والمتوسطة اعترفلي بحبه عن طريق أخته الي هيه صديقتي وتدري بعلاقتنه وصارلنا 4سنين بس يخلص حسوني السادس يجي يتقدملي ويوميه اشوفه بس نظرات وحجي تلفون
المهم اوصفلكم شكله عيونه لون بني لون بشرته حنطاوي مو كلش لأن هو اشكر وشعره يخيل وجسمه رياضي المهم أعشق اوصافه
............................
إجه أبو الخط صعدت وشفت روحي واكف يم الأسواق وأكفه يمه  أخته مريم  وشايل كيس متروس نستلات وجبوسه وصلت المدرسه نزلت انتصرت مريم  إجت
نور هلو حب شلونج
مريم زينه الحمد لله هذا دزلجياهن حسن
نور شكرا
مريم هنيالي لو عندي هيج حب
نور عين البارد علينه
مريم أنجبي خل نفوت لو هم نأخذ رزاله
.....................
كملت الدروس رجعت البيت لكيت كرم ماكو وماما شكلها ميتفسر عصبية وتبجي وتلطم رحت لستبرق أسألها
نور . خير شكو
استبرق. هذا الكلب أخوج مأخذ حبيبته ومنهزم هو وياها
نور 😱😱😱 صخام ولج أهلها كله شيوخ وعشاير
استبرق. حيسون كعدا العصر  وشوف شيطلبون منه
ولج انوب هذا الرايدي إلها إجه ويرمي يم الباب إلا اكتل واحد منهم
نور. خلي نروح يم وماما خطيه
ستبرق اي ألما يجي بابا ونشوف شون تمضي على خير
نور انشالله.خير
ستبرق انشالله
رحنه كعدنه يم ماما
محجت ولا كلمه
المهم مر ساعة ونص وأكله نفس الكعده الكلمه ولاحرف رحت تحدي و يا حسن
رحت دكيت عليه
حجيت و يا وكتله كلشي 
حسن حبي إذا تحتاجين شي دكي عليه
و بس يرجع عمو علي دكي وكليلي شقررو
نور اوكي
حسن اوكي
نور حسن اوعدني انو شيصير تبقى ويايه
حسن وعد ابقى وياج للموت بس شجاب هذا السؤال هسه
نور مادري.بس إجه على بالي
حسن حبيبتي
نور ها حبي
حسن  احبج
نور واني هم يله محتاج شي
حسن سلامتج
نور الله يسلمك حبيبي
حسن وين الي وين البوسة
نور هه امواح
خلصت مكالمه من حسن ودا انزل وأسمع الباب تندك استبرق وتفتح كلتلها اوكفي شدسوين ونزلت ركض باوعت من طرف الباب رجال داير ضهره لا سامر ولا ابويه  لأن عضلات وضخم 💪
نور لج صخام هذا يمكن الي رايدي لبتهم
ستبرق عزه
نور جيبيلي سجينه على السريع راحت جابت سجينه
وكل هذا وأمي كاعدا وصافنه دى أفتح الباب جان يدك قوي  اني جابت من الدكه طلعت بدون حجاب وبملابس المدرسه وخالا.مكياج خفيف كلش ألمهم فتحت الباب وهو داير وجهه واني بيدي السجينه وخالاتها ورأيه طلعت كلت خير شرايد اندار وياريت مندار جمال الله كله بي المهم
الولد طلعيها لو تفوت اطلعها سحل
نور هي ليش انته منو حتى تدخل بيتي
الولد إني أخو الساقطه الجوه
نور هي لم السانك واتقن الفاضك نورتيني عرض اجتافك
الولد لج احترامي الأكبر منج
نور هههه بقت عليه احترم الزعاطيط وهيه اختك لو شريفه متطلع ويا ولد الناس المفروض كاعد بالبيت طمطم على اختك الشريفه مو جاي تهد على بيت العالم تعرفهم ولايعرفوك  روح حباب ورأيه دراسه بهاي اللحضه اجتي مريم