بارت للسهرانين
تصبحون على خير حبايب😘😘
اتركم ويه الاحساس والحب😍😍
احلام سعيدة🤗🤗
........
فدا :
صار الليل واجانا الوقت وحان الملتقى اكذب على نفسي واكول اني زعلانه منه قسم مني يريده لا شنو قسم كلي يريده يا ربي شلون بيه زين شسوي
صعدت بالممر بين الغرف بالطابق فوك بس اني وهو بي وصلت باب غرفتنا ووكفت كرصت ايدي قوي حتى لا اضعف وفتحت الباب وفتت
اتصرف عادي هو وهو مثلي كاعد عالسرير ما يبين عليه شي مو مهتم لوجودي شويه هدأت
وكفت فتحت الكنتور اطلع ملابس الي جريت دشداشة مستورة ردنها طويله وفزيت لما انمدت ايده من ورايه على ثوب هو يحبه وما لابسته بس مره وحده لان افشل منه كان ثوب طويل اسود بس مخصر عالجسم ويطلع الصدر وقماشه خفيف وبي مكانات القماش يصير بس كيبور
انداريت هو واكف ورايه عيونه تخجلني ونظراته جريئة رضا تجاوز خجلي بمراحل صرت ما اكدر اجاريه بشي
-البسي هذا
-لا ما اريد
اجيت امشي حبسني بين جسمه والكنتور واني رجعت بي شويه وافوت جوه
-فدوى من تزوجنا لحد هاليوم وانت تعاندين اشوف جسمج كامل وما تخليني اتمتع بحلالي زين اريد اشبع فدا عوفيلي نفسج بس هالليلة وعد مني اراضيج
-رضا مو وكت هالكلام واني ما مستعده اسمعه
-تريدينا نبقى عركه لج اريدج فدا والله الليل كوه يفوت تريدين اعتذر تعالي اعتذر واعوض كل شي وعد
-انت ضربتني وصغرتني كدام الكل ومن ردتك تجيني ما قبلت ما ردتك لا تعتذر ولا شي بس ردت اشوفك مهتم ضايج تريد ترجعني وين كل هذني ما سويت شي تجاهلتني وغلست على زعلي ومرضي
-وهسه اراضيج مو صرتي يمي
-شلون تراضيني
-هههه تريدين تعرفين
-اي اريد
-البسي الثوب
-اني مو حيوان بس للشهوة ماخذني رضا حسسني انت ضايج على فراقي حسيني باهميه
-قصدج اني الحيوان ما تهمني بس شهوتي بارك الله بيج ما قصرتي بس تره فدا هوايه تجاوزتي اذكرج خاف ناسيه
شفته تغيرت ملامحه من لهفة وحب الى عصبيه وعكدة حاجبه رجعت بعد ما كانت عيونه ذابله ونظرته بيها لهفة راد يروح كمشت ايده
-رضا مو قصدي والله بس انت ليش تحسسني الذنب كله مني
-اي منج انت اللي هيج تسوين امي تكول تتجاوز عليه وشفت بعيني هالشي لو تحبيني تحبين اللي احبهم وهاي امي
-بس والله هي اللي تجاوزت وحجت واني ما سويت شي
-اللي صار كدامي زوجتي تهد على امي تريد تضربها ولا عبالج ما عرفت الباقي واجيت لبيتكم اريد ارجعج واعتذر وكل شي اسوي وانت عاندتي شسوي اضل اتوسل
عافني وراح تمدد زعلان مني زين هسه شلون تفض بعد اثنينا زعلانين واعرفه ما راح يتراجع هو
اخذت ملابسي ورحت للحمام سبحت ولبست مثل لبسي المعتاد ثوب طويل مستور واجيت يمه تمددت وهو نايم ما يندار بقينا هيج لحد ما غفيت وبالليل كلش فتحت عيوني ايدين رضا تمشي على جسمي والغرفه ضلمه كلش الاضاءة طافيه
