احبه_بجنون

كرنيك_جزائرية

#كورنيك_جزائرية

#أحببته_بجنون

انا اسمي ريم عمري 15 سنة كنت طفلة حاااالمة و ضحوكة وقلبي ابيض وحنينة
دارنا من كثر مانضحك يسموني ضحوكة
المهم تبدأ حكايتي نهار رحلنا من دارنا لقديمة لدارنا الجديدة
انا كنت لكبيرة نتاع الدار وكل شي على راسي
اول مادخلنا للدار الجديدة قاتلي ماما ياله لازمك تحطي كل شيء في بلاصتو مانستحق حتى حاجة برا
هكاكا بديت بالشغل
ماما مريضة اعصاب وكل مرة بحالة مي مكثر الحال عصبية وتحب تضربني بزاااف
ايا هكاك
وانا نقضي في شغل الدار
ويدخلو علينا دار خالتي هي وبناتها وولادها
كان عندها ولدها لكبير احمد
كاان زيييييينووون يهبل
يقرأ في الباك
اول ماشفتو حبيتو ودخل قلبي
قعدنا حكينا و تعاونا في شغل الدار وبنات خالتي تاني عاونوني ماريا و اماني
وولدها الصغير بشير كان يقرأ في ثانية ثانوي
المهم ماما قالتلي وجدي لعشا خالتك رح تتعشى معانا
فرحت قدقد وبديت نزرب في روحي ونوجد ونهدر مع بنات خالتي و نضحك من باعد تعشينا و قعدنا نسهرو
كانت سهرة تهبل
انا ديما وحيدة ماما ماتخلينيش نخرج ولا نلعب نهار كامل وانا مغبونة في الكوزينة حتى كيف نكون نقرا لازم نوجد كل شيء قبل مانروح
في هاديك الليلة قعدت نخمم غير في احمد عينيه العسلية وشعرو لكحل ولحية نتاعو
عشقت فيه
الصباح نضت بكري وجدت فطور الصباح و قضيت صوالحي و قعدت نتفرج
شويا ويطبطب الباب
فتحت حتى لقيتو هو ....
اسمحيلي ... ماما بعثتلكم شوية غداء
اييه يعطيها الصحة خالتي
انا فرحت قدقد بشوفتو خاطر ماراح من بالي ولا لحظة علبالي كنت صغيرة مي هم ماما خلاني ديما وحدي لا صحبات لا والو
نهار كامل نتفرج في لهنودة حتى تأثرت بيهم
دخل للصالون سلم على ماما وقعد معاها شوي ومن باعد جا خارج انا رحت عندو نجري
**اقعد تتغدى معانا
**لالا خلي مرة أخرى ان شاء الله
***ان شاء الله ياك وعد
**هههه ايه وعد
طرت بالفرحة و حسيت روحي إنسانة أخرى
كل مرة نجي نرقد فيها نشوفو قدامي يضحك وكل مرة نتفكر اول مرة فتحت الباب وشفتو مع العلم هديك كانت أول مرة نشوفو خاطر كنا نسكنو بعاد على بعض وخالتي كانت ديما تجي هي وراجلها جامي جابت ولادها معاها غير مرة وحدة خاطر جداتي الي هي عجوزت ماما تكره خالتي وبياناتهم مشاكل
****جاء وقت لقراية ودخلت نقرا وهو كان في كل فرصة يجي يطل على ماما ولا يجيبلها حاجة من عند خالتي
وانا ساعة على ساعة نروح نلعب مع لبنات
مانعرف ممكن هو حاطني طفلة صغيرة.... ولا حاطني اختو
نهااار كنت نلعب مع اماني و ماتفاهمناش وانا كنت زيرو في الألعاب خاطر مانلعبش ومانخرجش
ضربتها خاطر غلبتني و قعدت تعاير فيا  وناضت الحرب بيناتنا
جاء هو يجري و عيط علينا زعفت وقتلو هي ضربتني هو شافتي قالي انت ضربتيها اذا كنت ماتعرفيش تلعبي ماتلعبيش  باش ماتعايركش
انا غاضتني عمري سيرتو كيف جات منو هو
قلت لماما ياله نروحو ومانزيدوش نجيو عندهم
روحت وقعدت كل مانتفكر هدرتو نبكي