كيما وعدتكم 😁💜.
العودة من الغبار : توحشتوهم علابالي 😁✋.
قرر الفتيان السبعة ذوي الحظ الناشف الذهاب الى لابلاج و داو معاهم دلاعة كبيرة باش ياكلوها تما و داو معاهم الماكلة لبسوا كامل نفس لي شورط تقول ولاد شهداء (كيما نقولوا حنا) المهم ركبوا فالطنوبيل و تاي جابلهم كاسيطة تع باباه من السبعينات قالهم نسمعوا شوية غنا راقي ، شوغا قعد من جيهة التاقة باش يستالي روحوا و يرقد و نامجون يسوق و جين يستنا الوقت المناسب باش يحكي لي بلاق تاوعو جايهوب قاعد فالوسط و تاي و جيمين و جونغكوك ياكلوا فالزريعة و يرموها من التاقة سكت جين شوية و مبعد ما حملش :
جين :
ليكم هادي !
واحد ما جاوبوا .
جين :
قالك واحد النهار زوج راحو للبحر واش صرالهم ؟
نامجون :
نحبسلك في نص الطريق و تشوف شكون يوصلك ؟
جين :
ايا قولي واش صرالهم ؟
نامجون :
واش صرالهم .
جين :
واحد عام و واحد 6 شهر .
الماكني لاين ياكلوا فالزريعة جايهوب في وضع "جاري البحث عن الفكاهة " و يونغي في سابع نومة و ار ام راح يسويسيدي و جين يضحك من كل قلبو .
المهم لحقوا للبحر و تاي راح يجري غرس الدلاعة تحت الرمل باش تقعد فريشكة و جونغكوك بلاصالهم الباراسول و جيمين بدا يقلع فالتريكو بكل عفوية و نامجون ديجا لحق للشط باش يشوف الما اسكو بارد و لا دافي .
يونغي :
فرشلي ديك الزربية نكمل رقادي و مبعد ندخل نعوم .
جين :
جيمين !!
جيمين :
واش بيك تعيط ؟
جين : ايا نقولك حاجة... البحر على مالح ؟
جيمين :
شوف شريكي جينا نعوموا ننساو شوية الوضع المزري تع حياتنا بركانا من الحكايات تاوعك .
جين :
ماتتقلقش ايا خلاص تع وجهكم نتوما الضحك .
جين دار دار مالقاش واش يدير راح قعد قدام واحد العجوزة كانت قاعدة على الشط .
أنت تقرأ
|| Bangtan in DZ || مكتمل 🙏
Humorالملتقى الرسمي للارميز الجزائريين في الواتباد . كتاب يتضمن يوميات اعضاء فرقة بانغتان في الجزائر.
