اضحك يمزيون :)

حبيت ولكن؟

هلو ايفري بدي؟
تنويه ¹ القصة مش بالفصحى يا أبطال.

انا رجل عمري 27 حبيت احكي القصة الوحيده اللي بتذكرها من ايام مراهقتي انا ناصح (دب) وزني تقريبا 145 وعلى حسب العزايم احيانا بزيد المهم انتو عارفين انو الدببه فرصهم بالحب قليلة مع انو قلوبنا مليانه حب وحنان

ما علينا كنت متعرف على بنت من شاتات التعارف وأخذت ايميلها وبلشنا حكي وكنت حاط صورة الايميل تاعي شب مز وعضلات وحركات ما أخفيكم وقعنا في حب بعض وهي دائما كانت تتخيلني بشبه كاظم الساهر مع انو اللمبي احلا مني 🙂😂

تنويه ² هي صورتي للتعارف الجاد  😉.

والله كانت أول مره اكلم بنت في حياتي ما بقدر اوصفلكم الشعور لما اسكر الخط معها وانام واحط التلفون ع جهة قلبي كنت دائما اغنيلها وهي تبكي من الاحساس وكنت أضل معها 24 ساعة

ضلينا مبسوطين لحتى ما أجا اليوم اللي قالتلي فيه (اسمع الخميس بروح السوق وبدي تيجي عالمكان الفلاني وان ما أجيت رح نترك بعض لاني خلص تعبت وبدي اشوف ابو عيالي قلتلها طيب خلص باجي ما عليكي وانا بالواقع كنت :

المهم أجا الخميس وطرت للحلاق حكيتلو اعملي مثل كاظم الساهر صفن فيني وهو كاتم الضحكة وحكالي ماشي

المهم بلش الحلاق يشتغل ع وجهي يمكن نص ساعة او اكثر بس مش مهم المهم النتيجة يخوان ونعجب ام العيال بعد ما خلص كلشي شفت وجهي والضحكة شقت ثمي مبسوط بالنتيجة الله يهديني

رحت ع الدار لبست وطرت للسوق فتحت تلفوني لقيتها باعثة وينك الو؟ ومن هالسوالف قلتلها وصلت لما قربت ع المحل اللي قالتلي عنو قلبي بلش يدق لاني شفت بنت صاروخ رحت عليها ولقيتها مشغولة بالموبايل قلت السلام عليكم رفعت رأسها وشافتني وبلشت تضحك قالت انت حبيبي كل هالسنين؟
المسكينة صار فيها هيك :

قلتلها اه قالت شلونك حمود ليش هيك ناصح؟ ما عرفت شو ارد بعدها قالت المهم مستعجلة وبدي اروح قلتلها لما توصلي طمنيني عنك وطبعا بعد أكثر من ساعةما بعثت انا عطول عرفت السبب ثاني يوم بعثت وقالت :نحنا ما نزبط لبعض وحذفتني الحيوانهه.

اه نسيت اقول اني روحت ع الدار متضايق وانا فيني عادة إذا جعت بوكل الأخضر واليابس وزدت يمكن 20 كيلو المهم هسا متزوج وحده دبة وعندي منها 3 دببه يسون الدنيا وزوجتي تحبني وعاجبها كرشي.