سلاسل من رصاص

السابع

صباح الخير
ذكرى المندلاوي

سعد
وينهة بت خلف
ام جعفر
خيرك اوليدي
دفر باب الغرفه وعيونه جمر وشعره منفوش ودشداشته متربه ومنظره مرعب لو يشوف اي واحد من بيت خلف ياكله اكل
زهره
شبييك والله كولشي ممسويه بخوف وتردد

سعد
ممسويه ؟؟ موووو بت خلف المجرم مكافيكم عاد
زهره
والله مو ذنبي
مو ذنبج لاااء ذنبج انج بته ودمه يجري بدمج
كمش ايدهة وشال ردنه لووو
هاذي دمارتج اكصهن بخنجري واشرب كل دمج الحد ميصفه واغيره الج دم صافي هم مايبرد كلبي
ولج علاااء اخوييي اهلج كتلوه بدم بارد شنو ذنبه
شسوالكم
زهره
حقك والله حقك بسسس الي كتل موش اخوي ابن عمي الخسيس
هه وانتي ليش شرتي الخاطر توكفين بصفه معولتي بس طلعت هااااا

اتفاجئت
اقسم بالله مشارده انه اردددد
طاخ طاخ براجدي وجر شعرهة وصار كله بيده
زهره
دخيلك سعد ممسويه شي انه هنه الي ضربني وطردني
وتكذبين فوكاهة بت جواهر
طاخخخخ
شلع الحزام وين يوجع الحد ما دخلت ام جعفر
اوليدي فكهة حرام تراهة مو ذنبهة
اذكر الله هنه الي طردنه وشمرنه بليه عباه اسأل سكينه اختك
سعد صدره يسحب الشهيق والزفير بقوه والهوه صار دخان نار يطلع منه صفن بيهة
حيل بيهة مو بت خلف جتال اخوي حيل بيهة والله
والله لارجعه الهلهة والدم بطولها رجع عليه
وهي تشهك بقوه وجهة كله دم
من هليوم انتي حالج حال البهيمه تاكلين وتشربين
وياهه سحلهة سحل المكان
الهوايش وشمرهة وياهن وسد الباب وصاح

الحاضر يسمع الغايب بت خلف تعيش هنا لان هذا مجانهة والي يطلع عن شوري ويحركهة من مجانهة
ميشوف مني غير جاتله ويعتبر عدوي وهاي الرساله خله توصل الهلهة وعشيرتهة
هذا مقام بيت خلف ويه الهوايش لجن همه عشيره
كلها بهايم ودم علاء اخوي وابن عمي اخذه اخذه
ومايبرد كلبي الا اصفيهم واحد واحد

الكل صاح
تم على راسنه وكلنه اوياك احنه ولدنه وحلالنه
زهره
مكان عدهة غير الدموع الي تجري بدون توقف
والالم التمت عليهة
الم الحبيب والزوج والم الجسد الي كل وصله منه يشتكي ويصيح

اخخخخ يمه تعالي ليه انه بحاجتج زهره بنتج بحاجتج اليوم اردن انامن بحضنج الدافي وتلوليلي
دلللوي يازهره الحبيبه دلللوي

*******
فاطمه
عفيه اعليك ابن عمي زين سويت انته هيجي
سودنتهم باجر العشاير كلها تشمت بيهم وتضحك على خلف الخسيس

ام سعد
تعال سعيدددد دفنته الاخيك لو بعدددد
طميته بلتراب اشلونه الله عليك حليو ابني مووو
سبحته غسلته شفتةطوله لاخيك انه جبته وملحكت
اتباهة واني اختارلهة البنت الي تليق بي
علاء اخيك جنه كمر يلالي وين الكه مثله
سعد
كافي يلحبيبه كافي مو مرتي الفادي شبيدي عليج
امه
اخذوه مني الظلام اريد تشعل ابيوتهم وتفلشهة عليهم مثل ما شعلوا كليبي عليه
هز راسه
يجرالج
الكل من سمعوا بكلام ام سعد هبوا
احنه وياك الحد اخر كطره من دمنه
سعد
ركض الغرفه ابو وطلع سلاحهة الي جان ضامه
اتذكر كلامه من كال
سعيد اوليدي هذا سلاحي اسلمه بيدك وادري بيك
كد سلاح حمود مايشيلهة غير الوكت النخوه والشدايد والوكفات الترفع الراس
ابني السلاح مينشال الا
للكاع و كاعك عرضك ان وخذت
وللاهل بيوم تصونهم من العدو وتحميهم وتاخذ بثارهم لو يوم دسوا بيتك
وهذا اسم جدك منقوش حرص عليه هو هم شرف
البيت حمود لا تخلي غيرك يحملهة وانه اعرف بيك
كدهة
دك ايدهةبقوه على السلاح وطلع علىولد اعمامهة
واعمامه وعشيرته وصاح
اعمامي والد عمي واهلي وعشيرتي
الثار الثار
الكل
الثار الثار
*********