حوريّة
حوريّة بي نصّ البحر
عم تقطف لولو و مرجان
رشّت فوق عيوني سحر
و سرقتني لعالم مليان
فراشات و أحلام وزهر
تخبّرني حكايات الجان
تا انسى الدّنيي والعصر
واغرق بي بحر النّسيان
قلبي بايدا تعصر عصر
تسكر عا نبيدو الريّان
قلبا الجارف متل النّهر
يرويني حبّ وحنان
يسهّرني لطلوع الفجر
أنظم أشعار وألحان
حوريّة من شهر لشهر
تسبح بي قلبي الولهان
تحفر اسما بعّز وفخر
تولّع من شوقي بركان
غمزي منها تفج ّالصّخر
تملّي هالدّنيي ألوان
بوسي منها تولّع جمر
تدوّب هالتّلج الغفيان
همسة منها بتؤمر أمر
أسرع من كرج الغزلان
حوريّة بتغمرني غمر
تسمّعني غنجا بحنان
"حدّي قضي باقي العمر
خلّيني عيش بأمان
لا بدّي جاه ولا قصر
ولا بدّي ملك سليمان
انت الورد و انت العطر
بحبك يا أغلى انسان "
